هاي حبيباتي ... شلونكم عساكم طيبين
موضوعي مهم وحساس لكل بنت تعاني كبر وتضخم حجم الثدي ...
خواتي والله اني تعبت من الادوية الموضعية والاعشاب لمنطقة الصدر ما خليت شي الا وجربته وما في فايدة ..... صدري وايد وايد كبير :06: ... صرت ما احب الاختلاط مع الناس او الاهل والسبب صدري الي احسة جبل على جسمي ومعاناتي طويلة مع ها المشكلة لاني بلغت وعمري 14 سنه وبدا صدري يكبر ويكبر بشكل غير متناسق مع جسمي وخاصة لانه محيط ظهري ما يناسب او بالاصح ما يستوعب كبر صدري ..... :(
هذا غير الحكة الي تصير تحت الصدر والفطريات والم قبل العاده ..... الخ الخ الخ
المهم نمت العقدة عندي من الصغر وبدت تكبر وتكبر يعني ما اقدر البس سنتيانات حلوه وعلى الموضه لانه ما القى قياسي الكبير وحتى الفساتين ما تصير حلوه او حتى مرتبة علي لانه صدري متقدم ب5 اشبار عن ويهي ... ههههههههههه :27:
بس الحمد لله هذا كان زمااااااااااان اما اليوم آنه صدري صغير ومشدود وواقف :D
تسألوني شلون .؟؟؟ :confused- بكل بساطة عملية تصغير الصدر سويتها بالبحرين تحت ايدي دكتور مشهور عندنا اسمه ( عبد الشهيد فضل ) ورقدت في المستشفى 3 ايام وبعدها طلعت ... وبعد شهر ونص تقريبا سويت عملية ثانية بس مو الكل يحتاج لها يعني على حسب نوع الصدر وكبره وهذي العملية عشان تصحيح العيوب البسيطة الي صارت بالعملية الاولى والحين آنه وعقب حوالي 5 شهور من احسن ما يكون نفسيتي عال العال واقدر البس واكشخ وكل شي وصرت منفتحه للدنيا وازور صديقائي .... :42: وكلي همي الحين وهذي الخطوة الثانية اني انزل وزني عشان تكمل الرشاقة ... والا شنو رايكم
اخواتي وقسم بالله لا تصدقون ان في علاج يصغر الصدر او يسوي معجزة فيه هذا الامور كلها للدعاية وكسب المال عن طريق النفوس اليائسة الي مثلنا ..
في النهاية حبيباتي آنه مستعده لاي سؤال او استفسار عن العملية وعن مضاعفاتها واي شي يخطر ببالكم لا يردكم الا لسانكم والله الشاهد علي اني ابي افيدكم وما ابي اضركم
اختكم
جزيرة الكنز
الحمدلله على السلامة ومبروك المقاس اليديد
صج انج يديدة بس وايد نشيطة>>>يعطيج العافية على المواضيع الحلوة