السلام عليكم ورحمة الله وبركاته وش أخباركم بنات أنا من المقلات بمواضيعي بس دايم اتابعكم
وودي إنكم تتفاعلون شوي معي
انا طبعا من مجانين الصبغات دايم أصبغ وأحورف بذا الشعر بأجيب لكم السالفة من النهاية علشان ماأطول أنا لي فترة وأنا أصبغ في مشغل قريب عندنا أسمه لميس الي فية سورية بس فنانة صبغت مرة انا بالبيت بني شوكولا من فيفا كلر ورحت تسوي لي خصل قامت تتفلسف تقول لي لي تصبغي بالبيت الحين ماراح تضبط الخصل لازم اسوي لك صبغة ثانية قلت لا واصريت عاد هي سوت لي خصل خيال اشقر على نحاسي كل من شافها انجن وبعدين لما جاء على بداية العطلة الطويلة رحت بسوي جذور وقامت لعبت براسي خلتني اصبغ من جديد بس سوت لي شئ مو طبيعي بني وخصل بيج ومن جد روعة بس للأسف مرت فترة طويلة ومافيه مناسبات حتى لما جاء رمضان نزلت الصبغة واجد يمكن 5 أصابع بس من المعروف ان الهاي لايت لما ينزل أحلى لكن ظلت الجذور واضحة قلتفي بالي لو اروح لها راحت تلعب براسي وتخليني أصبغ وانا بس ابي جذور وقمت رحت للسوق وشريت صبغة ورحت لمشغل جنب بيتنا وسوت لي جذور
الحين زي ماكلكم عارفين قرب عيد الاضحى وودي أغير عاد انا شايفة كم وحدة من جماعتنا مسوية شعرها اسود وخصل حمراء طالع خيال في منهم اساس شعرهم محنبته وفي منهم لا صابغة اسود بس المعروف ان الاسود يدمر الشعر وخاصة للي مثلي شعرها مليان صبغات
عاد ما أطول عليكم السالفة وحدة من الشلة حقتي تسولف لي تقول ان وحدة من بنات عمها صابغة شئ صرعة وبصراحة خشت الصبغة ببالي تقول ان اساس شعر البنت اشقر غامق بس باهت راحت قصته درجات وصبغت بس الأطراف هاي لايت بيج واحمر وطلع خيال وش رايكم
بالفكرة انا ودي اسويها بس لازم اسوي اساس لشعري عاد لما رحت السوق ادور لون غامق مقارب للأسود لقيت لون جنان اسمه برغندي من كليستون إلي عجبتها الفكرة تقول لي علشان اقول لها وين بأسويها وعلى فكرة انا من الشرقية
واسفة ع الاطالة بس عطوني وجة بليييييييييييييييييييييز علشان اعطيكم افكار احلى واحلى:27:
makeup lover @makeup_lover
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️