للي جربت نــــــــــــــــــــــــار الخيانه تجي تساعدني..للحكيمات فقط

ماكنت بيوم افكر اكتب
ولاكنت بيوم اتوقع لو بكتب مشكله بكتب هالمشكله
لكن الحمدلله على كل حال
باختصار حبيباتي
عنوان مشكلتي واضح
ماراح تاكلم عن مر الخيانه
ولاعن الايام الي مريت فيها
ولاعن حياتي الي انقلبت
ولاعن غباي وثقتي العمياء فيه
ولاعن اني اتوقع انا اغلط بيوم وزوجي مستحيل
ولاعن شخصيته الي كنت اشوفها ولغبائي لحد الحين اشوفه مو حق هالامور بس ربي كتب والشكوى له

زبدة كلامي
ابي الردود تكون من مجربات للخيانه وحكيمات
لاتجي وحده وماجربت الوضع وتعطيني راي
حطو بباكم اني متمسكه ببيتي وولدي
ولاابي طلاق
بس احس ناري مابردت
مع انه ابدى اسفه وانها زله وماراح تتكرر( زي كل الرجال يقولون ويكررون)



انا لملمت الموضوع كلمته وطلعت كل الي بقلبي ولو بتكلم معه لين يوم اقيامه مافيه شئ بيبرد قلبي
بس لي صديقه حسفتني
تقول لوك شايله عمرك يوم دريتي بخيانته ورحتي لاهلك احسن لك
للمعلوميه بعد ماهديت بفتره قلت لامي من باب اني ابي نصايح وهل اسلوبي بيضل معه زي اول ولالا

للي زوجها خانها
هل كلام صديقتي صح
المفروض رحت وشلت اغراضي ورحت لاهلي عشان يحط لي حساب
ولامنطقي صح ببين له اني اغفر واسامح وهالمره مسكت نفسي ولمو عجزانه اروح افضح بك بين اهلي واني بنت رجال وسترت عليك وتفكيري حكيم


وسؤالي الثاني
وبعد ماامورك هدت انتي وياه رجعتي تعاملينه زي اول ولالا

انا الان رجعت زي اول حبيبي وعمري واسوي له اموره
بس الي باقلب بالقلب والحرقه مابردت
لاني ماابي يلقى مدخل لو عاد هالامر مره ثانيه يقول مقصره اواو
بس احس اني اهنت نفسي ومرات اقول كذا الحرمه الذكيه تسوي

كلامي ملخبط وابي مين تمسكني بيدي وتعلمني وش اسوي


للمعلوميه الوضع ماتعدى مكالمات وصور ماادري فيه مقابلات ولالا بس هو حلف انه ماطلع مع احد

بنات مره اشكركم بس الله يعافيكم ادري ان الخيانات كثيره وزي الرز بالهبل
بس ابي تجارب ناس ماابي ردود تصبير اتمنى فهمتو علي

والي ماعندها رد تدعي ان ربي يبرد النار الي بقلبي ويسخر لي رجلي وكل من كانت مثلي
عساكم ماتجربون نارها