سبق ورديت على وحدة من الاخوات عن كيفية صبغ الجدران بنفسك
لأني اشوف كثير من الأخوات حابة تخوض هالتجربة اهديها تجربتي
طالبة منكن الدعاء
عملية الدهان ما هي صعبة كثير ولاهي سهلة !!
لان يبي لك
1) تشيلي الاثاث وتجمعينه بالوسط.
2)الصقي حافة الشباك والافياش بالاصق... وافرشي بلاستيك على الارضية اللي بجنب الجدار عشان ما تتوسخ وياليت تلصقينها عشان ما تتحرك و استخدمي اللاصق (الشطرطون ) الخاص بالدهان تلقينه عند محلات السباكة خذي الاصلي عشان ما يفك وانت تشتغلين.
3) الصقي باللاصق ( الشطرطون) حافة الجدار اللي بتصبغيه احمر من الاربع جهات .
4) اخلطي البويه جيدا و ابدأي بالدهن انا استخدمت البوية البلاستيكية اللي تنخلط بالماء ( طبعا المحل اللي تشترين منه البويه بيقولكم كمية المويه اللي تزيدونها على سطل البويه ) ..ادهني بخط مستقيم و حاولي ما يكون فيه تجمعات للبويه.
5) اتركيه لحد ما يجف حوالي ساعتين وبعدين كرري العملية ليتركز اللون .
6) بعد ما يجف تماااااااااااما شيلي اللاصق وسوي بالجدران الباقية نفس الطريقة.
واذا بتسوين جدارين جنب بعض بنفس اللون خلي اللاصق حوالين الجدارين
واي مساعدة انا حاضرة
انا سبق ودهنت غرفة العاب اولادي
هذي صور الجدران
