مشكوره اختي
لؤلؤةالشرق
ومشكورخ شوشتي سر سعادتي وكدتي حلوا ماقصرتوا انتوا ولي رفع الموضوع

والله مافصرتوا بس ماقلتي متى الساعه كم احط القهوه والشاهي والشكولاته والفطاير ؟ من فين اشتريها عارفه من محل الشكولاتات

بس كيف يعني كيف التقديم يجبوا الحلاوه مغلفه وانا بس احط ع الطاولات ولا كيف ؟ والفطاير كمان مغلفه ولا انا اوزعها ؟
والهدايا لازم نعطي لضيوف ؟
مشكورين ماقصرتوا الله يعطيم العافيبه ؟

حبي ..



اول شيء تزينوا القاعه .. تتفقوا مع محل يسوي الكوش والصاله لكم والطاولات ..

فوق الطاولات يحطوا ورد اوهدايا لضيوف او اي شيء..

لانه صارت قديمه حركت الزمازم والحلى والفطاير جاهز على الطاوله ..

اول مايدخلوا الضيوف لازم اهل العريس والعروس متواجدين في الاستقبال .. وتحطوا وحده معها دخون عند حقت العبايات ..وعند مغاسل القاعه اللي يترتبوا عندها حطوا سبري شعر وبعض البنس وبعش الفرش < عشان الضيوف يتصلحون .. وترتبوا المغاسل بشكل حلوو

بعدين يوم تجيت 9 ونصف ..او حسب منتوا متعودين بزواجاتكم ..

تقدمون العصير ..يفضل الطازج الخالي من السكر عشان الجميع يقدر يتلذذ فيه ,,

وبعدها بساعه ..القهوه .. <لازم تجيبون مضيفاات سنعااااااااااات .. وعلى حسب ضيوفكم بس كل 15 ضيف مقابله مضيفه وحده ..

وتقدمون مع القهوه الرطب او التمر المغلف او المحشو .. الشوكولا المغلف باتش او شوكولانا .. والشوكولا المكشوف .. والحلوى الشرقيه ..

ووبعدها بساعه ونصف تقدموا الشاي مع الفطاير والبسكويتات المالحه وتحطوا السكر خارجي سكر اسمر مكشوف او سكر مغلف مع كل استكانه شاي ..

وبعدين العشاء .. حاولو تنوعو بالبوفيه ..

وترتبوا المغاسل وتحطوا مغلفات(علك -حلاوه فكس - اشياء كثتر ) وعطور بعد العشاء على المغاسل

وتخلون وحده من المضيفات تحط دخون وهم طالعين من صاله العشاء ووحده تانيه تصب القهوه ..<وهما خارجين


ويفضل على العشاء تحطوا حلويات شكليه .. وشرقيه ..

وبعد مايطلعوا من العشاء تجيهم قهوه تاني .. مع قاتوه ..

وامشوا بعدها بالشاي .. ثم بعدها بالعصير ... لما تودعوا ضيوفكم ..

انتبهوا لازم كل ساعه توزعوا مويه ... لازم ..

وبعد الطقاقه هي تحيي الحفل وتشغل الضيوف ..فإختاروا وحده تماااام ..

< اتفقوا مع انسابكم على كل هالمواضيع .. التقديم والعشاء والطقاقه ..

واذا انتم اهل العريس ترا الزواج بوجهكم اذا زان زينكم وان شان شينكم .. اهل العروس ماعليهم شيء الا اذا هم شارطين قيام الزواج .. فعليهم كل شيء الا القاعه والعشاء على الرجل ..

اشتورا عوود زين ..وانتبهوا تسلمونه كله لطقاقه ..انتوا حطو على الجمر حبه حبه ..

حركات الزفه من موسيقى وشعر وترتيبات على العروس .. والكوشه كمان وزينه القاعه ..

وبالتوفيق لك يارب ..

ادعي لي بالستر والعفاف والرزق الوسيع وان ربي يغنيني بحلاله عن حرامه

نسيت اقول لك ..زفه العروس من 12 الى 1 وممكن تتمدد ساعتين .. بس مو اكثر من 2 ..

ممم

وبعد انتي اذا عرفتي شنو زينه القاعه روحي اشتر صوني كبيره تناسب القاعه تكون فخمه وكبيره ..

وعبيها من محلات معروفه .. <ارخص لك ..واكشخ يوم تكون مناسبه للقاعه ومناسبه لهداياء الضيوف وتغليفاتها

والله ماني فاكره اسماء محلات .. بس غالبا المغلفات باتشي .. ومحلات التمر يكون عندها اشياء غريبه بتشكيله التمر .. مري على حلويات هرفي والحقباتي و شارع الثلاثين بالعليا كله حلويات ..

ولاتنسي دفتر تذكار العروس تحطيه عند المدخل تجيبيه من اي محل هدايا او اللي يسوون الكوشه ..

مم على فكره اللحين الجديد ان يكون بوفيهات العشاء مستطيله وممتده على شكل مائده مو دوائر متباعده ..

وكمان فيه ايس كريم مغلف باشكال حلوه .. من محل اسمه سكر وحلى < او شيء متل كده ..

حلو تقدمينه بعد العشاء ..

والله يوفقكم .. ويسهل دربكم .. وحياه سعيده ياارب

اذا تحبي التغيير ..

قدمي بعد العشاء قهوه تركيه مع شوكولا مغلفه بشكل طووويل ومع القتوه ..

وحطي على العشاء (اتفقي مع المطعم اللي يحط بوفيه ) شاي اخضر والاكواب تكون مزينه بالسكر الملون اللي يناسب لون القاعه وزينتها ..

لا تنسي لا تنسي ..

تدوني كل شيء بدفتر ..

بدايه من اسماء الضيوف <عشان ماتنسي احد ويصير احراجات بعدين ..

ومن الحلويات وايش اللي تبينه ومتى يطلع ..

ولازم قبل ليله الزواج تروحين لكل المحلات تتاكدين انهم راح ينزلوا صوانيهم في القاعه في الوقت المناسب < وشوفي شكلها الصباح او الظهر قبل الزواج ..

اذا انتي العروس نامي زين .. واذا صحيتي الظهر سوي حمام مغربي وتقشير وخلافه .. وعلاجات لشعر قبل التسريحه .. العصر ريحي وتغدي زين المغرب تبدء في الشعر والمكياج عشان اذا جت الساعه 10 تكون جاهزه ومصليه وكل شيء ..

يدخل عليك زوجك قبل الزفه11 وا كذا .. وبعدها تكون الزفه والله يحفظك ..

اما اهل العروس الافضل يتقسمون .. ويتصلحون بدري الساعه 7 جاهزين < لازم يخلصوا ويشرفوا على ترتيبات القاعه ويكونوا بوجه الضيوف ..

وكمان اهل العريس ..


وتجي اختها مع العروس قبل المغرب بالقاعه ..ويجيبون لهم 2 كوافير .. عشان تخلص اختها وبعدين تبدأ بالعروس ..

الافضل انهم يرتبون لهم شنطه خاصه بهذاك اليوم تخلي فيه المرطب اللي يناسبها وكريم الاساس والملابس الداخليه وشوز والذهب اللي راح تلبسه ..<بس تنتبه من الكوافير لا تاخذ شيء او احد المضيفات ..

وتقرا الاذكار والبقره ..

والله يوفقها يارب

طيب انتوا ماقلتولي متى احط تلاجات القهوه ومتى اسوي الشاهي ؟ الوقت متى ؟

وهذا كلوا انا اشرف عليه بالقصر ولا بس اقل لي المضيفات وبس ؟ وهل المضيفات من نفس القصر ولا انا اجيبهم ؟