كيفكم آخواتي بالشهر الكريم الله يكتبلنا الاجر والصحه والعافيه آمين
راح انزلكم طريقة الاكله الي طلبوها كثير بنات وهيا
الاسكندر
يلا المقادير
صدوردجاج مقطعه مكعبات
2 ملعقه سمن فارم اوزيتحسب ماتحبي
3 حبات بصل متوسطه الحجم مقطعه صغير
بهارات مشكله+ملعقه كركم مطحون+ملعقه قرفه مطحونه
ملح
نحط السمن على النار الين يسخن شويه بعدين نحط البصل ونقلبو الين يذبل ويصفر
بعدين نحط الهارات والقرفه والكركم والملح ونقلبو شويه بعدين نص كاسه مويه يدوب تغطي الدجاج
وغطيه الين يستوي
بكذا خلصنا الدجاج
نجي للخلطه
1 ونص خبز مقطع مكعبات
حبه بندوره مقطعه مكعبات صغيره
2 حبة خيار مخلل مقطعه صغير
2 حبه بطاطس مقطعه مكعبات ومقليه
نقلب القادير كلها مع بعض في زبديه كبيره ونضيف لهم الدجاج ونقلبهم ونغطيهم علشان تتشرب كل المكونات منع بعض
نجي لخلطة الزبادي الي على الوجه
5 علب زبادي
2ملعقهاكل مايونيز
2فص ثوم
ملح
كزبره خضراء
نحط بالخلاط 1 زبادي والثوم والكزبره ونخلطهم
بعدين نصبهم بزبديه ونضيف باقي الزبادي والمايونيز والملح ونقلبهم كويس
نغرف الدجاج بصحن التقديم
ونوزع خلطة الزبادي على الوجه
بعدين نحط الطشه على الوحه الي هيا عباره عن ثوم مفروم وكزبره خضراء مفرومه وزيت زيتون
تحطي الزيت على النار وتضيفيلو الثوم الين يذبل وتطله ريحتو وتضيفي الكزبره
بعدين تصبيها على على الاسكندر وبالعافيه