للي عندها آلام في الظهر اتفضلي ..

مساء الخير بنات..

أولا أنا لا متأخرة في الحمل ولا شي والحمد لله عندي بنت والآن حامل في الخامس وإن شاء الله عقبال كل وحدة متمنية الحمل يا رب.. بس حبيت أفيدكم بشغلة صارت معي أنا شخصياً ومع كتير ناس أعرفهم.

وهي آلام الظهر،، آلالام الظهر يا بنات بتأثر على الحمل وصعب الوحدة تحمل وظهرها "مفتوح" وطبعاً الأطباء ما بحكوا بالناحية وما بعرف إذا عندهم قناعة بهالموضوع بس صدقاً وعن تجربة اللي عندها آلالام في الظهر لازم تروح عند وحدة تعملها قفلة للظهر.

أنا بعد ما جبت بنتي ضليت سنتين ما بدي أحمل وبعدين صار زوجي حابب كمان طفل وصرنا نحاول وكل شهر ما تزبط وكان عندي آلام شديدة في ظهري وآخر فترة صرت أمشي بصعوبة,, شافتني خالتي مرة وقالتلي إنتي مستحيل تحملي وظهرك بهالشكل.. وأخدتني عند وحدة من قرايب زوجها وعملتلي شي اسمه كاسات هوا، واللي بتعمله إنها بتولع كبريتة وبتحطها بالكاسة وعلى طول على مناطق معينة بالظهر، وما تتخيلوا المناطق اللي فيها ألم كيف بتنشد بداخل هالكاسة.. وبعد ما خلصت دهنتلي ظهري ومرجته شوي "مرخته" وحطتلي لزقة في آخر ظهري وقالتلي على طول بتروحي عاى التخت وبتنامي لتاني يوم وممنوع تحملي اشي تقيل وما تتعرضي لتيار هوا.. حاولت تعملي الكاسات على منطقة الرحم، قالتلي لو في التهابات أو شي بالرحم بنفع بس الكاسة ما ضبطت دليل على إنه كل شي سليم الحمد لله بس كان ظهري المشكلة..

شكرتها وروحت .. وعلى فكرة ما رضيت تاخد أي أجر، قالتلي أنا بعمل هيك لوجه الله. ورحت على البيت واتمددت وتاني يوم بدا يخف شوي وجع ظهري.. وكام يوم الحمد لله اختفى وجع الظهر واللزقة فكت لحالها بعد أظن أسبوع أو عشر أيام.. والشهر اللي بعده حملت نشكر الله.

هذه تجربتي وتجربة كتير ستات نفعت معهم هالطريقة وحبيت أفيدكم فيها.. وإن شاء الله يا رب كلكم تحملوا بإذن الله :39: