المناهج فيها منتسوري
ياليت الي جرتها تذكر تجربتها

بصراحه للاسف الروضات عندنا تفتقر الى تنمية مهارات الاطفال ومواهبهم يعني مثلا بنتي خجوله مرره تمنيت انها تتخلص من هالعاده بس مازالت خجوله صح انها تغيرت شوي بس مو بالطريقه اللي اتمنى وانا ماانكر جهود بعض المعلمات يجتهدون الله يجزاهم خير

والخوارزمي بصراحه كلام فاضي دفعت للبنتي كانت باول ابتدائي 600 ريال عليه بشهر ونص بس للاسف مااستفادت منه ابدن لا وغير كذا اخفقت بالامتحان النهائي ولافكرو يعيدوه لها رغم انهم قالين بالعقد انه اذا مااستفادت ترجع الفلوس وبس تعقدت كانو يعطوهم الحصص الاخيره من الدوام بالله كيف راح يستوعب الطفل رياضيات وحصه اخيره بعد

بنتي عمرها 4 سنوات ونص .. kg2 السنه الجآيه تمهيدي باذن الله ..




. ماذا أضافت الروضه لطفلك / طفلتك ؟؟ (سواء ايجابي او سلبي )

ايجآبي / تعزيز ثقتها بنفسهآ
تعلم سلوكيآت حياتيه ايجآبيه مثل الاستئذان , الشكر , الاعتذآر واضيف انهم ساعدوني في تخفيف غيرتها ضد اخوانها التوآم الصغآر ..

حفظ سور من القرآن وادعيه

اتعلمت الحروف والارقام عربي وانجليزي وتمكنت من كتابة اسمها عربي وانجليزي وهذا ممتاز بالنسبه لعمرها ..





وبصرآحة لا توجد سلبيآت .. الروضه رائعه والمعلمآت ملمآت بالتربيه الحديثه والتعليم ذا المستوى العالي ..


2. ماذا لمستي من احتياجات لطفلك / طفلتك لم تحققها الروضه وتمنيتي وجودها ؟؟

بكل امانه وبكل صرآحه .. روضتها نموذجيه والفصول كبيره ومجهزة بكل الادوات التربويه والتعليميه حتى يوجد في فصولهم اجهزة حاسب .. طبعا غير معمل الحاسب الخاص بهم ..

عدد الاطفال في كل فصل 15 طفل ..

وجود صالة رياضيه ومعلمه خاصه بالتربيه الرياضيه .. 3 حصص في الاسبوع ..

بالاضافه لوجود مسرح ضخم مجهز لتقديم اجمل الحفلآت ومزود بالمعدآت الخاصه بالمسآرح ..
( امس كنت فيه عشان الحفل الختآمي وبنتي كانت مشاركه فيه )

واللي عجبني اكثر في المدرسه انهم في الترم الاول خصصو يوم للآباء بعد المغرب يعملو زياره مع اطفالهم لفصولهم والمعلمات يكونو من الظهر مجهزين اعمال فنيه بيد الاطفال كل طفل يهدي ابوه العمل الفني اللي سواه له ..

وهذا الترم الحفل الختامي خصصو يوم للآباء يحضرو ويشوفو اطفالهم وكان يوم الاحد الاحد .. والثلاثاء الامهآت .. مره حركآتهم حلوة حتى زوجي انبسط وبنتي كانت في عالم اخر لما جا ابوها وحضر حفلتها انهبلت هههههههههه ( اكيد طالما ابوها ) << بدت الغيره هههه


3. مالذي ينقص رياض الاطفال من الناحيه التعليميه و الترفيهيه ؟؟

اجبت على هذا السؤال فوق ..



4. ماهو رأيكم في نظام منتسوري وبرنامج الخوارزمي الصغير ؟؟

منتسوري اسمع انه نظام جميل .. واتمنى انه يطبق في جميع المدارس ..

الخوارزمي الصغير درسو اولادي فيه مستوى واحد وان شاءالله برجع اعيد تسجيلهم ولكن من بداية السنه الدراسيه الجديده عشان يكملو جميع المستويات وانا اتحمست ودخلتهم بعد ما سمعت المدح والاطراء في هذا البرنامج ..



بشكل عآم انا مبسوطه جدآآ بمدرسة بنتي شخصيتها اتغيرت كثييير للافضل وهذا بشهآدة الجميع من الاهل والاصدقاء .. يعني حتى كلآمها صار حلو لسآنها انطلق وجريئه بأدب ..