(يمامة نجد) @ymam_ngd_1

محررة برونزية

للي عندها شغالة او شغالتين والي ماعندها اصلا تتفضل استشارة

السلام عليكم

ياليت من المشرفات ما ينقلون الموضوع لاني ودي تفاعل سريع من نساء يهتمون بالتنظيم والترتيب فاكيد حيكونون متابعين للصفحة

اخواتي عندي استشارة

انا موظفة وظيفة كبيرة تطمع الشغالات فيني لكن حاليا باجازة مرضية بسبب وضع الحمل وناوية لو ربي رزقني هذا الطفل بمشيئة الله اخذ اجازة بدون راتب لاتفرغ للمولود وافكر اني لو رجعت العمل اخذ طفلي للحضانة وما اخليه عند الشغالة وماحرجع قبل الطفل ما يكمل سنة ان شاء الله
عندي طفلين بسن المدرسة وفيه فرق بين الصغير والمولود فوق الخمس سنين وعيالي بالزايد الساعة 9 وهم نايمين وبنهاية الاسبوع لو سهروا فهم معي ما نحتاج الشغالة

بيتي دورين مع ملحق الشغالة بحمامه بالطابق الثالث
لكن فعليا استخدامنا له استخدام دور واحد لان المجالس لا تستخدم باستمرار بحكم قلة ضيوفي ولا تنظف الا مرة كل اسبوعين عن الغبار فقط
الحوش والحديقة الشغالة مالها دعوة فيه السائق هو الي ينظفه
غرفتي انا الي انظفها ودولابي انا الي ارتبه ونفس الشي التسريحة

والشغالة اناديها بس بوقت تغيير الشراشف وتنظيف الحمام وكنس الغرفة وانتوا بكرامة يعني مرة اسبوعيا
الغسيل انا الي اغسله و الشغالة تنشر الثياب وتكوي
ثياب زوجي يكوون بالمغسلة واغلسلهم بالغسالة بنفسي
دولاب غرفة ابنائي وهم ينامون بغرفة واحدة انا بين فترة وثانية اعزله
ضيوفي محدودين وحتى لو جوني فيدي على يد الشغالة يعني اجهز كل شي مع الشغالة وانا الي اطبخ او اخذ اشياء جاهزة
ما اسهر الشغالة حتى لو عندي ضيوف اخليها تجهز كل شي وتروح تنام بايام الاسبوع من الساعة 8 او 9 بالكثير لاني اهتم انها تصحى لعيالي بالصباح واجهز لهم وجباتهم ولبسهم من الليل يعني بس هي تصحيهم لو اني تعبانة ماقدرت اقوم او منومة بالمستشفى وتساعدهم باللبس وتفطرهم الفطور ا الصباحي وهو عادة خفايف او كورن فليكس او حليب
يهمني تطبخ على الاقل بالوقت الحالي على الاقل طبخ طوارئ بسبب ظروف الحمل علما اني طباخة ولو بي صحة برجع اطبخ فهي حتساعدني بالطبخ
وزوجي ماياكل يوميا بالبيت لان دوامه طويل وانا و عيالي عادي ناكل طبخة ليومين او ناكل خفايف مو شرط طبيخ غير اننا نطلع احيانا نتغذى برة للتغيير
نظامنا اسبوعيا نتغذى بالخميس برة البيت فيعني مافيه طبخ كل يوم واحيانا بالجمعة ونتعشى بالخارج ليلة اسبوعيا على الاقل لاجل الاطفال
باختصار هي عليها تنظم حمامين وصالتين وغرفتين هي غرفة ابنائي وغرفة العابهم يوميا مع المطبخ

ادوات التنظيف عندي مريحة حتى الحمامات صغيرة وجربت اغسلها رغم اني مو متعودة على هذ الشغل ما يطول الموضوع اكثر من ربع ساعة للحمام لواحد بالكثير وهذا وانا مريضة حركتي على الحد

المهم بعد كل هذ السرد اني طفشت من الشغالات
هالبيت صار نحس علي من نقلت له
يجون الشغالات ويقولون ان البيت كبير ويحتاج ثنتين ويرجعون يقولون انت تشتغلين كذا يعني تقدرون ماديا
وما ادري البيت بالفعل كبير او هم طمعانين فينا
ويقيسون ان الرياض دايم بيوتهم بها اكثر من شغالة

طيب هل بها اكثر من شغالة بظروفي هذه وانا ماعندي الا طفلين والثالث بالطريق الله يحفظهم

انا اشوف بيوت اخواتي وصديقاتي وحتى بيت امي وهي مريضة وشبه عاجزة الله يحفظها واخواتي يجون اسبوعيا يتعشون بالبيت ومع هذا الشغالة شايلة شغل البيت وكله على شغالة واحدة
و البعض بيوتهم اكبر وعدد الافراد اكثر وغرفهم اكثر والاهم الغسيل والكي اكثر ومع هذا الشغالة تكرف وما تتكلم بالشغالة الثانية

وانا هنا كلهم يقولون اني مدام كويسة وان عيالي كويسين وبابا كويس
لكن يتشيرطون على البيت رغم اني ما اكلفهم باعمال شاقة يعني يادوب الشغل اليومي ويدي على يدهم رغم كل ظروفي

غير اني جربت وضع شغالتين كان عندهم فراغ لان شغل البيت لو يكون يوميا يخلص اذا مافيه احد يوصخ ويحتاجون متابعة يعني ما ارتحت ولو تغفلين عنهم الشغل مايمشي
ومانطبخ كل يوم لكن بوجود الشغاليتن اخليهم يطبخون على الاقل لياكلون
غير اني ابلش فيهم لو حبيت اسافر وين اوديهم مو كل البيوت يحبون شغالاتهم يختلطون بغيرهم من الشغالات

لما مشت شغالتي رغم اني حامل وممنوعة من الحركة وثقيلة ومو متعودة على الشغل مع هذا ماكانت كارثة وقدرت اشتغل بالبيت لانه منظم الشي الوحيد الي ماقدرت اوفق فيه هو الطبخ مع شغل البيت لتوابع الطبخ من غسيل صحون وتنظيف فرن وارضيات

وطبعا كنت اقوم بالعمل اليومي وماشفت الشغل تعجيز
لما تعاملت مع الايجار جربت اكثر من وحدة فيه كويسات وفيه لا

لكن يجلسون كثير فاضيات
خصوصا وقت المدارس اذا الاطفال ما يجون الا على الساعة 2 ونصف الظهر اش عندها تسوي بالبيت وبالعصر تقريبا ما اطلبها بعد مايتغذون عيالي ونطبخ وجبة واحدة هي غذانا وعشانا
حتى وحدة منهم كويسة ما اختربت الا من الفراغ يوم ما نظفت البيت كله ورتبته خلاص ماصار فيه شغل كثير

المهم عندي شغالة جديدة كبيرة بالعمر ومليانة بجربها للتنازل تقول لي انا ارتحت لك لكن ما اقدر على البيت بروحي اذا بتجيبين شغالة ثانية بجلس معاك لكن اذا لا افضل اروح لبيت واحد دور واحد

انا تعبانة ووضعي الصحي مايستحمل انتظر والمكتب تاخر علي بالشغالة الي مقدمة عليها (فلبينية صغيرة لم يسبق لها العمل )ومحتارة
لانها حتى لو جات بتكون جديدة ما عندي طاقة لاعلمها كل شي وبرضه ما اضمن تكون كويسة
والفلبينيات الي اعرفه انهم مو لطبخ وهذي الي عندي تطبخ

زوجي يقول لي خلاص نخليهم شغالتين انت بيصير عندك بيبي ومنت بفاضية والبيبي بياخذ وقتك فما بتقدرين توفقين وتساعدين الشغالة بشغل البيت وارمي عليهم كل الشغل وانت ارتاحي

وانا مترددة لهذا اشاوركم من خبراتكم وقلت لكم قصة حياتي وظروفي

انا مو طايقة ادير شغالتين وفعليا متخوفة

غير اني ما احب اشوفهم مرتزين بوجهي والفراغ مفسدة الشباب وماينحرفون او يسوون مشاكل الا اذا صاروا فاضين
لا انا صاحبة عزايم لاحتاج لطباخة ولا من النوع الي يرمي عياله على الشغالة لاحتاج مربية

ومسؤوليتهم اذا وحدة تجننك طيعا والمصاريف بتصير دبل
وما ودي اعتمد مهما يكون لما تكون عندك شغالتين تعتمدين عليهم بالشغل بعد ما بجيب ثنتين لاجل اقوم انا بالشغل

المهم اش رايكم هل الوضع من خبرتكم بالذات ا لي تهتمون بالنظافة والترتيب هل يحتاج وضعي شغالتين

انا ماودي ارجعها واتحسف وارجع لنفس المعمعة خصوصا اني حامل وتجيني وحدة ثانية وتشتكي نفس الشكوى وبالنهاية بنتظر لحد ماتجيني ثانية ومتخوفة

هل اتوكل على الله وخلاص استسلم للامر الواقع الضريبة مثل مايقول زوجي اذا ابي بيت مرتب ونظيف وارتاح

انتظر رايكم بسرعة الله يخليكم لارد على الناس اذا اخذها او ارجعها لهم

14K

يلزم عليك تسجيل الدخول أولًا لكتابة تعليق.

تسجيل دخول

روعه النسياآن • 15 سنة

استخيري ياحيااتي والله يكتب لك الخير
صراحه اكره ماعلي الشغالات
ليش ما تجربين اللي يجون ويروحون
يعني يسون اشغالهم ويروحون
لو من الصباح الين المغرب او العشاء
يمكن ترتاحين اقلها ما تكتم عليك
والشغاله اللي عندك اذا ماتقدر تشتغل لبي لها طلبها
وخليها تشوف بيت صغير ما يتعبها
اتمنى اكون ساعدتك

ابهاويه نت • 15 سنة

والله انا اشوف انك ماتحتاجين الا وحد بس انتي طالبه ماسبق لها اشتغلت لاكن *****الله تفهمك وانتي الي تعوديها على النظافه والتنظيم والخيار لك وموفقه باءذن الله

(يمامة نجد) • 15 سنة

اختي روعة تسلمين ياقلبي على نصيحتك

فكرت بالي يجون ويروحون لكن يبي لهم متابعة ابسطها اعلمها اش تسوي وانا مابي حيل اتحرك ولازم اعلمها على البيت واصعد معها دورين

والافعليا بيتي يحتاج 4 ساعات متواصلة من العمل
طبعا مع وجود طفل صغير اكيد الوضع بيختلف

انا مو مرتاحة اصلا لوجود شغالتين بالبيت خصوصا ان الرواتب بتكون مختلفة واخاف تصير مشاكل بينهم

بنوووتة حواء • 15 سنة

ما تحتاجين خدامتين ناس غيرك واهلي منهم كان عندنا شغالات وناس داخله وطالعه تقريبا اسبوعيا عندنا حريم وخواتي وعيالهن واخوي بشقه تبعنا بنفس البيت ومع ذلك وحده مكفيه
هذولي عجازات مايبون يشتغلون
انتي حددي لها جدول وتابعيها
واحسن تنام بدري تفتكين منها
ان جبتي ثنتين بتكون فضاوه وكل وحده تشوف وش سوت الثانيه وخراب عليك
اهم شي زينه مع الاطفال

(يمامة نجد) • 15 سنة

ابهاويه نت :

والله انا اشوف انك ماتحتاجين الا وحد بس انتي طالبه ماسبق لها اشتغلت لاكن *****الله تفهمك وانتي الي تعوديها على النظافه والتنظيم والخيار لك وموفقه باءذن الله

والله انا اشوف انك ماتحتاجين الا وحد بس انتي طالبه ماسبق لها اشتغلت لاكن *****الله تفهمك وانتي...

تسلمين اختي

انا طلبتها ماتشتغل لهالشي بالذات خصوصا اني اجازة فبعلمها على اسلوبي
هذه الي عندي اشتغلت من قبل اكثر من مرة واشتغلت بالرياض ببيوت فيها اكثر من شغالة

وحتى الشغالة الي كانت عند ي تحت كفالتي وطفشتني مشكلتي معاها انها من جات البيت جات وعندي شغالة ثانية شاطرة وهي تبي وضع يكون فيه شغالتين رغم انها تتشغل بالحد الادنى وطبعا نفس المشكلة مشتغلة بدولة خليجية ببيت فيه اكثر من شغالة رغم ان الشغالة الي قبلها كانت تقول لي بيتك مايحتاج الا لشغالة واحدة رغم اني من طيبها ولانها ممتازة معاي كنت اقول لها بجيب لك شغالة ثانية تساعدك لو انجبت طفل ثالث لكن هي عندها مصداقية وقالت لي حتى لو رجعتي العمل الشغالة تمسك البيبي وقت ما انت بالعمل واول ماتجي من شغلك الشغالة ترجع تشتغل بالبيت

فكيف لو بوضعي هذا اني اصلا مابرجع لشغلي وعيالي على يدي بالذات المولود انا مااتركه لشغالة ابدا

انا ماودي ازيد العبء على قلبي بشغالتين لكن خايفة اخليها تروح واتورط المكتب الي نتعامل معاه للشغالة ماعنده مصداقية والمفروض الشغالة تجي من زمان لكن الحين كل مايجيه الوضع يسوء عندي صحيا مع الثقل واحتاج وجود شغالة ضروري
وانا تعبانة وتعبت من الايجار يجون يتشيرطون وانت الي تشتغلي عندهم مو هم الي يشتغلون عندك