مرحبا عزيزاتي :
حابه أعرفكم إذا صار عندي عزيمه أيش أسوي :44: طبعا هاذا لو كنت عارفه قبل أسبوع أو أسبوعين ..
في البدايه أنا أضع قائمة العشاء أو الغدا اللي بسويه وقائمه بالاشياء اللي ناقصتني :39:
بعدها أبتدي أجهز باللي عندي طبعا أسوي صواني الفرن أسويها كامله بس ماأدخلها الفرن وأضعها في الفريز لين يوم العزيمه أطلعها من الصباح وأذا جا وقت التحضير أحطها بالفرن وذوقي طعمها ولا كأنها دخلت الفريز وهاذي الحركه دائما أسويها .. :cook:
بعدين أبتدي أنظف غرفه غرفه في البيت :27:
وقبل العزيمه بيوم أسوي السلطات وأضعها في الثلاجه بس من غير تتبيل لين يوم العزيمه :27:
:time::time: جاء يوم العزيمه أيش أسوي في هذا البوم فقط أكنس البيت وأمسح الأرضيه وألبس وألبس عيالي وعطر البيت ,, وقبل الأكل بساعه أبتدي أجهز :cook: أدخل الصواني الفرن وأتبل السلطات وعلى طول أصف السفره اللي أكيد جهزتها قبلها بيوم هي وصينية البيالت والفناجيل وحلى القهوه والعشا :27: وبكيذاأضمن أقعد عند ربعي وأنا مرتاحه وأجلس وقت أكثر معاهم ..
أتمنى أنكم تستفيدون من اللي أنا أسويه في عزايمي ..
أم فرج البوعينين @am_frg_alboaaynyn
عضوة جديدة
يلزم عليك تسجيل الدخول أولًا لكتابة تعليق.
ليان عمر
•
ربي يسعدك مثل مانتي حريصة تساعدي غيرك يارب
الصفحة الأخيرة