للي ما حملت وهي وزوجها سليمين .. عن تجربة والله من وراء القصد

السلام عليكم أخواتي

على قلة مشاركاتي في المنتدى إلا إني ما قدرت ما اشارككم بهذا الموضوع
لأني حاسة بكل وحدة فيكم والله يعين الجميع ويرزقهم بالذرية الصالحة

انا وزوجي سليمين الحمدلله بس بعد حملي الاول قعدت سنتين تقريبا ما حملت رغم اني مااستخدمت ولا مانع
وتعبت نفسيتي وجربت اشياء كثيرة وسويت فحوصات كثيرة

من 3 شهور كنت اقرا مواضيع البنات عن فوائد الاستغفار بنية الحمل
واكلات معينة تساعد على الحمل

استغفر الله العظيم في البداية كنت اكسل واقول كم بستغفر استغفر الله العظيم
المهم الشهر الأول قعد استغفر والصراحة كنت ايام انسى وايام اكسل وايام استغفر زيادة يعني الحالة متذبذبة
ولما شفت نفسي كذا قلت خلاص بكمل حتى لو مش بنية الحمل لازم اخليها عادة عندي
والحمدلله مع الوقت كنت استغفر كل ما جا في بالي اي شي
مثلا حسيت اني متضايقه استغفر .. شفت طفل وتذكرت اني ماحملت استغفر .. اشوف قدامي شي ما عجبني استغفر .. ولما تعودت على الاستغفار صرت استغفر بنية الحمل .. وتقريبا 3 مرات خلال شهر كنت اقعد من بعد صلاة الفجر لين شروق الشمس وانا اذكر الله واقرا قران عشان احصل اجر عمرة وكنت اسوي هالشي بنية اني احمل .. وفي نفس الشهر سبحان الله بدون ما اعرف كنت اسوي ريجيم كان كله اناناس .. سبحان الله يوم الله يريد يعطي عبده كيف يسخر له كل شي ويلهمه .. والله يا بنات ما كنت اعرف فوايد الإناناس .. سويت ريجيم اكثره اناناس والشوربة الحارقة للدهون لمدة 3 اسابيع من قبل الاخصاب بعشرة ايام تقريبا ... وفي نفس الشهر تأخرت الدورة ووالله يشهد علي ما توقعت اني حامل كنت اصيح احسب الدورة تأخرت متلخبطة وبتفاجئ كل مثل كل شهر بالدورة لانها كانت تتأخر يومين او ثلاثة وافرح احسب نفسي حامل وبعدها تيجي
بس زوجي الله يخليه لي حس اني حامل ولما حللت صدق طلعت حامل
ما تتخيلون كيف فرحتي من فرحتي بسرعة صليت ركعتين شكر لله

والله اني تذكرت كل البنات اللي هنا واللي قريت مواضيعهم قبل وقلت لازم افيدهم بتجربتي البسيطة
وان شاء الله نفرح فيكم كلكم يارب

دعواتكم