اختي صدقيني لازم هالشي تحسين فيه من داخلج... تعرفين, حلاة الشي لما ايي من نفس الواحد... لما تكونين مضغوطه بقلق او خوف انه زوجج ممكن يتزوج عليج او حتى ممكن يطالع يمين و يسار, ما بترتاحين بالرجيم او الرياضه و هالشي بيأثر عليج نفسياً ... صديقتي المسكينه زوجها قاللها انا تعبت وياج و إن ما ضعفتي بتزوج عليج... و هي المسكينه مب بإيدها لأنها تاخذ وايد ادويه.. بس ذابحه عمرها ... بس مش مستمتعه لا برياضه ولا شي, كل شي بدافع الخوف....
بقولج شو اللي يشجعني... بس لا تضحكين... الغيره... ادري انه الغيره شي سلبي بس صدقيني لما بتغارين على نفسج و تشوفين البنات أجسامهم حلوه و انتي لا, غاري, ما فيها شي, بس غيره حسنه طبعا... ما في حد احسن من حد, ليش ترضين انه يكون بإيدج تسويين شي و ما تسوينه و تلقين نفسج متضايجه لما تروحين تشترين ثياب ولا شي و يطلع ماشي قياسج! او يطلع مش مرتب عليج... بقولج موقف صارلي من فتره... سرت انا و ربيعتي الثانيه (هنتيناتنا مش متزوجات و تونا كتاكيت) بس هي ضعيفه و جسمها صح اضعف عن اللزوم بس مرتب, و انا وزني زايد 20 كيلو.... و كنت في فتره مالي خلق رجيمات ولا شي, و كنت قبله مسويه رجيم اتكنز و ماشي حالي بس مرضت و عقبها كرهته.. المهم... سرنا نشتري نفس البدله من برومود,,, هي شلت الsmall و انا الlarge.. حسيت ويهي عورني... قلت مش مشكله, بضعف في يوم.. و لما سرنا نقايس.. طلع علي عادي و مبهدل, بس عليها ما شاء الله روعه مع انه نفس الموديل.. حسيت شي في داخلي اتحرك و اتغصصت .. بكون صريحه وياج و ما بجذب.. في النهايه انتي انثى, و صعبه على نفسج تلقين عمرج في موقف انه كل شي ما ينفعلج... ف من يومها و انا شاده حيلي.. صح عندي خلل هرمونات لكن هذا ما يمنع, و الحبوب اللي آخذها تسوي احتباس ماي, بس بعد هالشي ما يمنع اني اشد حيلي مره و مرتين و ثلاث...
اختي, التحريك و الإراده لازم ينبعون منج... من نفسج... صدقيني لا كلام او تهديد ينفع, الإراده هي كل شي... تعرفين مثلا, انا من عشاق العيش, من صغري كنت آكله و ما امتن ابد, بس من اختبصت الهرمونات و انا اعاني... آكله كل كم يوم عن خاطري... بس هالمره قلت لا... صارلي الحين شهر ما كلته و مع شوية رياضه بس وقفت كم يوم عشان الدوره, و الحمدلله نزلت 4 كيلو.... حلوين بإعتبار اني آخذ علاجات هرمون...
اسمحيلي طولت عليج بس حبيت اني اشاركج بشي انا عشته, و عايشتنه...
و إن شاء الله تكونين استفدتي شوي (مع انه ادري اني اهذر وايد ^_^ هههه )
و ربي إن شاء الله ينولج اللي تبينه و تتمنينه و توصلين للوزن اللي تبينه....
ربي يحفظج
^_^
serenity
•
الصفحة الأخيرة
وهو طبعا نفسه يشوفني رشيقه فياريت ياجماعه كلنا كده نشجع بعض و اكيد انشاء الله هنوصل للي احنا عايزنه