للي ناويه نفاسها في بيتها ..وخايفه من الاكتئآب..كيف تونسين نفسك؟

اختي بصراااااااااحه عجبني فييييك شجاعتك وقوه الارداه عندك الله يوقفك يارب
ماحبيت اطلع ولا ارد على موضوعك
انا اول بيبي لي بقضي نفاسي في بيتي ان شاء الله ودااااااااااايما تشغل بالي هالفكره خااااايفه من ضيقه الصدر والاكتئاب واجلس افكر اقول الحين انا كل 3 شهور اشتاق لأهلي ماكأني رحت لهم في العيد ولا كأنهم جو عندي بالاجازه اجل اذا صرت نفاس شو يصير فيني بصراحه انتي شجعتيني انا ناويه ان شاء الله احط عندي مسجل وسوره البقره وفكره قراءه الكتب مرررررررره روعه انا عندي مجموعه كتب حلوه لو حابه اعطيك اسمها ماعندي مانع
وراح ادور افكار ان شاء الله اكتبها

انا جاني اكتئاب بولدي والله لايوريك وصلت لمراحل متاخره لدرجه ايذاء نفسي لكن ربي ستر وراح وتلاشى لكن بعد سنه ونص عذااب

الحين اللي مخوفني هو الاكتئاب .. وماعندي احد اتكلم معه
اهلي باكلمهم كل يوم واسولف واضيع وقت معهم خواتي كثار ودايم راح يدقون علي .. النت الحين عكس اول ماكان عندي ..

واعجبتني فكره الرسم ان شالله بسويها لان احب الرسم ..
وانا اشتريت اشرطه محاضرات حلووه وفكاهيه عشان تسليني .. واشرطه قران عشان ارتاح .. وكتب مفيده عن الامومه ومجلات واشياء من هالنوع

وياررب مايجينا هالمره

والله خوفتوني من الاكتاب انا راح اولد لاول مره في بيتي ولا داتي السابقه عند اهلي والحمدلله ماشي الحال الله يفرجها من عنده وكل شيء يهون

اللي يجيب الاكتئاب لنا هي الحبسه اللي نحبس روحنا فيها

ماغير متسدحين بالسرير

انا نااويه اقوم واتحرك واطلع واروح واجي بهالنفاس ان شاء الله

مع انه ماجان اكتئاب بولادتي الاولى بس عادتنا قبيحه

اسبوع بالكثير نرتاح والباقي خلاص نقوم نمارس حياتنا طبيعي

شكرا لتفاعلكم يابنات ..

شكلنا ظروف متقاربه يعني كلنا الولادة الثانيه ابشركم دائما الولادة الثانيه يقولون البنات في المنتدى تكون اخف من ناحية الاكتئآب

الي عندها نت وتستانس معه الحمد لله والي عندها شغاله تساعدها الحمد لله والي عندها أحد يجيها وتكون سوالفه توسع على الخاطر بعد الحمد لله كل هذي نعم من رب العالمين والي مجهزه لنفاسها كويس مو شايله هم برنامجها بعد حلو الي ماعليها ضغود نفسيه من ناحية كثرة الزيارات والضيوف الرسميين زين والي اهلها داعمينها معنويا تحب يدها وجه وظهر يصير ماامامك الا تمشين بببرنامجك وتهتمين بالصغير وطبعا كلنا لنا تجارب مع الصغار لأنها الولادة الثانيه فنص المشاكل الاولى او ثلاثة ارباعها محلوله باذن الله
وتونسين نفسك في الوقت الباقي
بشروا انفسكم يابنات وهونوها وحقيقه انتي ماراح تبقين طول عمرك نفاس فترة وتعدي على خير ويارب تهون علينا كلنا


انا -الحمدلله على كل حال- بليت باقارب جاهلين جهل مركب اول مره يسمعون عن شي اسمه اكتئآب النفاس ويحطون من التعليقات والطنازه لاويحرشون امي علي هذي ذابحها الدلع وهذي وهذي ..الخ يصبون زيت على النار لدرجة اقول ماابي منكم زيارات ولامعروف ولامساعده ولاشئ بس طسوا ههههههه

ماأحد كان حاس الا الي جربت استغفر الله احيان كنت اقول عساكم تشوفون الي اشوفه لهذا ان شاء الله نفاسي ببيتي وانا اصلا مو من النوع الاجتماعي يعني الناس عموما غاسله يدي منهم يعني مراح تفرق معي كثير..ماعدا الصديقات الصدوقات الي تجيك عاقله وطيبه هذي بلسم جروحي

الاكتئآب بالذات ماادري ليش بعض الناس مايؤمن بوجوده مع ان فيه مراحل خطره تصل الى ايذاء النفس والصغير ويصل للانتحار احيان بس وش تقولين بالعقول المقفله

الكلام جاب بعضه ...
سويتي ان شاء الله مايجييك الاكتئاب وانتي دام ماعندك بوادره من الحين ماراح يجيك ان شاء الله لاتهيئين نفسك له واغلقي دونه مئة باب والباب انا اخدع نفسي بالحديث معها مثلا اقول انا بخير انا متعافيه انا طيبه واحاااول اشغل ذهني بأشياء احبهـــــــــــا

أميرة القوافي انا كانت خطتي كذا في نفاسي الأول افكر بالطلعات والروحات والنشاط قعدت في السرير اسبووع ثم تركته والله ضريت نفسي ضرر باااالغ صرت امشي وعظامي ترجف والتعب استمر معي ثلاثه اسابيع زاد العله عله كنت احسب النفاس مثل الحمل طلع النفاس شي والحمل شي ثاني

انصحك لاتجازفين بعمرك الصحه غاليه وكلها فتره وتعدي ارتاحي على الاقل ثلاثة اسابيع ...

نلخص الي دونا ... قراءة القرآن ..المسجل او الاذاعه ..قراءة كتب ومجلات ..نت ...رسم..يلا زيدونا باشياء ترفه عن النفس وماتسبب لها ضغط بنفس الوقت ..اهم شي مايبقى الا وقت النوم والراحه والاهتمام بالصغير ..

تذكرت شي مهم الصغير انا ماني ناويه اسهر معاه في الليل بعطيه امي في الاسبوعين الاولات وبنومه معها بغرفة ثانيه عشان الازعااج لانها بتكون عندي السهر جاب لي الارق في حملي الاول ولخبط كل شي فيني اذكر ان مجرد بكاء الصغير كأنه سكين تطعن قلبي من رحمتي له ومع الايام تعودت عليه الحمد لله ..