للي يحبوا اغراض بدي شوب ادخلوا وافيدوني

اخذي صنفره حقتهم تجننننن اعجز اوصفها،،،، والليفه ،،،

حبيبتي كيف شكل الصنفرة
ايش عندهم عطور تكون خفيفة وحلوى
معليش صاحبة الموضوع بس ماصدقت لقيت احد زي

عاتي حياتي حبيبه شواقه الموضوع كلنا نستفيد
بس شنو فايدتها الصنفره؟
وصوريها لي ابشوف شكلها

لا
لاتاخذين ميك اب من بودي شوب ابد

بودي شوب الحلو فيه منتجات العنايه بالجسم والتقشير :

عندك مقشر الجسم افريكا سبا رووعه وريحته تجنن + الليفه اللي ع شكل قلوفز .

وفيه كريم أوسيروم فيتامين سي للوجه . يعطي نظااره للبشره اذا استمريتي عليه .

وفيه بعد مرطب الجسم زبده الشيا اللي يجي في برطمان جمييل ونعومة

اما الارواج والماسكارا والبودره ماتسوى قيمتها ولا تثبت ولا يبان شي ابد .. تتحسفين عليها وراح ترمينها
:)



اذا تبين ميك اب .. خذي الميك اب من هالماركات ( ريميل .. ريفلون .. بروجوا .. ماكس فاكتور ) تلقينهم بسنتر بوينت او دبنهامز او صيدلية بووتس بالاسواق

شكلك لسه صغنونة وفي بدايات مشوارك مع الميك اب وحركات البنوتات
عشان كذا بطول في الكلام واستحمليني والله ابغى افيدك ما ابغاكي تشتري شي الا وانتي مقتنعة وفاهمة كيف تستفيدي منه
شوفي ياستي ..
الميك اب من بودي شوب مو كله يستاهل تشتريه
بودي شوب لشغلات العناية بالجسم روعة .. زي كريمات الترطيب والعطور و السكراب اللي هي الصنفرة
الصنفرة وظيفتها تنعم البشرة فيه بعضها مخصصة للجسم وبعضها للوجه
طريقتها بعد ماتاخذي حمامك تغسلي شعرك وجسمك برغوة الاستحمام
تقفلي المويه وتاخذي من كريم الصنفرة توزعي منه على جسمك كله وهو مبلول وتفركيه بيدك او بقفازات الليفة موجودة في بودي شوب
بعد ماتفركيه تمااام اغسليه بالمويه مايحتاج ترجعي تغسلي بعده بالرغوة
وتنشفي جسمك وتحطي بعدها كريم مرطب وترشي سبراي معطر للجسم وتحسي بالانتعاش والنظافة
الصنفرة تسويها مرة في الاسبوع مو اكثر
فيه انواع عندهم بعطور مختلفة اختاري اللي يعجبك
الاساس والبودرة عندك من MAYBELLINE تلاقيها في سنتربوينت ناحية ستاندات الميك اب
بودي شوب بودرات البرونز حلوة غير كذا نصيحة لاتاخذي ...
اول ماتحطيه حلو وبعد ساعة يتغير لونه ويغبّر... باختصار الاساس فاشل جدا
اساس ميبيلين حلو وخفيف على البشرة وفيه نسبة رطوبة متوازنة حتى على البشرة الدهنية ...
واهمممم شي انه مايتغير على البشرة بعد ساعة ويشهب ..
الاساس من ميبيلين انواع .. احلى شي الجديد اللي اسمه FIT
بتلاقي بنات في سنتربوينت ممكن تسأليهم عنه ويساعدوكي في اختيار اللون المناسب لك
لازم يكون اللون مقارب للون بشرتك والباودر نفس الشي لان الهدف منه تصفية البشرة وظهورها بلون طبيعي مشرق
غلط اننا نفكر في التفتيح خصوصا لو الوحدة سمرا وتتخيل ان الاساس لمن يكون فاتح معناته بتصير بيضاء
الاساس لمن يكون فاتح على بشرة سمرا او حنطية تصير شاحبة ولونها رمادي
خافي العيوب حسب احتياجك لو بشرتك فيها بقع او عندك هالات سودا حولين عيونك لازم بتحتاجيه
وبرضه لاتاخذي درجة فاتحة لانك لمن تحطيه حولين عيونك بيصير لونه رمادي
طريقته تحطي الاساس على كامل وجهك بعدين طبطبي بالخافي باصبعك بشويش ووزعيه حولين عيونك واخر شي الباودر على كامل الوجه وكملي الميك اب عادي
الماسكارا من بورجوا كل الانواع حلوة انا عن نفسي احب اللي اسمها volume glamour max
خذي الماسكارا عادية ابعدي عن المضادة للماء لانها تقطع الرموش وتنظيفها من العيون جدا صعب
بورجوا كمان موجودة في سنتربوينت
لو قررتي تاخذي مجموعة فُرَش ميك اب لاتاخذي من بودي شوب لان شعرها صناعي وماتعطيكي نتايج حلوة
نصيحتي لك لو حابة تكون عندك مجموعة فرش كويسة وتعيش لك سنين خذيها من ماك
صحيح غالية بس لك وللزمن عمرك ماتندمي عليها وانا ممكن اكتب لك ارقام الفرش المهمة وسجليها عندك وكل شهر خذي فرشاة لين تجمعي مجموعتك
على فكرة الفرش شي جدا مهم في الميك اب لمن تستخدميهم صح بتصيري فنانة وتستغني عن الصالونات في المناسبات ومايعود شغلهم يعجبك ابدااا
عشان تتعلمي كيف تستخدميها ضروري تكوني شاطرة في البحث على اليوتيوب والمنتديات اقسام الميك اب وتمرني يدك كثيرررررر
صحيح نسيت اقولك ... فترة احتفاظك بالميك اب يرجع لعنايتك .. لاتخلي اغراضك في مكان يتعرض للحرارة وتقلبات الجو وماراح تخرب
وحاولي تخلصي الحاجات السائلة والكريمية خلال سنة
الماسكارا ستة شهور بعد كذا تخلصي منها
اذا شفتي الأساس تغير صار فيه طبقة زيتية او ريحته تغيرت على طول ارميه ومابيصير كذا الا لو تعرض لسوء في التخزين عندك في البيت
يعني لمن تحتفظي به في دولاب والدولاب في غرفة مافيها تبريد مستمر وكذا اكيد بيخرب
لو تقدري تحطي الاساس والارواج واي شي فيه كريم في الثلاجة يكون افضل خصوصا لو ستخدامك لهم على فترات متباعدة
اما لو استخدام كل يوم .. خليهم في درج التسريحة في غرفتك واكيد المكيف بيكون دايما شغال يعني ان شاء الله مشكلة الحرارة وتقلب الجو مو موجودة ..
ان شاء الله كان ردي لك مفيد واي سؤال انا حاضرة :)