للي يحبون الاكل المريح والي ويشرفك قدام ضيوفك

بنات مره كان عندي عزومه وجاييني حمولتي وقعدت افكر وش اصلح شي ما يشغلني عنهم وفي نفس الوقت يشرفني وصلحت هذي
تصلح باللحم او الدجاج بس انا سويتها باللحم
جبت رجل خروف كامله وشرحتها من كل مكان بعدين سويت خلطه وهي
عصير ليمونتين او ثلاث
ملح
فلفل اسود
بهارات
بصلتين
فصين ثوم
نعناع كم ورقه احيانا اضيف طماطم ويعطي طعم حلو
علبتين زبادي
نخلط كل الخلطه في الخلاط وندهن بها اللحمه
نقوم نتشريح بصل وطماطم وننشرها على الصينيه ونضع اللحمه فوقها وندخلها الفرن من ساعه الى ساعتين بدون تغطيتها
والله يابنات من دخلت وحده من اخوات زوجي قالت وش هالريحه الشهيه
جربوها وادعوا لي .