للي يحبون الخير ويبغون الرزق والبركه والاجر ...

السلام عليكم ورحمة الله وبركاته

انا مالي في المقدمات هذا كلام طالع من قلبي واتمنى يدخل قلوبكم ....

امس رحت مع خالتي لجمعيه خيريه في جده كان عندها زكاه وتبي تدفعها وساءني اللي شفته فيها واتقطع قلبي ....

هذي وحده اسمها ام احمد مستحقه للضمان الاجتماعي وتاخذ معونات ووضعها المادي سئ جدا وهي حرمه كبيره .... المهم دخلت على مكتب الموظفه وسالتها اليوم بتعطوني المعونات .. قالت لها الموظفه لا بحده وجفاف ... قالت ام احمد كل يوم اجيكم وتقولولي بكره والموظفه ماترد مطنشششه ... خرجت ام احمد من المكتب وراحت المستودع اللي فيه الكراتين حقت المعونات .... ورجعت للموظفه نفسها وقالت لها شفت فيه 3 كراتين عطيني واحد وخليني اتيسر واروح .... هذيك الموظفه عصبت على ام احمد وسارت تصارخ .. وتقول لها ليش تكذبيني وتروحين للمستودع هذا مو اسلوب هذي الاشياء لغيرك والصوت عاااالي وام احمد انحرجت مسكينه الله يغنينا وياها من واسع فضله ...

هذا غير المعامله السيئه من اكثر الموظفات مو كلهم عشان مااظلمهم ....

اقتراحي الاول : في ناس كثير يحبون الخير ويبون يتصدقون ليش ماتروحون للجمعيات الخيريه وتتعرفون على ناس محتاجين فيها مقدمين عالضمان او من الحارات الفقيره الشعبيه وخذوا ارقامهم وعناوينهم وساعدوهم والله لوكل عيله غنيه او مستواها المادي وسط وتمسك لها عيله فقيره كان احنا بخير لا تقولون الفقراء كثير والدنيا غاليه والله العظيم بتشوفون البركه ويكفينا حديث الرسول صلى الله عليه وسلم ( مانقص مال من صدقه ) ..... ومنها بنشكر الله ونحمده عالنعم اللي احنا فيها ....

عن ابي هريرة – رضي الله عنه قال- عن النبي صلى الله عليه و سلم قال - من نفس عن مؤمن كربة من كرب الدنيا نفس الله عنه كربة من كرب يوم القيامة ، ومن يسر على معسر يسر الله عليه في الدنيا و الآخرة ، ومن ستر مسلما ستره الله فى الدنيا و الآخرة ، و الله في عون العبد ما كان العبد في عون أخيه . و من سلك طريقا يلتمس فيه علما سهل الله به طريقا الى الجنة ، وما اجتمع قوم في بيت من بيوت الله يتلون كتاب الله و يتدارسونه بينهم إلا نزلت عليهم السكينة و غشيتهم الرحمة و حفتهم الملائكة و ذكرهم الله في من عنده ، و من بطأ به عمله لم يسرع به نسبه - رواه مسلم بهذا اللفظ .


اقتراحي الثاني : كفالة الايتام في ايتام كثير معانا بالمنتدى وخارجه ليش مو كل شخص يكفل يتيم والله الاجر عظيم وعلى فكره الكفاله ماتكلف تبدا من 100 وشويه الى 200 في الشهر وومكن تدفعيها كل 6 شهور او كل سنه ... اما عن طريق الجمعيات الخيريه. او احد من معارفك ... المهم الاجر لايفوتكم والله اني احبكم في الله وابغالكم الاجر ....

والله في حكايه قريتها في منتدى مااذكر اسمه المهم ان صاحب القصه يقول جاني رجال مسرع يقول خذ الفلوس هذي حقت كفالة اليتيم بسرعه سوي لي ايصال استلام بسرررررررعه ... يقول بعد ماسويت كل شي ارتااااح الرجال يقول شدني الفضول اني اعرف القصه وسالته .... فرد الرجال يقول انا كنت كافل يتيم ومع مشاغل الحياه نسيت اني ادفع كم شهر واوضاعي الماديه بدات تتردى فتذكرت اليتيم وعرفت انو بسبب نسياني له وضعي المادي اتردى فجيت ادفع .... لاني ماشفت الخير والبركه الا بعد الكفاله .... قال تعالى ( مَّن ذَا الَّذِي يُقْرِضُ اللّهَ قَرْضاً حَسَناً فَيُضَاعِفَهُ لَهُ أَضْعَافاً كَثِيرَةً وَاللّهُ يَقْبِضُ وَيَبْسُطُ وَإِلَيْهِ تُرْجَعُونَ(245)

وان شاء الله مااكون طولت عليكم ووصلت لكم الفكره .... وفي الاخير احب اذكر نفسي واذكركم بحديث الرسول صلى الله عليه وسلم ... عن عدي بن حاتم رضي الله عنه قال: قال رسول الله ‏صلى الله عليه و سلم : "ما منكم من أحد إلا ‏سيكلمه ربه، ليس بينه وبينه تَرْجمان فينظر أيمن منه، فلا يرى إلا ما قدم. وينظر أشأم منه، ‏فلا يرى إلا ما قدم، وينظر بين يديه فلا يرى إلا النار تِلقَاءَ وجهه، فاتقوا النار ولو بِشِقِّ ‏تمرة. فمن لم يجد فبكلمة طيبة" متفق عليه.‏