كوبونات الراقية تسجيل الدخول

بنت أمها وأبوها

<< للي يحبو اللهجه الحجازيه >> {{أمثــال من جده و مكه و المدينه }} و مرحبمبم ..

الملتقى العام •

مررررررررررحبـــــاً بنات كيفكم ... عارفه إنو في كتيير يحبو اللهجه الحجازيه .. >> وااثقه

واليوووم جايبتلكم أمثـــــــــال حجازيه يعني من جده >>> قلبي و روحي وحياتي كلها
ومن مكه و من المدينه ..

تفضلووو

1-الأمثال التي في المناطق الثلاثة الي انا ذكرتها:
إذا جيت رايح كتر من الفضايح
اذا حلقوا لغيرك بل راسك واستنى
أكفي القدره على فمها تطلع البنت لأمها
ايش عرف الحمير بأكل الجنزبيل
البيض الفاسد يدحرج على بعضه
بعد ما اكل واتكا قال ريحته مستكا
حاجة ما تهمك وصي عليها جوز امك
الحر من غمزة والحمار من رفزه
حمار الحكومة حكومة
رجعت حليمة لعادتها القديمة
ست وجاريتين على قلي بيضتين
ما لقيت في الورد عيب قلت يا أحمر الخدين
اذا تعاندوا الحمير يا بخت الركاب
أعطي العيش لخبازه ولو اكل نصه
أعمى ويلضم خرز
امل ابليس في الجنة
البيضه ما تداقش حجر
حبيبك يمضغ لك الزلط وعدوك يعد لك الغلط
حمارتك العرجة تغنيك عن سؤال اللئيم
خطبوها اتعززت تركوها اتندمت
داخل مع بيت العروسه نادر مع بيت العريس
دلع الكبار زي الشقدف على الحمار
. ياريتني بيضه وعرجه اصلوا البياض فرجه(بضم الفا).
. يااخد القرد بماله يروح المال ويبقا القرد على حالو
من محبته في عبيدو جعل العمر والرزق بيدو.
اللي يشوفني بعين اشوفوا باتنين.
اللي ماله ام حاله يغم
. كنس بيتك ورشه ماتدري مين يخشوا.
. كل حبه مسوسه لها كيال اعور
. قلبي على ولدي انفطر وقلب ولدي عليا حجر.
مين في حالك يالي في الضلام تغمز
. روح ياناكر خيري بكرة تشوف زماني من زمن غيري
اذا تعاندوا الحمير يا بخت الركاب
. على قد زيتوا سرجلوا
الخايبة تتعلق بالحبال الدايب
خدي الأصيل ولو على الحصير
حرة صبرت في بيتها عمرت
جوز أمي أقولوا ياعمي
طاعة النسوان ندامة
عقربة في الغار ولا ضُرة في الدار
فقير اتجوز فقيرة خلفوا وجع القلب
خاتم بفصو وكل شيء ترصوا
خشوني لاتنسوني ولعوا الشمعة وشوفوني
اهري وانكتي ياجارة وأنا ثابتة زي العمارة
عمية تحفف مجنونة وتقولها حواجبك سودا ومقرونة
الصرمة والقبقاب صاروا أصحاب
يا داق الموية في المهراس يا مربي وليد الناس
كل عيش البخيل ولا تأكل عيش المنان
أدب ولدك وان زعلت امه
ستي شوفيني من عينك لا ترميني
أكلوا الملوخية وصاروا أفندية
لمن كنا ما كانوا ولمن رقدنا قاموا
ما يعجبك العجب ولا الصيام في رجب
قالوا متى طلعت القصر قالوا أمس العصر
يقطع الخل عالخردل على بياع المخلل
مين شايفك ياللي في الضلام بتغمز
جئنا نحني الخيل مدت الخنفسانه رجلها
جبت الأقرع يونسني كشف قرعته وخوفني
دجاجه تكاكي عندنا وتبيض عند الجيران
ما يجي الغنج الا عند الحمير العرج

الف سبه ما تشق توب
اهل الميت صبروا والمعزين كفروا
البسه من عجلتها جابت بزورتها عمي
الحيط الواطي تنط عليه الكلاب
رفسة البقرة ما تضر ولدها
جوزتها اخلص من بلاها جاتني باربعه وراها
جوزي يكدب علىّ وأنا أكدب على الجيران
كل وبحلق عينيك تراها اكلة وانحسبت عليك
وقت الكباب صكوا الباب و وقت الملوخية اجمعوا الاهلية
جا الحوت ويقول.... للبرد موت
جا العقرب تحت السما لا تقرب
طاحت العمايم مابقى الا القمايم
اشبها لحمتك مشغته قال الجزار معرفة
إلا ما يحطك فوق رأسه تاج لاتحطه في رجلك شبشب
حزمة كرات ولا صنيعة نخولي
مكتوب على ورق الخيار الي يسهر الليل ينام النهار
يا قلبي يا كتكت كم تشكي وكم تسكت
سوي الخير وأرميه في بحر جاري .. إذا ما تَمر مع المخلوق يِتمُر مع الباري
مال ما تتعب عليه يروح ما تندم عليه


......... هااا إييش رايكم .......

مع حبي بنت أمها و أبوها
33
5K

يلزم عليك تسجيل الدخول أولًا لكتابة تعليق.

تسجيل دخول

ام المجد سعوديه
ام المجد سعوديه •
هيا يابنت امك وابوكي

ايش هدا باالله
هدا اسمو كلام ؟؟؟؟؟؟:)

ايش خلاكي تجيبي الهرج هدا عندنا في عالم حواء

اقول هيا روحي جيبيلي منتو لا اقلب الدنيا فوق راسك

والا اقولك

جيبيلي حلاوه لتوووووووووو واسكت ياواد

هههههههههههههههههههههههه

وانا كمانا مكاويه وامي وابوي بعد

لاكن من اصول



بدويه ومانتكلم كلام مكاوي اببببببببببببببببددددددددددددا
روسنا جامده هههههههههههههههههههههههههه

لاكن بصراحه مااحب اللهجه هذي ؟؟؟؟؟؟؟؟؟؟؟؟

ماادري احس كنه كلام هنود بيتسعودون وطلع الكلام مكسر ههههههههه لاتزعلين تخيلات .
ام المجد سعوديه
ام المجد سعوديه •
اقول يابت امك وابوكي

اخبار الجو عندكم في جده

سمعنا انكم متبهدلين من قوة الرطوبه وكانكم عايشين جوة علبة البيبسي ؟

صحيح الهرج هدا يافتوووووووووووو.
LEDY
LEDY •
ياااااااااااادنبي على اهل جده وكلاااااامهم يدنننننن ^_^

اذا تكلمت عندي جداويه احد يدي على خدي واتفرج عليها ههههههههههههه


يازين كلامهم .


انا ودي اروح جده بس عشان اتفرج عليهم ..



تحياتي ..
قلبي معاكم
قلبي معاكم •
مشكوووووورة .... خطيييييرة اللهجة
بنت أمها وأبوها
بنت أمها وأبوها •
ام المجد سعوديه ام المجد سعوديه :
اقول يابت امك وابوكي اخبار الجو عندكم في جده سمعنا انكم متبهدلين من قوة الرطوبه وكانكم عايشين جوة علبة البيبسي ؟ صحيح الهرج هدا يافتوووووووووووو.
اقول يابت امك وابوكي اخبار الجو عندكم في جده سمعنا انكم متبهدلين من قوة الرطوبه وكانكم...
ام المجد .....\\ مرحبمبم ..والنعم والله بأهل مــكهـ ..

. ياهووووو ... هنووود هاااا هيا مافي منتوو ولا حتى يغمش ... وبالنسبه للجو عندنا شويا هووا وشوويا حر ورطووبه يعني متقلب بس يمشي الحال تعوودنا على كدا خلاص ..:) ..