السلام عليكم ورحمة الله وبركاته000
كثير اللي ينحطون بمواقف محرجة كثيرة وغالبا هم الغلطانين وعشان كذا يحاولون ينسحبون من الموقف اللي حطوا نفسهم فيه باي طريقة000البعض يسكت وسكوته اعتراف بالخطا00
والبعض يكابر ويحاول يدافع عن نفسه رغم انه هو الغلطان لكن ما يعترف((تاخذه العزة بالاثم))
كل هذولا ينبلعون00نعديها لهم وننسى مع الزمن000
لكن اللي ماينبلع الحلف بالله ويحلفون وهم متاكدين ان اللي يحلفون عليه ماصار وكل اللي حولهم عارفين انهم كذابين لكن وش السواة(( من حلف بالله فصدقوه))000
مثلا خذوا هذا الموقف00كنا صغار نلعب وطاحت بنت خالي وقامت تبكي لانها تعورت وتروح لامها ((البنت صغيرة))شوية بس الا مرة خالي قلبت الدنيا وحشت خالي على اخته اللي هي خالتي والله انه تهددها ويتوعد وما بقى الا يضربها وقامت خالتي وقالت له اضربني يا اخوي ان كان ضربي بيريحك 00وزوجتة تقول ((والله العظيم ان ولدها ضرب بنتي وانا شفته بعيوني اللي عساها العمى))عاد وحدة تدعي على نفسها وبكل جراءة على الله وهي كاذبة والكل يدري انها تكذب اصلا كانت معاهم عالقهوة فكيف شافت واحنا بالشارع00وخالي مرة بينفجر بس لمن خالتي قالت له اضربني هدأ شوية وقام ضمها وبكى 00الموقف انتهى
((لكن الحرقة اللي بقلب خالتي منتهت راحت توضت وفرشت سجادتها وطول ليلها تدعي وتدعي وتقول يالله ان كان هي كذبت وافترت علي وحلفت وهي كاذبة يالله حقق لها دعوتها))
والله يابنات شهرين بس وربي حقق لها دعاها ومن ذاك الوقت وهي من مستشفى لمستشفى راحت لبنان ومصر والتخصصي بالرياض00وعمليات وموية زرقا كل ماتسوي العملية ترجع والحين نظرها مرة ضعيف واظن وحدة ماتشوف فيها((جزائها من الله على الكذب والحلف))
الغرض من الموضوع اننا نتذكر ان الله فوقنا يعلم خائنة الاعين وما تخفي الصدور وان مانكذب ونكتب عند الله كذابين عشان اغراض دنيوية دنيئة00 ونتقي دعوة المظلوووووم قد ما نقدر لانها ليس بينها وبين الله حجاب00
اذا عندكم مواقف اذكروها للعبرة ولا تجي وحدة وتقول هذي غيبة لاني ماذكرت اسم احد او حتى انا محد يعرفني هنا00اوكيه
وابشرررركم حرقة خالتي اللي بقلبها بردت 000لان الله انتصر لها من سابع سما من اللي كانت بتفرق بينها وبين اخوها((خالي مات طيب القلب ادعوله بالرحمة))
بنت المؤمنين @bnt_almomnyn
كبيرة محررات
يلزم عليك تسجيل الدخول أولًا لكتابة تعليق.
جزاك الله خير اختي الغريبة 00
البنات منحاشين من الموضوع حتى محد دخل غيرك00:icon33:
شكل العنوان موعاجبهم بس انا سيدة ما احب التشويق00والا كان جبت عنوان يرج
البنات منحاشين من الموضوع حتى محد دخل غيرك00:icon33:
شكل العنوان موعاجبهم بس انا سيدة ما احب التشويق00والا كان جبت عنوان يرج
الصفحة الأخيرة
لا يدعووون على نفسهم كذب وينهم من الله؟
كان الله مو شايفهم؟
الله يا اختي يمهل ولا يهمل
الله يرحم خالك ان شاء الله