الموجودات في هالمنتدى الغالي ..
عسى الله يرزقنا وايااااكن بالذرية الصالحه التامة الخُلقة و الخلق ..
.
.
البارح تابعت حلقة على قناة النيل للعائلة والطفل .. ومستضيفين في الحلقه دكتور
استشاري أمراض نسائية .. بصراحه اكثر شي عجبني كلامه وكان سمح الوجه
وكلامه كله مقرون ب ( لااله الا الله ) ( مااشاءالله ) ...
المهم كان يتكلم عن أنماط الحمل في الرحم .. وكيف يكون حمل صحيح وحمل ناقص
وسبحان الله .. حط أمثله و اتصلو ناس يحكون قصصهم من واقع تجاربهم في تثبيت
الحمل الناقص ..
المهمـ .. كان يقول ان الاجهاض .. نعمة من الله ... انعمها على الطفل وعلى الام ..
لأنه الاجهاض في الغالب يكون نتيجة عيب خلقي أثناء تكوين الجنين .. وحاشا لله
من العيب والنقصان .. سبحان الله فيه ناس يتكدرون ويقولون ليش نحن نسقط وليش
كل مره حملنا مايكتمل وليش وليش ..
هذا اعتراض على حكمة الله .. مايدرون ان الخيره فيما اختاره الله ..
في الحلقة .. اتصلت متصله تقول انها في الشهر الثاني ياها نزيف .. وعلى طول
راحت المستشفى .. قالو لها اعراض اجهاض .. هي تمت تصيح وتقول الا والا اريده
يكتمل .. قالو ممكن يكتمل وماينزل .. في حالة خذتي مثبتات قوية .. وادوية
وفيتامينات .. تساعد في نموه وتميتي مرتاحه اكبر وقت ممكن ..
هالاخت تمت على سريرها 5 شهور .. وتاخذ ابر مثبته و حبوب مثبته قويه ..
وسبحان الله .. الدكتور كان يقولها .. ان الاجهاض افضل لج من تكملة الحمل .. لأنه
في وقت ماكان عندها نزيف .. الجنين فقد مكونات رئيسية لإكمال دورة نموه ..
ولكن هي أصرت على ايقاف النزيف بالادوية ..
يقولكم سبحان الله .. ياتها ولادة مبكره في الشهر السادس ..
يابت بنت .. ولكنها غير مكتملة النمو .. وهي حاله غير طبيعيه .. لأنه في الشهر
السادس يكون الطفل مكتمل نموه على هيئة انسان عادي .. بس الاشيا الثانويه
هي اللي ممكن ماتكون بعدها متكونه ..
سبحان الله يابت بنت فيها 3 اصابع بس .. و فيها ثقبين في القلب ..وفيها تشوهات
كثيره .. يا سبحااااان الله ..
يعني ربنا سبحان الله .. بغى هذا الجنين ينزل قبل تكونه .. عشان مايتعذب هالعذاب
ولا يعاني من اي تشوهات .. لكن برغم ذلك الام اصرت على اخذ ابر صناعية مثبته
وادويه تكمل نموه ..
البنت تمت 3 ايام وصابها ضمور في انسجة القلب والرئة .. وماتت ..
.
.
.
في موضوع ثاني ..
شرح كيف ان الوحده تحمل بكيس فاضي ..
طبعا هي تحمل بجنين .. بس يكون علقة .. بعده ..
تبدا عندها اعراض النمو تكبر وتكبر والام تحس بعوارض الحمل ..
و فجأه يصير لها ضمور .. وتذوب قبل ماتصير مضغه
هذي صورة رحم فيه جنين بالشهر الثاني
تلاحظين الكيس بداخله جنين
اذا كان الطفل مو موجود بداخل الدائرة السوداء .. معناه المضغه صارلها ضموور
وسبحان تحللت .. ماتحس بها الأم ابد ..
.
.
واللي فيها كيس فاضي ..
يعني اكيد كان في حمل .. وكان في جنين بس .. الله ماراد يكتمل وتحلل ..
سبحان الله لله في خلقة شؤوون
.
.
أتمنى استفدتو من كلامي وماتزعلون على أي شي يصير أثناء فترات حملكم ..
لأن الخيره فيما اختاره الله
منقوووووووووووووووووووول
نقلت لكم الموضوع للافاده
أنا كمان بعاني حامل بكيس بدون جنين وعندي نزييييف دعواتكم
ويرزقك من حيث ما تتوقعين
وياك وكل المسلمات
والله يحقق كل امانيك