وعليكم السلام ورحمة الله وبركاته
النقاط اللي ذكرتيها ممتازه استمري عليها واهم شي النفسيه تكون مرتااااحه وعال العال هذا الشي له دور في التشافي
وبخصوص التغذيه ركزي على تخفيف كمية النشويات مثل الرز الخبز المعجنات البطاطس لانها تتحول الى سكر بالجسم وترفع الانسولين
واكيد اقطعي السكريات حتى الفواكه الحاليه خففي منها خلال هذي الفتره
واشربي مويه كثير
واذا متوفر عندك مردقوش او بردقوش استخدميه مثل الشاي كوب الى كوبين باليوم سوي لك ترمس صغير حطي فيه ملعقه كبيره عشبة البردقوش وصبي فوقه مقدار كوبين كبار مويه مغليه وغطيه 10 دقايق واشربي منه مرتين بالنهار والليل
واذا متوفر عندك قسط هندي كذلك كويس للتكيسات والهرمونات والغده مجرد خذي ملعقه صغيره قسط هندي مطحون سفيها او ألهميها واشربي بعدها كوب ماء مرتين باليوم الافضل قبل الاكل بنص ساعه
وللاحتياط قبل الدوره بثلاث ايام وقفي استخدامها واذا خلصت ارجعي استخدميه من جديد بنفس الطريقه
والتجارب كثير على القسط الهندي والمردقوش مجرد اكتبي بالبحث عنه وبتلقين مواضع وردود كثير بعالم حواء عن تجاربهم وطريقة استخدامهم والحمدلله اغلبها تجارب مشجعه وناجحه
التكيسات امرها بسيط واغلب النساء تصيبهم التكيسات وتروح بدون لا يحسون فيها

وعليكم السلام،،


اول شي اقوله لك لاتفكري كثييييير ولاتشيلي هم هالتكيسات الي تقدري تسويه سويه بس لاتتهممي بهالموضوع،، وكنت بصراحه مره اشيل هم هالتكيسات بس الحمدلله الطب تطور وعندي ولله الحمد 3 اطفال حملت فيهم بمنشطات، ولما قررت احمل هالمره قلت راح احاول بدون مااخذ منشطات،، اول مافطمت بنتي كانت سنه و5 اشهر،ووزني كان زايد بعد اخر ولاده حوالي 10كيلو،المهم تابعت مع الطبيبه اول شهر كان تبويضي تمام بس ماصار حمل، ثاني شهر التبويض تمام ونفس الحكايه ماصار حمل لسه ربي مااراد لي احمل والخيره فيما اختاره الله، الشهر الثالث تلخبط ابو التبويض وزادت التكيسات كثير وراح علينا هالشهر، كانت الطبيبه وصفت لي جلوكوفاج من بدايه المتابعه بس ماكنت اخذه لانه يتعب معدتي، وكل ماسألتني اذا كنت اخذه اقول لها ايوه ربي يغفرلي بس كانت الطبيبه شديده ومافيني للشده معاها، راحت دبلت جرعة الجلوكوفاج من 1000 ل 2000 اخذهم بليل بعد العشاء،قالت من الدوره الجايه نبدا بالمنشطات، مارحت لها وقلت راح ااجل الموضوع لبعد رمضان وبديت اخذ انوسيتول من ايهيرب وحمض الفوليك قريت عنه موضوع الي عندنا فالصيدليات ماينفع ومايساعد لعلاج التشوه العصبي او شي زي كذا للجنين وان افضل نوع اسمه (ميثيل فولات) لقيته في ايهيرب وطلبته،، استمريت عليهم وشلت موضوع الحمل من راسي بما ان بنتي لسه ماكملت سنتين،جربت انزل وزني وللاسف ماتمكنت، وجتني اخر دوره بداية رمضان،سبحان الله رابع يوم من العيد احس بألم اسفل بطني وظهري ومافهمت ليه هالالم، قلت يمكن راح تجي الدوره بس مالها ميعاد معين بسبب التكيسات مهي منتظمه وغير كذا انا مااحس بألام الدوره، لما ركزت شوي تذكرت اني حسيت بهالالم من قبل وطلعت حامل بعد علاج، قلت افحص مو خسرانه مع اني شبه متوقعه ان مافي حمل، بس قدرة ربي فوق كل شي والحمدلله طلعت حامل الان نص الشهر الثاني ربي يتمم لي اياه ع خير💗


واعتذر لاني طولت فالشرح، ولعلمك قريبتي عندها مبيض واحد بس وعندها تكيسات، اول حمل بعلاج وثاني حمل بدون علاج سبحان الله

النقاط الي ذكرتيها حلوه امشي عليها بس اهم شي نفسيتك ابدا ابدا لاتفكري بالحمل ولاتتضايقي اذا جت الدوره حاولي قدر الامكان تشغلي نفسك،، وجربت من قبل الاناناس من اول يوم لدوره لمده 14يوم،واكل 7 حبات عين الجمل على الريق اغمسها في عسل اصلي في فتره الدوره، وكانت تنشط المبايض وتكبر حجم البويضات،، الميراميه ماجربتها بس اسمع ان البعض يذمها للتكيسات،، البردقوش اسمه عنه مدح بس بصراحه ماجربته،والقسط الهندو يمدحوه بس ماتقبلت ريحته،،


الي تقدري سويه وادعي ربك قبل كل شي، وربي مقسم الارزاق

الله يرزقك يارب
اقري عن القسط الهندي وفوائده العديده
لكل شي سبحان الله
صحيح نكهته مره قويه وغير مستساغه في البدايه
بس ممكن تخلطينه بعسل
وبعدها تشربين مويه

الله يرزقك وكل متأخره
بإذن الله امرها بسيط التكيسات راجعي دكتوره تفيدك وامشي ع الكلام الي كتبتيه ممتاز