للي يشتغلون بالبيت .....

كم مرة تنظفين السراميك حق البيت اسبوعيا او يوميا او كم ؟
يوميا بعد ماجبت ابني صار يوسخ كثير خاصه لما ياكل فاضطر اشطف الارض بالمويه كل يوم لانه سيراميك البيت من النوع اللي يطلع الروح لو مشيت عليه بين انو توسخ

كم مرة تنظفين دورات المياه (الله يكرمكم) اسبوعيا او يوميا او كم ؟
يوميا

كم مرة تغسلين مطبخين وهل تغسلينه او تمسحينه بس ؟!
كل ماشطفت ارضيه البيت شطفته ومسحته

كم مرة تغسلين ملابسك اسبوعيا او يوميا او كم ؟؟
على حسب كميه الغسيل

كم مرة تنظفين ثلاجتك اسبوعيا او يوميا او كم ؟؟؟
بصراحه مانظفها كثير ماحس انها تتوسخ يمكن كل شهرين او ثلاث
بس كل ماجبت مقاضي للبيت رتبتها

كم مرة تكوين ثياب اخوانك او زوجك اسبوعيا او يوميا او كم ؟؟
ماكوي ابدا اكره شي عندي

واذا فيه طريقة زينه لتنظيف الحمامات او معطر كويس للملابس
الحمامات لازم كل يوم ولو قدرتي خليها مرتين باليوم لانها مصدر جرايم لازم تتعقم
انا اجيب من رامز مسحوق الغسيل اللي يجي بعلب صغار زي تايد او اي نوع رخيييص مو مهم
وتضيفي معه كلور من النوع الرخيص برضه وخفيف وتنظفي تحسي انو الحمام يصير يلمع
واذا حابه تضيفي ديتول للمراحيض يكون افضل بس لاتخلطي مع الكلور لانو يتفاعل ويسبب ريحه قويه

او منظف السراميك او اي شيء من ابداعاتكم ياجميلاتي تفيدونني فيه


والله انا ابحث عن نوع يكون قمه وكل شهر اجربلي نوع بس السيراميك اللي عندي شكله ضد اللمعان مايلمع الا لحظه التنظيف ههه
ان شاء الله البنات يفيدونك

مرحبا خيتو يسعدني اكون اول وحده تردلك ياعمري السرميك يمسح كل جمعه بس انا ماعندي اطفال صغار مره كلهم كبار الله يصلحهم واذا جاني احد خلال الاسبوع لازم امسحه من بكره الصبح وبالنسبه لدورات المياه كل مادخلت اشطفها تشطيف بس الغسيل الي عليه الكلام الصباح بدري بعد مايروحون عيالي المدارس وبالنسبه للملابس اغسل كل ماتجمعت يعني في الاسبوع مرتين اوثلاث مرات ونظافة الثلاجه كل اسبوع مره يعني كل جمعه والكوي مايجي عندي كوي كثير لان عندي النشاف الحراري موكل الملابس تنكوي يعني مريحني من الكوي حتى مراييل البنات والبدل العسكريه وبدل ولدي حقت الدام كلها مريه منها وبس ودمتي

كل بيت يختلف عن البيت الثاني

candi99 شكرا لك معلوماتك مررة حلوة :)

كلي فخر عصفورة جزاك الله خير اختي ماقصرتي

القهوة الملكيه : صحيح بس نبي نستفيد :)

سلمكم الله بيتي موكيت يعني أكنسه مره كل يوم أو أكثر لأن عندي أطفال
بالنسبه للغسيل أجمعه كل ثلاث أوأربع أيام بالنسبه للببزوره أما أنا وزوجي مره كل إسبوع
المطبخ إذا الأرضيه وسخه غسلته وإذانظيفه أرش ديتول على الزوايا والمداخل عشان النمل والحشرات الصغيره يقضي عليه بشكل سريع
الكوي إذا بنطلع كويت ملابس الطلعه ولبس البيت مثل ماقالت الأخت كلي فخر النشاف الحراري رهيب البجايم وقمصان البيت والملابس الداخليه لزوجي كأنها مكويه
الحمامات عندي 4 الله يكرمكم بس واحد اللي نستخدمه وهو اللي يتنظف مرتين أوثلاث باليوم على حسب

أفضل منعم وريحته روعه كمفورت البنفسجي يهبل