للي يعانون من مشاكل روحيه تعالي اعطيك أمل..

السلام عليكم
قريت كثير هنا كانت حالاتهم نفس حالتي
اهمال دراسه..ولاخاطب دق الباب مع اني والحمدلله مافيني شي
نوم قلق اكتئاب احس بالموت سواد تحت العين على طول طفشانه اتنرفز بسرعه ..الام في الظهر والرقبه وهبوط في الضغط
ودايم متوتره واحس اني ضايعه مالي هدف احب اجلس لحالي ماأحب اروح لأحد والخوف الزايد
هذا غير الصداع اليومي والكسل والخمول

طبعا الحمدلله محافظه على صلاتي
كان القرآن حلمي اختمه بس كل مارحت اسجل بتحفيظ
يجي موقف يوقف علي الموضوع
بعدها صرت اسمع اغاني اسلي نفسي بشي بعيد عن ذكر الله وهذا اللي زاد المشكله

في مره من المرات جات العطله الصيفيه قمت اصلي صلاة الليل لمدة 3 شهور سبحان الله كل اللي دعيت به تحقق لي
كل شهر يتحقق لي شي من اللي دعيته لك الحمد والشكر يارب
طبعا اصلي الفجر في وقتها واقرأ قران حاولت اسلي نفسي مع اهلي واطلع يعني ارتحت نفسيا

بعدها وقفت و رجعت الحاله الاولى اللي هي القلق وتوقفت عن الدراسه ....الخ
المهم سويت نفس الشي صلاة ليل ودعاء وكنت ادعي لنفسي بالزوج الصالح
وكانت مواصفات معينه في بالي
والله الذي لااله الا هو بعد سنه تقريبا راحت قريبتي تقرا عند شيخ وقلت بروح وش وراي وانا ماكنت اتوقع فيني شي
وقرا علي لمدة شهر قال فيك عين وحسد وتحسنت وصرت اروح واجي المهم تغيرت 180 درجه
وبعد 3 شهور انخطبت والحين انا متزوجه من سنتين لله الحمد والشكر

طبعا حملت مرتين المره الاولى مات الجنين في الشهر السادس وهالمره اجهظت الله يعوظني وكل محرومه
وشكيت تكون عندي القرينه لاني احلم احلام مفجعه كلاب وقطط وحرمه دايم اشوفها في المنام

قبل شهرقريت سوره البقره وصليت قيام الليل

بعدها جا في بالي اروح اقرا خذيت رقم معالجه ورحت لها وقالت عندك القرينه وعين شيطان
من يوم انتي بنت وقلت لها اني ماتزوجت الا بعد مارحت عند شيخ
قالت لولا الله ثم هالشيخ كانك الا الحين قاعده بدون زواج
لان عندك قرين شيطان قاعدلك في رزقك يعني زواج..ذريه..
والشيخ قرا عليك وافتكت عقده بس ماحل المشكله
وبدت تفرا علي وتسألني عن اشياء كنت اسويها فعلا

طبعا انا لي اسبوع عندها الله يكتب بيدها الشفاء
بصراحه رحت عند مشايخ
بس زيها ماصادفت



الخلاصه في الموضوع قالت لي لاتناظري بالمرايه كثير وترقصي وتستهبلي كثير(انا كنت اسوي كذا)
لان الشياطين تتعرض لهالحاله وتسبب مشاكل مالها أول وتالي

وسبحان الله يابنات مو بس تعالج المس والسحر والعين
حتى اذا مافيك شي وعندك مشكله انجاب وغيره تعرف

مثلا قالت لي ان وحده لها12 سنه ماحملت وقريت عليها مافيها شي
وقلت لها اكشفي على صفار في الدم وتابعي لحد مايشوفونه
وفعلا الحرمه قالت بالبدايه حللت مافيه شي بعد كم مره طلع صفار عالجته بعدها حملت

ووحده ثانيه جابت 5 اطفال مشوهين قالت خلي زوجك يكشف ضروري
يمكن عنده تشوه
وفعلا طلع عنده تشوه بالحيوانات المنويه

طبعا الطب الحديث اشياء كثيره مايعرفها والقرينه هذي مايعرفونها رغم انها تمنع الحمل وتقتل الجنين واحينا تقتل الام
بصراحه انا خليت استشاريه على مستوى لها اكثر من30 سنه خبره كل ماروح عندها تقول مدري وش السبب

طبعا انا الحين مسويه برنامج علاجي مع الحرمه وعطتني مويه وزيت
واستغفر في اليوم مالا يقل عن 1000 مره يوميا
واقرا سوره البقره واصلي الليل والله وحده الشافي الله يشفيني ويشفي جميع مرضى المسلمينز

اشياء لاتستغني عنها:
الاستغفاااااااااااار
واكثري الصلاه على النبي
وقيام الليل
والدعاء بالحاح
وسوره البقره
والمداومه على الاذكار
والصدقه لاتنسونها لو شي يسير

دعواتكم ان الله يرزقني في هالسنه الحمل السليم والولد السليم ويشفيني


سيــــــــــــــــــــــوف



ربي هب لي من لدنك ذرية طيبه انك سميع الدعاء
رب لاتذرني فردا وانت خير الوارثين
ربي ااشرح لي صدري ويسرلي أمري واحلل عقدة من لساني يفقهو قولي