اخر الصيف سويت تان وطلع اللون حلو الحمدلله بس لازم تسوين كم شغله بعدها وكم شغله قبلها

يعني اول شي عشان يطلع لك اللون حلو ومثل ماانتي حابه لازم تسوين تقشير خفيف لجسمك بالبيت اي مقشر عندك اليوكو ابو بقره اي سكرب ولو ماعندك جيبي معلقتين سكر خشن وحطي معاها ملعقه مويه وافركي جسمك فيها او ملح خشن مع زيت زيتون

بعدها جيبي زيت جونسن لو عندك حق الاطفال ومكركوم حق الجروح وعصير جزر وحطيهم بمرش لو عندك واحفظييها بالثلاجه

اذا رحتي البحر لازم تسبحين شويه لانه السر في المويه المالحه موية المسبح هي اللي تخلي اللون اشهب ورمادي

بعد ماتغطسين شوية بالبحر اطلعي ولاتمسحين المويه وحطي من اللي عملتيه الجزر والزيت والمكركوم واجلسي بالشمسحتى تحسين انه جسمك اخذ لون

اذا خلصتي اتحممي بالمويه بس وبعد الحمام ادهني زيت افتر سن من نيفيا ولا من كلارنس او من لانكستر اذا ماعندك حطي بيبي اويل حق جونسن

مشمشه اي نيفيا تقصدين؟؟؟

vanilla babe مككروم من جدك اخاف يصبغ جسمي احمر انتي مجربته؟؟

ايه مجربته توني اخر الصيف

ويعطيك لونه يهبل بس لازم يكون عصير الجزر اكثر منه ولاتنسين الزيت

انشاء الله بجرب اتسبح بمويه وملح وبعدين احط الخلطه والله يستر :)
يسلمووو عزيزتي

انا منت مسافرة مع زوجي ماليزيا وزرنا وايد جزر صار لوني واااو والفضل لكريم لاكستر للبرونزاج لوني يوم رديت الكليسألني شنو حاطة شي فظيع كما كنت احط بيرة على شعري لاني شقرا وعامله هاي لايت فصار الوون روووعه ثلجي عجيب مثل شعر الاجانب وزوجي حط بيرة لجسمة لونه كان هم حلو
ممكن تسوين سلف برونزاج بالبيت انا جربت كريم كريستان ديور رووووعه للسن سلف برونزاج وايد حلو يستمر اسبوعان تقربيا كريم للجسم واخر للوجه