لماا يفضلون الصغيره للزواج

انا هذا الموضوع من زماان اسال عنه بس ما ادري ايش الجواب باضبط يعني ان شاء الله البنات يفيدوكي

في نظره عند الرجال للبنات الصغار
أنهم أخف دم ومفرفشين والدنيا عندهم بنبي
بس ماعرفوا أن بعض هالبنات ماتقدر تتحمل مسؤلية
ولا هن ناضجات كفايه وكثير تصير مشاكل بسبب فارق العمر
من ناحية التفكير أو حتى نظرتهم للمواضيع
أحس حلو الفرق بين الزوجين يكون من 2 إلى 4 سنوات
عشان يقدروا يتماشوا مع بعض

حتى انا نفسي اعرف
بس يقولون لاصارت صغيره يربيها على مايبي
وبعدين لاكبر الا هي صغنطوطه توها

بس برضه انتظر مثلك اجابه ..

طبعا الموضوع يعتمد على فكر الشخص نفسه في كل حاله
بس بشكل عام الرجال اسبابهم تكون:

زغيره وينضحك عليها...واربيها على كيفي.

ترجع شبابهم

مو معقده( على اعتبار انو اللي فوق 25 معقدة من وضعها الاجتماعي...مش رائي طبعا)

من ضمن مجموعة اخطاء التربية الاجتماعية(نتاج افكار مجتمعنا)

انانية وتدني المستوى الفكري وقصر النظره لواقع الحياة الزوجية عند الرجل( هذي يبيلها شرح شوي):
طبعا لما تكون شروطه شكليه+ صغر السن
صدقيني ما راح يكون فكر

كيف بيكون مستوى التواصل والانسجام الفكري بينهم
كيف بتربي اولاده
ولا كيف بيأمنها على بيته و اولاده لو لا سمح الله صار له شي
ولا كيف بتدبر امورها وامورهم
ولا كيف بتستحمل مسؤلية اهله لو احتاج انها تعاونه بشيلهم
ولا اصلا كيف بتعاملهم

اللي فكر فيه انها زغيره ودلوعه وبدلعها على سنها...
يعني ما في نظرة سليمه لزواج على اساس انه مؤسسه اجتماعيه لها متطلبات صعبه على الرجال انفسهم....نظرتهم لزواج على اساس انه حاجة....هي اللي مخليه نسبة الطلاق تزيد ومشاكل المجتمع تزيد مع العلم بان الرجل المفروض يكون عقلاني اكثر من المرأة


(لما قلت انو نظرته لزغيرة انها دلوعه....مش معناتها اني انفي الدلع عن اي انثى وانا شخصيا ارى ان البنت فوق 25 والى 35 اكثر انوثه ولها قبول اكثر وجاذبيه اكثر) وطبعا الدلع والانوثه فطرة في المرأة من المهد الى اللحد.
اتمنى اكون افدتك...وسلامتك

طيب سمعت مقوله تقول

ان الصغيره عمرها الافتراضي اطول

تقوليلي كيف؟

يعني الصغيره ماتشيب بسرعه تطول

بس الكبيره كلها 10ولا 15 سنه وتعجز يعني تصك ال40 وهالوقت ماتنفع

طبعا هذي وجهة نظر حبيت اطرحها