الف حمدلله على سلامتك والنونو
يتربى بعزكم
والله يخليه لكم

تحيتي

الولادة بعملية اشوفه شي مغري مرره ..

وكل مره احمل افكر فيه بجديييه وياما ترجييت الدكتوره انها تدخلني عمليااات ومره فعلا جهزوني للعمليات بس ربي كتب اني اولد طبيعي الحمدلله...

في لحظة التعب تتمنين القيصري بس اذا تمت الولاده تحمدين ربي انهم مافتحوا بطنك .

اما في حالتك فقرارك جدا حكيييم فعلا كثير حالات نسمع عنها تتبهذل في الولادة الطبيعيه وفي اخر لحظه يحولونها للعمليات وتكون كأنها ولدت مرتين مسكينه .

مميزات القيصري ::)

تحددين موعد ولادتك على كيفك مثلا انا ابختار اوول يوم من التاسع واوفر على نفسي ذاك التعب :)

ثاني شي تروحين وانتي مافيك الا العافيه ومبتسمه وهوووبااااا ولدك جنبك :)

ولا خذي نفس!! اكتمي!! ادفعي !!لاتدفعين!!ارفعي رجل!! نزلي رجل!! :(

وذيك التأوهات والالام كلها.الله المستعان بسسس.

وغير كذا يكون الخياط في مكان غير محرج في البطن :)

يعني بسهوله ممكن تكشفين عليه موو في ذاك المكان الزحمه!!!:) اللي الوحده تتجنب انها تكشف عليه وتتحمل الالم علشان ماتكشف .

وغير كذا والاهم ذيك المنطقه اللي تحت ماتتغير مثلك يومنك بنت مامر منها جنين ولا خياط ولاهم يحزنون ..

اما عيوب القيصري:

اول شي ماتتمتعين بالحظه اللي يطلعون فيها مولودك لانها من اروع اللحظات ومع الالم اللي تكونين عانيتي منه تكون لحظات ماتنسى ..

خاصة اذا بنج كامل راح تكونين يمكن اخر وحده تشوف المولود :(

وغير كذا تكونين تعبانه بعد الولاده من البنج وماتقدرين تتحركين بسهوله من آلام الخياطه ومنتي في حال مولودك ...


في النفاس ماتقدرين تربطين بطنك وغالبا اللي يولدون عمليه تكون لهم بطون كبيره لان العضلات هناك ماتقدرين تشدينها من الخياط.

عدد الولادات محدود ولازم تنتبهين ماتحملين بسرعه علشان الجسم يرتاح .

يطلع فيك جزء ضعيف في جسمك اللي هو مكان الخياطه اللي في البطن لازم تنتبهين له دايم .

هذا اللي جا في بالي وانا افكر في ايهم افضل الولاده بعمليه ولا الولاده طبيعي ..

وبشكل عام اللي ناويها ماتجيب الا طفل واحد ولا اثنين انصحها بالقيصري ..

كثير من الاجانب يختارون القيصري على الطبيعي لانهم مو ناوين يجيبون كثير..

بس حنا كمسلمين من الافضل اننا ننفذ وصية الرسول صلى الله عليه وسلم ونجيب اطفال اكثر:)

وحمدلله على سلاامتك اختي ومبروووك والله يجعل عاصم من البارين الصالحين يااارب .

الحمد لله على سلامتك وسلامة عاصم والقرار كان صائب جدا حفاظا على سلامتك وسلامة عاصم ويتربى بعز والديه ان شاء الله

هلا وغلا


حمدالله علي سلامتك وسلامة المولود


انا عن نفسي بكل فخر وعز اقول بقيصريه ولدت

انا في ولادتي الاولي كنت ماشيه علي الطبيعي وكل شيء اوكي

بس وانافي التاسع نزل على مخاط ودكتوره قالت بشوف الرحم كم فاتح

قتله اوكي ماعندي مشكله تفضلي والله والله والله ماكنت ادري انه دخلت إيده

تسبب هالألم كله وجلس اصيح بكل صوتي وانا كنت بالعياده يعني لسه مادخلتني تنويم

والناس استغربوا هالصوت وزوجي ماعاد شفت وجه يوم صحت مادري وين راح من الخوف

يقولي وش سوت فيك ؟؟؟؟؟؟ الرحم كان يادوب فاتح 1.5 سم ودخلتني المستشفي

ونتظروا علي علشان يفتح الرحم وانا لوتشوفيني مشبكه رجولي علشان مايفتح ماكان

عندي فكره عن طبيعي وقيصري ولاسألت احد المهم قالوا بحطولي تحميله في الرحم

والله يمكن 10 ممرضات وقفين معاها بفتحوني غصب وانا اصيح واقولها ابي قيصريه

بس من غير مادخلين ايدك مادري وشهو قيصريه اصلا حاولوا معاي وانا اصيح والرجال

مادري وين راح المهم وافقوا علي القيصريه ودخلت قيصريه .. وتدرون انه زوجي وين كان

جالس في زاويه يقرأ سورة زلزله والله يوم قالتلي اختي وانا وسط الالم اضحك .


والحين حامل في ثاني قلت لدكتوره قيصيريه لاشوفك تحاولين معي تقولي

حرام هذا الثاني ومعرف ايش خلينا نتظر ونشوف وانا معنده قيصريه وبس


هذا بس علشان دخلت ايده شفت الالم عجل كيف لوكملت لنهايه شق وخياط

ومعرف ايش . >>>>>>>>> قالت قصة حياتها .


ادري طولت عليكم بس ذكرتني مهي بالولاده طبيعي والقيصريه




طامح


من قالك عدد الولادات محدوده هذا زمان تقدرين تجيبين 11 طفل بالقيصريه


كل دكاتره سألتهم موبس في سعوديه حتي بره قالوا نفس العدد وهذا غير التلفزيون

اللقاءات مع دكاتره .

هلا اختي مهى

والله انك ريحتيني انا حالتي مثل حالتك راس الجنين فوق والطبيبه اللي اراجع معها قالت يفضل انك تولدين قيصري علشان يمكن تصير للجنين مخاطر من الولاده الطبيعيه وعطتني موعد الاسبوع الجاي
بس انا خايفه من العمليه لاني اول مره اجربها

وابغى اسالك اختي
*خدروك كامل والا موضعي وش الاحسن
*متى صحيتي من البنج وشفتي البيبي
*وكم يوم جلستي بالمستشفى
*ومتى قدرتي تمشين طبيعي
سامحيني على كثر اسئلتي بس حابه اطمن لان موعدي بعد كم يوم