لماذا الجحود والنكران للخطوط السعودية

السلام عليكم ورحمة الله وبركاته

بنات بدون مقدمات انا قريت اكثر من موضوع هنا

شكاوي من الخطوط السعودية

ومن قلة الحجوزات وتاخر الرحلات الخ

بس اللي ابغى اقوله ان مؤسسة عملاقة مثل الخطوط السعودية

طبيعي جدا يكون عليها ضغط كبير

ولا تنسون يا بنات انها الناقل الوطني الوحيد لدول الخارج

حتى داخل الوطن ومع ظهور شركتي ناس وسما

الا ان العبأ الاكبر لازال على كاهل الخطوط السعودية

يعني كل الطيارات ملياااااااااااااااااااااااااانة

ويفتحوا رحلات غير مجدولة عشان يستوعبوا اكبر قدر من المسافرين

يعني بالله واحد حاجز من اسبوعين ويجي واحد قبل الرحلة بساعتين

ويقول شوفوا لي مقعد على الطيارة

طيب الوضع ما يسمح الدنيا زحمة والطيارة فل

فين يحطوه طيب على الجناح مثلا والا يطلعوا اللي حاجز من اول ويجلسوه مكانه

يا بنات االلي اشوفه ويشوفونه غيري كثير بعين المنطقية والعقلانية

ان الخطوط السعودية تقوم بواجبها قدر المستطاع

واللي حاصل انها تعاني من ضغط كبيييييييييييييييييير من كثرة المسافرين

رغم كثرة رحلاتها الداخلية والخارجية

بعيد عن العواطف وانو انا انتظرت في المطار يومين ومن هذا الكلام

ليش ما نرتب امورنا ونحجز من بدري ساعتها ما احد رح يذلنا ويقولنا انتظار

واللي تجية سفرية مفاجئة وما حصل مقعد لانه اكيد مافيه مقعد

واللي ايش المصلحة انهم ما يطلعهوكم مادام فيه اماكن فاضية

واكيد هما رح يفتحوا رحلات جديدة بس هل من المنطقي يفكوا رحلة عشان كم راكب

هم اعرف بشغلهم بس اللي حبيت اقوله

اتمنى نكون اكثر تقدير واحترام لمؤسساتنا الوطنية

وما نقلل من جهود هم ابدا لانهم اولا واخيرا يعملون ليل نهار من اجل ابناء هذا الوطن

والسلام عليكم ورحمة الله وبركاته