زوجة سفير :

على فكرة يا قوتشي .. إنت يحبك الله .. بدليل كنت أقوم الليل .. فتذكرتك و دعوت لك أن يرزقك الله ما تتمنينه .. أسأل الله أن يزوجك صالحاً طيباً عفيفاً يليق بك و يوفقكما و يرزقكما الذرية الصالحة .. و كل عام و إنت بخير ..:26:

على فكرة يا قوتشي .. إنت يحبك الله .. بدليل كنت أقوم الليل .. فتذكرتك و دعوت لك أن يرزقك الله...

Lady Iris :

يا كثر (الجميلات) في المنتدى:) قبل ما اتكلم كل عام و أنتوا بخير و عسى الله يتقبل مننا صيامنا الدنيا نصيب... و الأرزاق لما انكتبت علينا... ما اتوزعت بمقياس (هذا حلو و هذا مب حلو) اشكثرهم الجميلات إلي اعرفهم و عاشوا حياتهم بالطول و العرض ما شا الله عليهم وحة اتزوجت مرتين و اطلقت و لين ألحين إلي خذوها يبونها بس هي ما تبيهم! متخيلين! اتزوجت مرتين و اتطلقت مرتين و إلي طلقوها متخبلين عليها لين ألحين... ابدا ما ايخصه الجمال و المظهر الخارجي و بعدين في كلمة أريد أقولها لكل وحدة اتقول (انا حلوة... و الكل يشهد... و و و ) لا تزعلون مني و لا تشيلون في خاطركم عرفت بنات مستوى جمالهم زين.... و احتكيت بأشكال و انواع من البنات... سبحانك يا ربي..... بنات ايعقن الطير من السما.... لكن من عرفتهم... ما قالن... (انا حلوة و فلانه قالت عني أني حلوة ) أو (تعرفون أن الكل متخبل علي؟) تبون الصدق؟ هذيل زادوا على جمالهم جمال ثاني.... بالمقابل عرفت بنات.... من تيلسون عندهم ما يتكلمون إلا عن كيف العالم كله متينن عليهم! و كيف الحسد مقطعنهم و الغيرة ماكلة قلوب البنات! و اذا نبهتوهم.... بيقولون عنكم (غيرانات!) أو (ما عندج ثقة بنفسج) هل في حد يتحمل وجود انسان ما عنده سالفة إلا نفسه و مدى روعته و جماله! الإنسان لما ايكون متعود على وجود خصلة زينة فيه (سواء داخلية أو خارجية) ما بيتكلم عنها:) بيكون شي روتيني عادي جدا و ما بيفتكر فيه.... ----- بالنسبة لمسألة الغرور.... أنا دايما اتعرض لها.... كل إلي عرفوني في البداية اتحروني وحدة مغرورة جدا.... و للعلم.... ترا هالشي (أنا) اتسببت فيه.... أنا إلي عطيت هالإنطباع الخاطئ عني.... اتعودت بعد ما يعرفوني الناس ايوون عندي و ايقولون لي... تعرفين يا آيريس... كنا نتحراج وحدة نفسها خايسة و شايفة نفسج على الآخر... و اكتشفت السبب... نظراتي... ملامحي....الطريقة إلي ابتسم فيها... و غير اني ما اتكلم وايد .... كل هالأشيا أدت لهالإنطباع..... يعني.... شو الأشيا إلي خلت الناس ياخذون عنكم هالإنطباعات؟ راقبوا عماركم و بتعرفون مثل ما انا عرفت:) و بالنسبة للنصيب اكتشفت شي مهم..... ممكن هالشي يوقف النصيب الظلم (على مختلف انواعه لو كلمة قلتيها بدون قصد) رضا الوالدين (هل والديكم راضين عنكم؟ هل انتي عاقة لأمج و أبوج؟ لسانج طويل عليهم؟ راجعي نفسج عدل) المحافظة على الصلاة في وقتها و الخشوع فيها و الصدقات (أنا مجربة هالشي... و الله.... كنت اأخر الصلوات .. لكن بعد ما اتعرضت للمشاكل و اتقربت من ربي.. عرفت كيف هذي الأشيا اتأثر) الدعاء (ما يحتاي اقوللكم عنه....لكنه أمر رئيسي) أنا لين ألحين ما اتزوجت، و العضوات القديمات عارفات قصتي و كيف لما كنت مخطوبة و لما اتفركش كل شي في لمحة عين... كل هذي الأشيا.. أنا اتسببت فيها.... سبحان الله الإبتلاء يربي الإنسان عدل! و أنا اتعلمت الدرس! بعدني أبا الإنسان إلي كان خاطبني... و اباه يرجع يتقدملي.... في شي كبير مخلني متأملة هالشي... هالشي هو الثقة بالله:) ربي رباني قبل ما اتزوج.... لو اتزوجت و انا على هذيك الحالة ما اعتقد أني بصير زوجة ملتزمة.. و أم اتربي عيالها تربية عدلة الحمدلله إلي ابتلاني و فتح عيوني عمري ألحين 28 .... و حاليا ادرس ماستر.... اشغل وقتي لحد ما يرجع الإنسان إلي أباه.... للعلم.... أهلي و اهله يعرفون أن نحن نبا بعض..... لكن العناد! ادعولي ان ربي يجمعني فيه و صدقوني يا بنات.... قبل ما اتقولين (انا حلوة و مالي حظ) شوفي نفسج عدل.... شوفي اخلاقج... شوفي تصرفاتج.... ترا في اشيا احنا انسويها هي إلي اتسببلنا بالمشاكل... الله يعاقبنا بتقصيرنا في حقوقه و حقوق الناس...

يا كثر (الجميلات) في المنتدى:) قبل ما اتكلم كل عام و أنتوا بخير و عسى الله يتقبل مننا...

أم مشبب :

مو كل الحلوات حظهم شين بس انا والحمد لله حلوه ومشكلتي ما تصدقون وهي ان زوجي معترف اني حلوه وانه ما كان يحلم ابدا يتزوج وحده بجمالي ولما تزوج بدل ما يحمد ربي صارت عينه زايغه ويحب يطالع الحريم كثير وخاصه في المجمعات والأسواق صراحه جرحني كثير واهاني في مواقف وهز ثقتي في نفسي وفي الأخير اعترف انه بس حب فضول واستطلاع على الحريم خصوصا الي يتفننون في العبايه والحمد لله هذا الشي الي ما اعرف اكشخ فيه

مو كل الحلوات حظهم شين بس انا والحمد لله حلوه ومشكلتي ما تصدقون وهي ان زوجي معترف اني حلوه وانه...