لماذا الخيانة

السلام عليكم ورحمة الله وبركاته
في موضوع شاغل بالي من اشهر قريب السنة من بعد ما كشفت خيانة زوجي وانه كان يخوني من اول يوم تعرفنا فيه على بعض.

تزوجنا عن حب وما احد غصبنا على هالشي. وهو كان يبدو سعيد جدا ويموت فيني وانا اصغر منه ب 14 سنة.
انا الان سارلي 3 سنوات وشهرين متزوجة وكنت مخطوبة سنة. والان عندي طفل وحامل بالثاني.
كانت حياتنا احلا ما يكون. رمنسية وحب وضحك وكل شي الزوجين يتمنوه. وضحيت بكل شي كرمال اساعده وتكون حياتنا هادئة ومستقرة وهنا اقصد ساعدته بالمال وحتى عملتله اوراق حتى ياخذ اقامة أوروبية لاني لدي جنسية اجنبية. سافرت وحدي لهناك حدا ادبر له كل هذا وعشت وحدي 8 شهور في مكان ما ينعاش فيه وهو معزز مكرم في بيت اهله.
اكيد تقولون غبية ليش تسافرين وحدك هاذا شغل رجال. اه اعرف بس وقتها كنت 18 سنة وما فكرت بهالطريقة. كان همي اني اساعده عشانا نحن الاثنين.
المهم مرت على خير.. بعد اشهر كنت حامل وجبت صبي الحمد لله. ولما كان عمر طفلي 6 اشهر اكتشفت خيانت زوجي.
انا ما زعلانة انه خاني على قد ما انا زعلانة ان من اول يوم عرفني فيه هو يخوني.
يا اخوات ليش ليش ليش؟؟؟ اش السبب انا اش عملت بشو غلطت معاه ؟؟؟
يشهد ربي علي اني ما قصرت معه بشي يطلع الصبح عالشغل انظف البيت كله واطبخ احلا اكل والبس احلا لبس واتمكيج واتعطر. وحتى ابادر مرات كثيرة في غرفة النوم. وهو ما كان يقربلي الا نادرا بس اتحركش فيه انا يقرب علي. ما كنت انتبه لهلشي الى بعد خيانته يعني بعد بسنوات.
ما اعرف ليش؟ الي تعرف بهالموضوع تقلي.
الرجل الي متزوج ولسى زوجته عروس وتلبسله ما يقربلها ؟ يعني مو طبيعي ولا شو؟؟
كنت اقول تعب او شي بس هذا استمر حتى بعد سفره الى اوروبا.
المهم الخيانة انواع عنده ماشالله منها يغازل عالفيس بوك والواتس وحتى اتعرف على وحدة لبنانية ومصورها صود وهيي تدلع قدامه. هو يقول ما في شي بينع وبينها بس طلبت يصورها هي اصلا متزوجة.
ويشكي ويبكي لبنت وحتى يكتبلها انه مطلق وما عند ولد. يعني محى ابنه وهو لسى عمره اشهر.
واشيا كثيرة حتى مدخل واحد وسخ من اصحابه على بيتي وقاعدين يشوفو افلام اباحية استغفر الله.
والي تسال كيف عرفت ان من وقت ما تعرفت عايه لان في رسايل من زاك التاريخ وقبل.
وافلكم هو الي يدور عبنات عالفيس كاتب لكتير بنات غزل وادي هي مثيرة وعيونها حلوين ومن هالكلام ويبعتلهم ايمله ورقم تلفونه.

واجهته طبعا وطعا زي اغلب الرجال ينكر وما في بيني وبينهم شي وكنت بس اتسلا وليش مكبرا الموضوع وحتى انه تمادى وضربني كفين على وجهي لاول مرة من زواجنا.
طبعا سار البيت جحيم وطلبت الطلاق وطبعا هو رفض. طلبت الطلاق مش بس عشان الخيانة اشيا كثيرة ثانية بس الخيانة زي ما يقولو القشة الي كسرت ظهر البعير.
ضلينا مشاكل حوالي 5 اشهر كل يوم وطبعا صابني حالة نفسية سار جسمي بارد وارجف ويعني الي سار لها مثلي تعرف ما عاد اتحمل منه شي واقرف منه ولا طايقة اشوف وجهه.

يالي ضحيت عشانك عحساب نفسي وتعبي وقهري وانا لسى باول شبابي يلي عاملتك كما يرضي كبي ولبيلك الي تريد. يلي كنت اتعب حتى تعيش حياة كريمة وانتبهو لهالنقطة . اجا لهنا اشتغلت انا وكنت باول حملي وهو ياخذ مساعدات من الدولة.
وبعد كل هذا تخوني؟؟؟

دايما ابحث عن سبب. ادخل المنتديات واشوف الي خانها زوجها ليش خانها.
الي تقول خاني بعد ما كبرت الي تقول ما كنت اهتم فيه والي والي.. طبعا هذا ليس بعذر ابدا!!!
لكني اريد سبب!!!
ليش ليش.
الان بعد سنة تقريباً لازلت اعيش معه اول لان لا اهل لي وثاني شي عندي ولد. لكن لم اعد احبه او اثق فيه ابدا اقرف منه بس ما ابين هذا الشي.
اعاشره كما يرضي ربي.
وهو طبعا وكن شي لم يكن. يقلي انتي تموتي فيني ويضحك. اقلكم نسى كل شي وانا بيني وبين نفسي اتحسر واحاول الاقي سبب يشفع له لو شوي لاكن ما في.

والسلام عليكم ورحمة الله وبركاته