السلام عليكم ورحمة الله وبركاته
أخواتي كنت ساكنه في قريه قبل سنوات وكان من شبابها مروج مخدرات ومدمن شاب واحد فقط في قريه عدد سكانها ليس بالقليل والكل تاركه على راحته يسرح ويمرح زي ما يبغى والكل يقول مالي دخل فيه ونستر عليه بكره يتوب ويصير رجااال ومالنا غير الصبر وهذا حال الدنيا ومن يبي يسمع لنا اذا بلغنا عنه يمكن نروح فيها حنا00000الخ بعد سنوات معدودة مافيه بيت في هذي القريه الا وتلاقون فيه مدمن والبيت السعيد اللي مافيه الا مدمن واحد بعض البيوت كل شبابها مدمنين ومن سن المتوسط معظمهم والأب على رأس القائمه والله المستعان والحين الكل يصيح يقول عيالي ضاعوا لكن بعد مافات الفوت ما ينفع الصوت والسبب معروف الصبر اللي في غير محله والتخاذل والامبالاه والستر او بالأصح التستر واللي قالوا عنه بكره يتوب ويصير رجال انتحرررررر وبعده انتحرشاب ثاني وبنفس الطريقه والله المستعان 00000أنا ما أنكر هذا قدر الله لكن بالله ما كان أسهل عليهم يبترون العضو المصاب بالسرطان قبل لا ينتشر السرطان في المجتمع كله ؟؟؟؟؟؟؟
هذي مو قصه من الخيال انا عشت احداثها بنفسي وأخوي احد الضحايا وأخو صديقتي الشاب الثاني اللي انتحر الله يهدي شباب المسلمين مجتمعنا السلبي للغايه هو اللي خلاني اكتب هذي القصه وفي هذا المنتدى بالذات وجدت نفس الاسباب الواهيه باسم الصبر وباسم الستر نترك السرطان يكبر ويقضي على الجسد كله000في موضوع الاخت ( اخت القمر2) بعض الاخوات تقول لا تفضحين البنت استري عليها 000بالله عليكم كيف استر على وحدة ما سترت على نفسها وحدة متزوجه وعندها ولد وترسل صورها عريانه لرجل اجنبي وفي نهار رمضان هذي في نظري مسرطنه بالكامل مالها الا البتر ولا اقصد به نشر صورها في الانترنت والبلوتوث لان هذا افساد وليس اصلاح لكن ابلاغ الهيئة بيوقفها عند حدها هذا رأيي000000واللي تقول مالك شغل في البنت انتي مشكلتك زوجك وبس 00سبحان الله القضيه فيها طرفين لازم نوقف كل واحد عند حده وبالطريقه اللي تناسبه زوجها عندها في البيت تقدر تحتويه تنصحه تعاقبه تهجرة تبلغ عنه المهم انه قريب منها اما تلك السافله كيف تنصحها كيف تعاقبها تتصل عليها تقول انا زوجة فلان ابعدي عنه (تضحكني هذي الطريقه )وحدة زي هذي بتسمع كلامها الحل الوحيد انها تبلغ ولي امرها او الهيئة تتصرف معاها لكن السكوت لا وألف لا0000 ولوفرضنا جدلا انها بعدت عنه اكيد اذا ما تابت بتدور غيره وبتجر وراها شباب وبنات الى طريق الشيطان السلبيه والسكوت وفهم الصبر غلط وفهم الستر غلط هو اللي خلا هذي الاشكال تكثر في مجتمعنا
سؤالي هل الأمر بالمعروف والنهي عن المنكر مهمة الهيئه فقط؟؟؟؟؟؟؟؟اذا كان الجواب نعم كيف تقدر الهيئه تقوم بواجبها اذا ما ساعدناها؟؟؟؟؟؟كيف تضمنون هذي الاشكال لو بعدت عن زوج الاخت انها ما توصل لأخوانكم او أزواجكم او أبناؤكم وبناتكم ؟؟؟؟؟؟؟؟؟؟؟هل الصبر يعني التخاذل ؟؟؟؟؟؟؟؟ هل الستر يعني السكوت ؟؟؟؟؟؟؟؟أخذت قضية الأخت (اخت القمر 2) مثال فقط لكن المنتدى مليان من الخيانات الزوجيه وهذا دليل على كلامي انه البتر او المواجهه والاصلاح هي الحل الوحيد اما السلبيه الزايدة والخوف من المواجهه بتزيد الوضع سوء
في الحالات المرضيه بهذا المرض الخبيث اعاذنا الله واياكم منه وشفى مرضى المسلمين يحاربونه بكل وسيلة بالحبوب بالكيماوي بالبتر لكن السرطان الاجتماعي نستر عليه عشان السمعه ما ترووح
لا تقولون حرام عليك تبين تفضحين الناس 0000هذي السافله ما احد جاها وطلعها من بيتها واجبرها على اللي تسويه والسبب مهب الفراغ العاطفي اللي صاير مثل الشماعه تعلقون كل شيء عليه السبب فراغ ديني بالدرجه الاولى وفراغ عقلي وفراغ اجتماعي وبالاخير الفراغ العاطفي 0000هل الفقر سبب
لتحليل السرقه او سبب لالتماس العذر للسارق وتخفيف الحكم 000قيسوا عليه هذي الحاله واحكموا بأنفسكم0000 ولو فرضت معكم انه الرجل هو اللي جرها لهذا الشيء وهو اللي عاكسها وماسك عليها شيء وذالها فيه ماراح يبرر لها خطأها في الرد على رجل اجنبي وارخاص الشرف له 000واللي ترد ياليت تقول كم مرة جاها اتصال من شاب ورسائل وحب وكذب وش كانت ردة فعلها وياترى ما كان عندها مشاكل في البيت ما عندها فراغ عاطفي (تقهرني هذي الكلمه زادت عن حدها مرررررة)اللي عندها هذا الفراغ تدور عليه في قلب امها وأبوها وأخوانها وأقاربها وصديقاتها ومعلماتها واذا مالقته تسأل الله من فضله لكن تدور عليه بقلب رجل اجنبي وبعدين تقول خدعني يمكن اللي قبل برجس انخدعوا لكن بعده مستحيييييييييل الا وحدة عندها تخلف عقلي مزمن وميؤس منه!!!!!!!!!!!
أعتذر لأختي اخت القمر 2 ان وجدت في كلامي ما يجرحها واسأل الله ان يصلح احوالها ويهدي زوجها وينصرها نصرا مؤزرا انه ولي ذلك والقادر عليه والله يهدي شباب المسلمين ويحفظ للمسلمات أزواجهن وأبنائهن0000لدي الكثير والكثير وكان بودي اكتب بلغة العتبان حتى تبرد النار التي في قلبي قليلا لكن 0000000ويبقى السؤال000 لماذا السكوت عن السرطان؟؟؟؟؟؟؟ أرجو الاجابه وأطلب المناقشه الجادة
كتبت ما كتبت ان أخطأت فمن نفسي والشيطان وان أصابت فمن الله وحده لا شريك له والسلام عليكم ورحمة الله وبركاته
شروق العتيبي @shrok_alaatyby
عضوة جديدة
يلزم عليك تسجيل الدخول أولًا لكتابة تعليق.
مليحه
•
ياشيخه كلامك درر ......... وقصة الاخت اللي في المنتدى اغلب الاراء بصراحه سلبيه لذلك نصحتها على طول بمستشاره بمثل هذي الامور الدكتوره ناعمه الهاشمي بعد الاتكال على الله وماحبيت اكثر عليها اله يعينها
اما السلبيه بمجتمعنا فسببها اولا الخوف من الاثار الرجعيه لاي قرار
والحل تفعيل قضية الوضوح والمجاهره بالحق
ثانيا تربيتنا اللي فيها شي مبهم كل شي لاحد يدري لاحد يسمع استرو عليه او عليها
لذلك هذي برضه سبب مهم
وجزاك الله خير على هذا الموضوع
اما السلبيه بمجتمعنا فسببها اولا الخوف من الاثار الرجعيه لاي قرار
والحل تفعيل قضية الوضوح والمجاهره بالحق
ثانيا تربيتنا اللي فيها شي مبهم كل شي لاحد يدري لاحد يسمع استرو عليه او عليها
لذلك هذي برضه سبب مهم
وجزاك الله خير على هذا الموضوع
أختي ام عبود وانتي الصادقه اهم شيء اسم القبيله يفزعون له عشان القبيله بس حتى لو كان سافل
أختي مليحه جبتيها على الجرح التربيه من يوم وعينا على الدنيا ما نعرف الا اسكتوا استروا عليه
لا احد يدري 000000الخ والله المستعان
مشكورات على المشاركه
أختي مليحه جبتيها على الجرح التربيه من يوم وعينا على الدنيا ما نعرف الا اسكتوا استروا عليه
لا احد يدري 000000الخ والله المستعان
مشكورات على المشاركه
الصفحة الأخيرة
هذى مشكلتنا .. ندافع .. ونتستر على الضايع .. لين نضيع كلنا
(( رجال .. مايعيبه شى .. بكره يتعدل .. وينصلح حاله .. ادعوله .. هذى ولدنا ))
ماقلنا شى .. بس حلوووووا الموضوع .. موتتركونه لين يعم الفساد ..
عقليتنا لحد الحين تحت الحظيظ .. من القبليه والفزعه الزايده .. الله يصلح الحال