لا قونا فكرتني بالذي مضى ..وربي دحين مرتاحة ماجنبي احد يعرف عربي ولا اظن في مسلميين في السكن..

كانو حولي عرب وبعضهم طلعو لي نخلة في راسي وربي..

اسوأ شي عني احد ينط لي بدون موعد ..وهدول الاقيهم ورايا في المطبخ ..مافي دق باب ولا شي ..لقت الباب مفتوح توكلت .

والا تجيني في رمضان قبل المغرب تغلس علي وكمان تسأ ايش طريقة السمبوسك ..يا اختي روحي سوي فطوركم.بلا غلاسة..

ودحين قال ايش يسألوني ماعندك جيران؟ لا والله كدا مرتاحة .. الله يخلي الانترنت والتلفون .بلا وجع قلب.

اختى حمرة الورد صااااااااااادقة والله بلا هم بلا قرف
جمعاتهم كلها فلانة قالت وعلانة سوت يخلوكي تاخذي معاهم ذنووووب
غير كدا انتي ترجعي البيت محرووووووقة من كلمة فلانه ولا حركاتها وطووووووول الوقت اقعد اقول ما ادري ليش فلانه قالت وايش قصدها وطبعا هادا كله غيبة وكلام فاضي.
الواحد يقفل بابه ويفصل تلفونه احسن له ....... اهم شئ نقوم بالواجب معاهم وما نغلط على احد ونتواصل معاهم كل فترة والتانية والحمد لله

الله يعين ياشيخة ..انا خلاص لي تقريبا سنتين ماسكة بيتي ومريحة الناس ومريحة نفسي ..
شكلك زيي من الحجاز؟ وليش سهرانة والا توقيتكم غربي؟ اما لقافة صحيح

تصبحي على خير ياعسل

شكرا لكم خواتي لردودكم الكريمه و الله ريحتوني كنت متضايقه لان شعور الوحده جنني طوال النهار بالبيت وحدي لولا ابني و الدراسه بالمراسله لانجنيت و لولاكم يا اعز الاخوات لاصابتني الكابه انتم اهلي و الحمد لله و سبحان الله اعتبر الغربه ابتلاء الله يقوينا كلنا انشاء الله و يبعد عنا الشر و الغيره اميين

وعليكم السلام ورحمة الله وبركاته
اختي....
مثل ماقالوا الاخوات لاتزعلي نفسك ولا تاخذي في خاطرك وما دام انك نازله بعد
شهر ليش مهتمه.......
وفي شي ثاني دايما عشان ترتاحي خذيها قاعده انك تلتمسي الاعذرار لغيرك
يعني احمل اخاك المسلم على سبعين محمل بما معناه
وصدقيني انك بترتاحي......


حمرة الورد ولا قونا بيتش

اجل رايكم انها راحة ان ما جنبك احد :( :06:
بس صدقوني ماجربتوا الوحده تراها تقتل وخصوصا اذا كان لك فترة طويلة في المكان
ومحد جنبك ....... :06: :06:
بس يمكن خيرة من ربنا...... الحمد لله على كل حال
بس الحمد لله هانت كلها 5 شهور ونخلص ونرتاح عقبال الكل يارب :)