لماذا بعض الناس يرفض النصيحة

السلام عليكم ورحمة الله

يا حياك الله يا رفيقة
بصراحة عدم تقبل النصح له عدة اسباب

أحدهم يتحجج بأسلوب الناصح
و آخر بوقت النصح و مكان النصح
كمن يفعل أمام الملأ فيتحرج و يراها
فضيحة
مع انه من أخطأ على الملأ ينصح على الملأ هذا كلام العلماء الثقات

و أحدهم تأخذه العزة و الكبرياء
و يرى نفسه لا يخطئ
و آخر حتى و لو أخطأ لا يحب احدا ينصحه و هذا النوع على الاغلب نجده
تبيع لكل شيء إلا نصيحة الشرع يتعالى عليها لأنه كله معاصي و مجاهر بها
و هذا الصنف موجود بكثرة
يتقبل نصيحة من كافر و لا يتقبلها من مسلم نسأل الله السلامة


و هناك من لا يقبل النصيحة لانه يشعر
بالنقص و أن ناصحه هو افضل منه
فيرفضها رفضا تاما

و بالاخير لا خير في قوم لا يتناصحون
و لا يقبلون النصح

باركك الرحمن و نفع بك

يمكن يكون بسبب اسلوب الشخص الي نصح او انه الشخص ما يتقبل النصيحه ويشوف نفسه هو الصح ومستحيل يسوي شي غلط

هذا الموضوع اتذكر سبق انفتح وناقشناه
وسبق قلت و اعيد انا من الناس اللي ما اتقبل النصيحه اذا ما طلبت المساعده من احد
اعتبره تطفل وتدخل في حياتي الشخصيه اللي ما تعنيهم ولا تخصهم بشي
واذا راح ينقال عني متكبره ما يهمني لان محد راح يعيش حياتي نيابة عني ولا انا راح اعيش حياتهم
واذا الموضوع فيه تكبر واستعلاء اشوفه من الشخص اللي ماخذ دور الناصح من قوة التعالي والتآله على الخالق عز وجل وبلا وعي منه ينتظر من البشر تقدم له الطاعه والانقياد هذا هو التعالي والتكبر الصحيح مو الطرف الثاني اللي عايش بشريته الطبيعيه كأنسان معرض للزلات والهفوات وليس ملاك
والشي المهم اللي اتوقع الغالبيه يتفق عليه ان محد يتقبل الاسلوب السيء ولا التشهير قدام الناس بحجة النصيحه هذي اسمها قلة ادب
هذا غير النوع ال🐍🐍🐍 اللي يسوي نفسه ينصح وربك وحده بس يعلم بنواياه النتنه يعني يتعمد يعري الشخص قدام الناس عشان يحرجه وينتقم منه واذا ربي حطه مع شخص يعلمه حجمه ويرد عليه يتبكبك ويسوي نفسه بريء مسكين
فلا تلومين الناس اذا حطو حد للمتطفلين وقليلين الادب
وختاماً انا مع فكرة التذكير بالخير وضد فكرة التدخل في حياة الاخرين وخياراتهم الشخصيه .

أنا مااحب احد ينصحني
ولا احب انصح احد إذا ماطلب
لا أنا صغيرة ولا هم صغار
كلنا نعرف الصح من الغلط
وانا اعرف اللي يناسب حياتي
واي شي أسويه أسويه وانا عارفة وش عواقبه ونتايجه
فليه التدخل في شي مايخصك لامن قريب ولا من بعيد

ارفض لأن مالهم دخل لو طلبتها ايوه هنا عادي لكن ما طلبت ويتفلسفون فوق راسي ردي يكون محد سألك واعطيهم تشميقه ع الماشي ..