لان بعض الزوجات تخاف من المشاكل اللي صرنا نسمعها من يوم تملك البنت ترى اهل الزوج وأهل الزوج وحمواتك بكره يسون ويغارن وأم الرجال تبي ولدها تحت طوعها ومايخبي شي بصراااااحه ملينا الى متى وهالقصص وسالفه الزوجه وخوات الزوج انا مانكر فيه اهل زوج اللهم ياكافي وفيه بعد ناس تنحط على الجرح يبرى مب كل شي نسمعه معناته ينطبق على حياتنا وفيه زوجات اقرب من اخت وفيه اللي من تدخل البيت جايه بشرها ماتبي الرجال يطلع منه خير لاهله تبيه كله لها خير ان شاء الله سلامات ترى هم اهله قبل تاخذينه والغيره موجوده في كل حرمه لاتجيني وحده تقول لا مااغار. لافيك غيره بس اللي للحين ماغارت ماجى الموقف اللي يطلعها😁😁كلن يراعي الله في تصرفاته ويعامل الناس مثل مايحب انهم يعاملوه وانا اشوف ان الزوجه هي اللي تحمل نصف الموضوع لان بطريقتها واسلوبها بعد الله تأسس بيتها ياعلى تعاسه او سعاده حتى لو كان اهل الزوج يطلع منهم مايضايقها اسلوبها هو اللي يجبرهم على احترامها حتى لو ماحبوها وشي طبيعي صراحه انهم يتحسسون لانهم في اعتقادهم انها بتغير ولدهم والزوجه عندها نفس الإحساس ان امه وخواته يملون راسه عليها ًوالرجال مريحين روسهم وماشين على اللي يبونه هم ويريحهم وهن الضعيفات ياكلن في بعضهن


اللهم ارزقني رزق النعاب في عشه

نفسي نفسي ومنى عيني اسمع وحده لو وحده بس تقول اهل زوجي مثل أهلي وعايشين بسلام ومتفاهمين ونفس الشي الحموات قسم بالله اني تعقدت من ذي السالفه أحس اللي تزوج داخله حرب مب زواج اعوذ بالله وش هذا


اللهم ارزقني رزق النعاب في عشه

حمولتي ماجاء منهم شر يارب لك الحمد .. ويحاولون بقدر المستطاع اني أخلي البساط أحمدي 😟 يبون يشيلون الكلافة وأنا ماودي .. رسميه معهم .. حبوبين ماأظلمهم بس طبعهم اذا طيحوا الميانة خلاص يحومون الكبد 😭 .. انا كذا مرتاحة .. هم تحتي ساكنين .. اول زواجي شبه يومي مجبره أنزل لهم بأوامر من الباشا .. والحين كل اسبوع او اسبوعين أنزل .. مرة اسوي عشاي وأنزل ومرة حلى وفطاير .. تنويع .. وكذا مرتاحة .. بنتي الكبيرة يوميا تنزل العصر وبعد صلاة العشاء ماودي أحرم الجدة ماتشوف حفيدته خليها توسع صدره .. والصغيره لا كل يومين او ثلاثه ينزلها زوجي شوي ويجيبه ..

انا اتمنى اكون ان واهم نفس الاخوات بالضبط ودي والله اتمنى من قلبي بس للاسف احسه مستحيل لان اي كلمة اقولها تتفسر غلط ودايما عتدهم سوء الظن فيه فصعبة نكون مترابطين جدا لازم يون فية رسمية رغم اني اجتماعيه ماشاء الله ومن اول مرة اقابل فيها الوحدة نصير صديقات بسسسس الدنيا حظوظ

الناس عادات وتقاليد وهذا إلي يفرق بين العلاقات بين زوجة الأخو والأخوات وأهله
شئ طبيعي هي متعودة على شئ وإذا لغت الرسمية راح تتضايق من طريقة حياتكم>> إلي هي غير عنها
وإنتو بعد بتتضايقون من طريقة حياتها>> إلي هي غير عنكم
فتكون رسمية أحسن لا هي تتضايق منكم ولا إنتم تتضايقون منها