يا اختي لا جرحتيني ولا شي انا خالي وفي من اهلي متزوجين هنديات مو اندونيسيات بعد مااشوف فيها شي صراحه وعيالهم ماشالله عايشين احسن عيشه لحد غلط فيهم ولا قالهم شي والشكل لمن يكونون صغار يكونون نفس امهم بعدين يتغيرون لا عقد نفسيه ولا هم يحزنون وايد مكبرين الموضوع انتوا وكلام الرسول على عيني وراسي ولكن اسمها ارد واقول نصيب وكل شي مقسم على بني ادم الرزق سواء زواج او مال او عيال او او ومحد يلقي بنفسه للتهلكه اهو تزوج وهذا شرع وحلال اشكثر متزوجين من بره شنو المشكله ماادري صراحه انااعرف فلبينيات اشكثر متزوجين كويتيين وعادي ماشيه حياتهم ولا هم متعقدين ولا شي بالعكس منفتحين تفكيريا يعني ماعندهم عقد للشعب الثاني اللي منهم احد والدينهم وعندنا ناس متزوجين امريكيين بعد مسلمين اصلا مافي مشكله غير في عقول الناس واسمحيلي بس وايد كبرتوا الموضوع وهو مو مستاهل والسالفه بالاخير ليش تزوج هالاندونيسيه وماتزوج بنت ديرته هذا اللي يحز في نفس الكل من اللي ردت علىالموضوع معني انااشوفها عاديه واخوي متزوج بريطانيه ولو بيتزوج هنديه مابقول لا اهو اللي اختار وحياته الخاصه هذي وكل انسان يتحمل اخيتاره المهم حلال وشرع اهنيه التفكير وبنت البلد تتزوج انشالله كلمن ياخذ نصيبه مااشوف فيها تهلكه انا بالعكس اصلا من زواج المسلمين بهالاندونيسيات وغيرهم في ناس وايد اسلمت على ايدهم اهي واهلها فكروا بالجانب الايجابي قبل اي شي ثاني وبعدين اكيد بيسال عنها قبل لا يتزوجها شنو مقطوعه من شجره اهي
وشكراااااااااااااااااااا

ومابزعل لو كانت امي هنديه اهي امي سواء هنديه او اللي تكون دامها ربتني اشيلها فوق راسي واعرف بنات امهاتهم بعد من جنسيات هالدول مااشوف لهم عادات موزينه او شي اهي الموضوع على التربيه سواء تزوج مواطنه او غيرها والعرق دساس اذا كانت المره فيها من الاصل شي موزين يعني مانربط الجنسيه بشي موزين على اساس انها مو مواطنه خلاص موسنعه وعرقها دساس ترا وايد مواطنات هم موسنعات الحين يعني فيه الشين وفيه الزين

بعدين الحين الناس تتزوج اوروبيات انتي تقولين عن لهنود والاندونيسيات اغلب الشعب العربي متزوج من دول مختلفه يعني محد قام يفكر بهالامور الحين الا قله عادي تيك ات ايزي كل انسان حر يتزوج اللي يبي

والشغل مافيه عيب شنو حرام تشتغل خدامه لولا الدنيا وصلتها لهالشي ماكانت اشتغلت خدامه على الاقل عملها شريف تاكل من عرق جبينها لا تطالعون الناس بهالنظره الدونيه عشان شغاله احتقرها وحتى الزواج من ريال احرمها عليه ليش مو بني ادم اهي حطي نفسج بمكانها لو كنتي مكانها شريفه عفيفه ويايه تترزقين الله تشتغلين شغاله واحد طلبج للزواج ترفظين ؟
يعني ابن البلد لازم يتزوج من بنت البلد والا مايصير؟ والا حرام يتزوج من بره ديرته الحين البنات يتزوجون من بره امريكيين مسلمين وغيرهم مسلمين يت على الريال

تخيروا لنظفكم هذي ماتنقال باي مكان تنقال للمره اللي موسنعه مو للمره اللي شريفه عفيفه
وبعدين المواطنات اللي مافيهم عرق دساس !!!!!!!!!! كل مكان فيه الشين وفيه الزين لاتاخذون الامور على جنسية الانسانه
ترا فينا وفيكم الخبيث والطيب سلاااااااااااااااااااااااااااااااااام

أنا من راي الأخت كويتية عسل ...
لكن مو في كل نقطة ..
احنا ما نعيب على انسانة بسبب جنسيتها ..

ونا ...........

قهري مو من جنسيتها ,,
قهري من أن الرجال يتسلون فيهم و يرمونهم ...

خافوا ربكم بكرة يصير في بناتكم و خواتكم ..


أما بالنسبة للزواج من الخارج فيه سلبيات كثيييييييرة .. وأنا بنفسي كنت مدرسة وشفت المعاير بين الطالبات والعقد النفسية ووووو .. بخلاف ان اللغة تأثر على دراستهم .. و حياتهم تكون خليط من عدة ثقافات وعادات ..
حلاة الثوب رقعته منه وفيه .