لماذا تقل حركة الجنين ؟؟

ثاني موضوع تنزلينه عن الحركة !
ليش الخوف دام كل شي طبيعي
انا مالومج لاني مثلج و صارلي اسبوع الحركة خفيفة .... و خايفة موت
بس متوكلة على ربي لاني بجر و ماعرف شو السالفة فأتفاءل باستمرار
أقول اكيد الجنين أكبر الحينه و المساحة ضيقة علشان جيه الحركات خفيفة
لا تخافين يا أختي ترا كلنا نفس الشي .... بعد ماكانت الحركة ماشاء الله تبارك الرحمن
صارت خفيفة و ما احس فيها وايد
اهم شي لا تتوسوسين و لا تخافين
و توكلي على ربج ...... و ان شاء الله رب العالمين ما بيخيب ظنج عزيزتي .....
ادعي لجنينج بالسلامة و العافية في كل صلاة ...... و ياربي تشوفينه قريب في حضنج و هو سالم و معافى ..... انتي و انا و جميع الحوامل يااااارب

هلا حبيبتي والله الحال من بعضه أنا قبل أسبوع صارلي نفس الشيء والله قلبي كان بيوقف من الخوف بس الحمدلله كل شيء رجع طبيعي وقلت خل اسير العيادة اتطمن أكثر ولمن سألت دكتورتي قالت لي كل شيء طبيعي بس مرات البيبي يكون صاحي طول الليل وانتي نايمة ماتحسين به لذلك يظل طول النهار نايم أو كسول..
وبعدها بفترة تكرر نفس الشيء بس قلت بشيل الوسواس من راسي وأتوكل على الله ولاني بكر و ماعرف شو السالفة فقلت راح أسأل كل اللي حملوا وطمنوني بالخير ..
وثانياً شرات ماقالت الأخت "الجوهرة" إن الجنين أكبر الحينه و المساحة ضيقة علشان جيه الحركات خفيفة..

لا تخافين يا أختي ترا كلنا نفس الشي .... بعد ماكانت الحركة ماشاء الله تبارك الرحمن
صارت خفيفة و ما احس فيها وايد
وشرات ماقالت "الجوهرة" توكلي على ربج ...... و ان شاء الله رب العالمين ما بيخيب ظنج عزيزتي .....
وادعي لجنينج بالسلامة و العافية في كل صلاة ...... و ياربي تشوفينه قريب في حضنج و هو سالم و معافى ..... انتي و انا و جميع الحوامل يااااارب..


بس والله ياأختي نصيحة لا تقعدي تتكلمي عن الجنين وحركاته جدام كل حد لني أذكر مرة كنت اتكلم ويا بنات حوامل عن حركة الجنين ومتى بدت وكم حركة باليوم ولني بكر وهذا أول بيبي لي كنت وايد مستانسة وأتكلم وأطلع اللي بخاطري والله ماأشوف إلا ثاني يوم الحركة قلت وطلعت روحي من الخوف صحيح ان البنات اللي كنت اتكلم وياهم حوامل بس العين حق ومايحسد المال إلا أصحابه علشان جي ماصرت أتكلم عن البيبي حتى في المنتدى سواء عن الحركة أو الجنس ولد أو بنت أو أي شيء يخصه شخصياً تجنباً لأي مشاكل جعل ربي يحفظ لنا أجنتنا على خير ونشوفهم بالسلامة كاملي الخلقة والخلق اللهم آمين..

حتى أنا أهتم من الحركة
لين أولد .

والله اشوف الامر عادي لان الجنين اغلب وقته نايم

حتى إذا انولد تحصلينه طول اليوم نااايم

هدا شي طبيعي ,, لا تحاتين وايد
الله يصبرنا لين الولاده