لماذا قست القلوب على بعضها؟قصتي و ولدي

السلام عليكم ورحمة الله وبركاته 
مساكم الله بالخير 

اتسأل دايما ليش الواحد يقسى على اللي حواليه بالاسلوب السئ بالكلام 
ترا له وقعه واثره على الواحد مهما اظهر انه مو مهتم 
قصتي يمكن تحسونها بسيطه لكن يشهد الله اني في كرب وضيق وهم 
مااطول عليكم ،،،،،،،،،، 
عندي ولد عمره سنتين وتسعة شهور الحمد لله كنت اشوفه طبيعي جدا ومثل كل الاولاد 
لكن كلام الناس مايرحم 
لانه الى الان مايتكلم ولا كلمه الا ماماه وبابا 
فكل ماطلعت مع احد او في جمعه مسكوني الناس بالاسئله عن تاريخه المرضي وكل تفاصيل حياته 
احيانا اشوف معهم حق انه شكله كبير واذا تكلم كلامه مبهم ولا كلمه صح 
راجعت الان اطباء وباقي في المواعيد 

لكن الناس ماتركتني في حالي 
مايقولون ليش مايتكلم وبس لاااااا يقولونها بضحكه كأن قلبي حجر 
طبعا هذي الناس المؤدبه 
لان فيه ناس تجيك مسويه فاهمه وتجيب لي امراض يقشعر منها البدن ليكون فيه توحد او تاخر نمو او او او او 
قدامهم اسوي قويه وارد عليهم بقوة 
لكن من اقفي منهم امسح دمعتي واضم ولدي واتعوذ بالله منهم ومن اللي يقولونه 
جرحني كلامهم والى الان في مواعيد مع الاطباء ولا اكتشفو ايش فيه 
ماادري من افضفض له كاتمه بقلبي ولا شكيت لاحد الا لكم 

ودي اعرف قلوبهم من اي نوع ، ليش يحبون يحطمون الواحد ، ليش يتعمدون يجرحون 
سارو يحبون مصيبة غيرهم 
واللي زادني قهر انهم اقاربي بعد ووغيرهم بس البعيد ماعلي منه 
اليوم موعد ولدي وحولنا الطبيب على فحص السمع عشان يتاكدون منه ثم يبدون اجراءات العلاج 
اااااه مااقساها من لحظات ، خانقتني العبره وماادري اش اسوي 
لان طول الوقت كلام الناس يرن في اذني 
عذرا على الاطاله. بس مالقيت احد احكي له الا انتم ولاني ادري ان فيكم خير ومابتعيبون على ولدي 
توكلت على الله وفوضت امري اليه 
الله لا يريكم مكروه