لماذا نحن العرب لا نتكلم بلغتنا

فعلا كلامك صحيح
وابشرك توني متوظفه في معهد وظيفه تمشي الحال حاطيني صفر على الشمال وشكلهم بيفصلوني قرريب :( لان شهادتي من هنا مايكلمون الا اللي ابتعثت او تعرف لغات طيب وش ذنبي انا ماعرف لغات وقدراتي على قدي والمشكله بدون راتب فتره تجريبيه لمده شهرين !
لاني انا صارحتهم وقلت انا حاسه اني صفر على الشمال ممكن اعرف وش يفرقني عن البنات جتني وحده الله يجزاها خير وقالتلي والله يا اختي المعهد هذا واغلب القطاع الخاص مايقدر اللي متخرجه من جامعات هنا يقدرون المبتعثه او اللي عندها لغات وقالت لاتتحسين مشي نفسك دامك محتاجه الوظيفه .:(
___
لا اله الا الله

تساؤل رائع رغم الالم الذي احتواه
سأرد على عجل ربما اعود للموضوع ثانية
المسألة يا اختي لم تعد متوقفة على عدم الحديث بلغتنا فقط بل تعدتها الى امور ادنى واعلى منها بكثير
فالموضوع كبير ومتفرع
نحن العرب لدينا عقدة الدونية .. نشعر اننا اقل من غيرنا ممن فاقونا تقدماً وعلماً وتطوراً
وهذه هي الحقيقة والتي صنعناها بانفسنا لاسباب لامجال لذكرها الان
ولاعجب ان تطال هذه الدونية اللغة ايضا
اجمالاً اصبح الكثير يتباهى بالحديث بلغات اخرى ظناً منه انه بتصرفه هذا يحاكي تطور شعوب تلك اللغات
والبعض اصبح يخجل من كونه عربي حتى ،
نسئل الله ان يصلح حالنا .. ويعلي قدر المسلمين والعرب ..
وعلى اية حال فقرآننا -وهو اصدق الكتب- قد منح لغتنا العربية شرفاً ورفعة ..ويكفيها هذا .

فعلا شي يقهر حنا بدوله عربيه ليش ماتكون تعاملاتنا وكل حاجه تخصنا بالعربي وكله كوم وتقرير المستشفيات كوم ثاني يكتب التقرير بالانجليزي والا نتايج تحاليل اللي بالتفصيل كله انجليزي لازم تروحين لدكتوره تشرحلك ايش مكتوب ومعظم الوظايف بالقطاع الخاص لازم شهادة انجليزي

صحيح وحتا اسامي المحلات الكثير منها اسم غير عربي ليه مانسميها باسامي عربيه محافظة للهويه بس خلواكم من كلمة اجنبي لكن الي تكسر كلامها ويعدلون ف اللهجات مثل عادي صارت عاتي :what:يعنني متحضره ورقيقه وهاي وباي مااقول حرررام مدري عن حكمها بس ليه مانقول السلام عليكم مرحبا وعند الانصراف بحفظ الله او مع السلامه والا الاطفال الي معلمينهم عمو ،خالو،جدو ،بابا،وش فيها عمي ،خالي ،جدي ،والدي

البعض يضيف كلمات انجليزية على كلامه على إنه تطور مع إنهم في الانجليزي ميييح😂😂
بس حافظين كم كلمة ويرددوها،
أنا أشوف اللغة العربية أقوى لغة في العالم وأجزل لغة، مثلاً في اللغة الانجليزية لازم نساعد اللغة بحركة اليدين مثلاً..باي لازم نأشر باليد وهكذا وهذا يدل على ضعف اللغة عندهم. طلعت من الموضوع بس والله أنقهر من العرب وهم في بلدهم ويدخلوا كلمات اجنبية على لغتهم لقلة الثقة والفخر.