ما أشوف أحد يسفه أي من الطرفين لا ربات البيوت ولا الموظفات
كل وحدة وظروفها وطموحها واللي يريحها ولكن أننا نحترم الموظفة ونحتقر ربة البيت ؟؟؟!!!!
هذا اللي أول مرة أسمع به !!!!ليش يقللون من شأنها ؟؟؟!!!

الإحترام والتقدير يكون للشخص العاقل والخلوق وصاحب الدين الحقيقي مو دين مظاهر وبس
وحسن الخلق من أهم أسباب دخولنا الجنة مو الوظيفة ولا الشهادة
وأهم شيئ التواضع التواضع من تواضع لله رفعه
لأنه اشوف هنا البعض أقول البعض للأسف أسلوبهم فيه تكبر وإحتقار لربات البيوت ؟؟!!!
ونسييوا أن التعالي والتكبر من صفات المنافقين
وأن من كان في قلبه مثقال ذرة من كبر
حرمت عليه الجنة والعياذ بالله
وهذا يدل على أنها مسكينة
عاد خلي وظيفتها وشهادتها تشفع لها يوم القيامة


ترا حتى الرجال أغلبهم يكره الوظيفة ويحبون العمل الحر يعني التجارة
دايم الوظيفة تقيد الشخص ومشاكل الرؤساء ووالمدراء وضغطهم على الموظفين يعكر عليهم صفو سعادتهم بالوظيفة
والله يرزق كل مسلم ومسلمة من واسع فضله


وترا الثقافة والعلم ماهي مربوطة ولاحكر لا بشهادة ولا بدراسة ولا بوظيفة
ياما شفت جامعيات وموظفات وللأسف حتى في مكان العمل كل حديثهم عن فلانة تزوجت وفلانة تطلقت
وفلانة زينة وذيك شينة علانة وفلتانة وباقي سوالفهم عن الطبخ ومشاكل الزوج والعيال والخدم
ناهيك قلة ثقلفتهن اللي حتى ماتعرف تطلع الحديث صحيح ولا ضعيف

كل العلماء الأفذاذ رحمهم الله كلهم كانوا يعلمون أنفسهم ويذهبون يستقون العلم من منابعه
ماسمعنا أنهم معهم شهادات ومع ذلك علومهم وكتبهم تدرس بالجامعات

أنا عن نفسي
تزوجت .. ودرست 4 سنين في الجامعة .. وجبت بنتي في اخر ترم لي ..

والحمدلله .. متفوقة ومتخرجة بممتاز مع مرتبة الشرف ..

بس من خلال تجربتي للدوام بعد الزواج رافضه العمل رفض تاااااااااااام ..
بالنسبة لي : التوفيق بين البيت ومسؤولياته ، والعمل مستحيل ..
يعني شي راجع لكل وحده ..
لا فيها حقران ولا حسد ..

الحمدلله .. اللي حاصل لها تشتغل وودها الله ييسر لها أمرها ويعينها ..
واللي تحب قعدة البيت والروتين (زي حالتي :) ) وفيه احد يصرف عليها .. تقعد وترتاح

وصلى الله وبارك على نبينا محمد

الله يعين المراءه في جهاد في البيت والمدرسه والله يثمن التعب

جززززاكي الله خيييير

انا ربة بيت
بس من رائي ان الشغل حلو للمراءه ولابد يكون فيه منفعه لها ولمجتمعها
بس تعليقي عاللي تقول ربات المنزل همها الطبخ وزوجها واهل زوجها انا اقولك ترى هالاشياء فيها اجر الحمد لله
وانا عن نفسي عندي هوايات وجالسه اشتغلها وانا ببيتي الحمد لله

والله يازينها لارتبتي وقتك نظافه بيت وعيالك نظاف ومرتبين وزوجك يلاقي كل شي يبيه
هالشي يعتبر وظيفه وماراح تنجح فيها الا اللي حابه بيتها

ماراح نظلم الموظفات بالعكس اشد على ايدينهم واقولهم لولاكم ماارتقينا

ويظل هالشي امر شخصي وكل وحده وراحتها