أشوف الموضوع جدآ طبيعي بالعكس لما أشوف وحده تروح وتجي مثل ماتبي ولوين ماتبي من غير ولي إعتبرها بنت مالها أهل ولاإخوان يسألون عنها
وأنا أفتخر بإخواني لما يمنعون من شي أشوفه بعدين مو من صالحي

موضوعك حلو يامريومة

للاسف لسه في اخوان كذا

انا خواالي مسيطرين سيطرة كاملة على خالاتي

اخوي الحمدلله تقدري تتفاهمي معه وكمان على حسب مزاجه

اذا مزاجه رايق ماشاء الله تبارك الله يصير لك شي ثاني واذا سيء لاتقربي منه

بس الحمدلله تغير كثيييييييير عن قبل
الله يهديهم يارب

اشوف هالمشكله من البدايه مريومه لوتشوفين قسم الحمل والولاده والله بيجيك اكتئاب اغلبها مواضيع عن كيفيه انجاب الوووووووووووووووولد .............والي حامل وماعلموها جنس الجنين وقاعده من حزنها وحسرتها ماتاكل ولاتشرب تخاف انه بنت !! وهو اول حمل لها !!! والا حامل وقالولها بنت وجاها نزيف وماتبغى تروح المستشفى تتعالج تقول كيفه قالولي بنت !!! والله مواضيع تشيب الراس ............من الاساس بعض الحريم الله يهديهم يبغون اولاد متشفقين مايبغون بنات..اشوف وحده تقول الولد نعمه والبنت نقمه !! حريم مثل كذا وشلون تبغينهم بعدين مايفرقون بالمعامله اذا كبروا عيالهم الوحده واهي حامل تنظر للولد على انه ملك قبل ماينولد فيصير خلاص اذا كبر يكسر يهاوش ينافخ حلال لانه ذكر ...........مااقول الله يهديهم بس ..اقول يازين البنات بس ليت عندي عشر بنات ....والله انهم نعمه من رب العالمين ....

يعطيكم العافيه بنات ..

اول شي سوري عالتأخير تعرفون كان فيه دراسه واختبارات وقلق وكنت مشغووله حدي ..

ثاني شي ..سوووووووووري للي مارديت عليهم بالمواضيع ولاالرسايل الخاصه ..اعذرووني مااقدر ارد حاليا لانه الرسايل كثيره والطلبات يبغالها تشغيل مخ وانا وضعي صعب حاليا ..اعذرووني بس ارجع من عيوني حبايبي


.. ومعليش بنقز شوي لام بسمه المستقعده لي ..

الفردودس ..ياقلبي .. خلاص انتي صح وانا غلط ..ولاتزعلين ..

ام بسمه
بعلق على كذا شغله لانه مدري اني مهمه عندك لهدرجه خخخخخخخخخخ
يختي عاد وش ذنبي اذا ربي رزقني ببنات يحبوني واحبهم :)
والمدح وغيره اذا جا من عقلياتك ماابيه يختي شالفايده ... معناه مابستفيد شي .. ولى !!
يقول لك عدو المرأه هو المرأه وللاسف كثير نفسك ..
بالنسبه فوبيا الرجال .. ياعيني والله وعرفنا نستخدم مصطلحات .. لاتطمني يالغلا .. ماعندي عقد ..بس ربي ميزني الوفاء لبنات جنسي .. وعطاني عقل له اراءه الخاصه مااكون امعه لغيري ..
وياقلبي فعلا انتي مو عارفه مين انا ..معليش حبيبتي مصيرك بتعرفين مستقبلا لاتستعجلين على رزقك :)
اما تفحموني .. ليه الاخت وين جالسه!!! والله ماكنت ادري انه من ادب الحوار لازم افحم غيري .. اللي اعرفه يكون فيه احترام حتى لو خالفتني يكون بذوق وادب وبدون غمز ولمز ياحلووه ..
ومين انتي اساسا عشان يكون فيه بينا شي ..انتي وحده همها تخريب المواضيع حقة مريومه ..وشايله همها وتحللين شخصيتها وياليت صح عاد .. قال ايش قال اعصب خخخخخخ ..لاحبيبتي انا ماعصب على اللي عقلياتهم مسلمينها لغيرهم ..لانه هذول مساكين ومحتاجين لشفقه يالغلا ..

المهم حبيبتي عاد..روووقي واشربي كاسة ليمون .. ماتسوى عليك تضيعين وقتك عشان تصطادين بالماء العكر بمواضيعي ..ِشوفي شي مفيد تسوينه

المهم حبايبي كان بودي اعلق عليكم وحده وحده سواء اللي علقت هنا .. او علقت خاص .. مالوم اللي علقوو خاص يفتكون من المشاكل اللي مالها سنع .. بس ان شاالله لي باك وقوووووووي جدا .. واعذرووني الحين مره مره مشغووووووووله ..وماكنت ناويه ارد واجي حاليا ..بس سبحانه اللي خلاني اجي واشيك ..ولقيت ام بسمه منووره برد كالعاده كله غيره وحقد الله يشفيك :)

ايوا بنات انا ان شالله عندي مشرووع يخص بنات حواء وراح ينفع الجميع ان شالله .. محتاجه دعواتكم ..انه ربي يوفقني فيه ..واول ماتضبط اموري راح تلقوني مسنتره بعالم حواء ..بإذن الله

كل اللي اقدر اقوله بأمان الله ..واشوفكم قريب متى ّ!!! مادري ..

بس ادعوولي تكفووووون ..وسامحوني للي مارديت عليهم لاني بجد بجد مشغوله وحاسه اني ملخبطه ومحتاجه ارتب افكاري ..

نلتقي على خير ..والله يوفقكم ياااااااارب :26:

:26:مكرر