تسيف حالكن ياحرمات نحيفات وسمينات
ملاحظين اللي الاحظ!!
كل مالنا نسمن
ونسمن
ونسمن ونسمن
الى متى؟؟؟
طولناها
والادهى والامر انا اذا نوينا ننحف سمنا اضعافا مضاعفة
شو هايدا~.؟
هذا مثل ماقال الشاعر الجاهلي:
الا السمانة اعيت من يداويها
ملابسنا ماتدخل بنا
ولو دخلت ما طلعت
وصحتنا تتدهور بسبب الكتل المخيفه التي تقطن في بعض اجزاء اجسامنا
والسيارة ماتكفي الا نفرتين من السمنه
واذا مشينا غطينا كل شيء ورانا
حتى عيوننا اختفت بسبب كبر حجم الخد
وركبنا ماقدرت تتحمل الشحوم واللحوم........
وش نقول ووش نخلي؟؟؟؟!!!
لا واللي يخلي الواحد ينهبل
اذا شفتي اسرة وزن اصغرهم لايقل عن السبعين كيلو في الساعة(هذي ضرورة شعريه
اذا حطو السفرة تلقين انواع واشكال
نوع من انواع المقبلات-- يعني تبين تنفتح شهيتهم اكثر من كذا لاحول ولاقوة الا بالله!!
وسلطة --لزوم الصحه)) ولو كانت ابعد مايكون عن الصحه يافيها مقليات او تتبيلات صناعيه او مايونيز
رز -- لانه الطبق الرئيسي في المنطقة
ولحم اودجاج-- لانهم مايقدرون يمر نصف يوم بدون ما ياكل الواحد منهم ربع كيلو من اللحوم
مصقعة ولا ايدام ولا....-- آآآآآه
لبن --معليش مافيه مشكلة
مويه--لييييه ترى تكبر الكرشة
بيبسي --يالهوي!! هذا مايحتاج اتكلم عنه
وفواكه-- طبعا بس شكل جمالي ولا محد يمد يده عليها
ونقول ليه حنا سمان؟؟
اما اذا عزمنا ناس
لازم مايبقى ولا نصف سنتي على الطاوله فاضي
هذي تورته وهذا حلى وهذي قهوة وهذي شوكولاته وهذي حلويات عربيه وهذا تمر وهذي اكلات شعبيه محلى وقشده و....
ثم يجي دور الشاهي
شاهي ونعناع وزنجبيل وفطاير وبيتزا وورق عنب وكبه وتبوله ........والقائمة تطول!!!
ونسينا نقول العصير انواع ومعه جاتوه ولا فواكه اشكال (((((((((((خلاص بموت انا-----ادعولي اصبت بانهيار
وبالايام العاديه نصحصح على فطور متعدد الاصناف بيض وفول انواع النواشف والبساكيت مع الحليب والشاهي
ونتغدى غداء يكفينا شهر
ومايمدي الغداء يوصل المعده الا وحنا متسدحين والاكل المسكين ماتهضم
ونصحى نسوي لنا دلة قهوة ونحط معها شيء خفيف ( توكس ومارس وسنيكرس --خفيف قال!
ونتعشى وننام بنفس طريقتنا عالغداء
بالله وين تبون الاكل هذا يروح
وانتم ماتتحركون
تاكلون وتنامون على طول
يعني بيتبخر ولا بيروح لبنت جيرانكم
لا والله بيروح عند الكروش
وعند:35:
انتم اعرف وين بيروح
اما اذا كنت بهدي لصديقتي جبت شوكولاته
واذا بزور ام جيراننا اخذت كيك وفطاير وماكبرحجمه وزادت سعراته وقلت فائدته
واذا نزل الراتب عزمت على عشاء
واذا بكافئ عيالي كافئتهم بوجبة مطعم
واذا بسلم على جدة بنات عمة زوجي :35: اخذت من حافظة من اكلات العجايز
ونقول ليه حنا سمان؟؟
اي ده!!!!
حراااام نسوي باجسامنا كذا
هذا غير ان فعلنا هذا اسراف
لو نسوي نصف السفرة بيكفي
ولو نقدم للضيوف ربع اللي متعودين نقدمه بيكفي ويوفي
بس مشكلتنا المظاهر
بنسوي عشان مايصيرون الفلان احسن منا
وبنحط عشان يدرون اننا نعرف
اكرام الضيف من الايمان
بس مايعني اننا نسرف ونتكلف
لو مانحط الاتمر مع القهوة كافي
والكرم بحسن الاستقبال
حرام نسوي كذا وحنا ندري ان اخوانا المسلمين في كل مكان يعانون من الجوع
وبعضهم يموت من الجوع
وحنا نقوم من السفرة ونصف الاكل باقي
لازم نتقي الله في كل شيء
شوفي من محتاج من اقاربك
اذا شريتي مقاضي خوذي جزء منها وحطيها لهم الرسول يقول مانقص مال من صدقة
يعني الي يخاف يقل ماله اذا تصدق
يقول الرسول بل تزده- الصدقه تزيد المال
فالصدقه سبب للبركة في المال
ترى كثير من المحتاجين متعففين
دوري عن عائلة محتاجة وكل مازاد من اكلك شيء رتبيه وارسليه لهم
ولو كان الباقي قليل حطيه بالثلاجة ومن بكرة زيدي في غداكم وحطي لهم مع باقي امس
ترى مايكلفك شي
الرسول يقول في كل كبد رطبه اجراَ
واذا رتبتي بواقي الاكل افتحي الثلاجة اذا لقيتي علبة عصير اوحليب
او كيك حطي مع باقي الاكل انتي ماتضرك اذا تصدقتي فيها و الفقير بيفرح فيها
مرة بقي لحم شوي بعد الغداء
فقررت اسوي رز عالسريع ونعطيه عامل
بس انشغلت وخفت انسى فحطيت شرائح خبز بصحن
وحمرت اللحم
وحطيته فوق الخبز ورتبته
المايونيز جاي عرض بس قلت يمكن يحبه
حتى اذا تعودتي تسوين هالطريقة تحسين بسعاده
لانك تتخيلين المحتاج اذا جاه اكل نظيف ومرتب بيفرح
هااه لا تنسون ان موضوعنا عن السمنه
كل وحدة تقوم تتحرك شوي
مو بس جالسين
صلوا لكم ركعتين
وادعولي:35:
وخلص قرقر مال انا
مع السلامة
استغفر الله , رجوعا إلي الله
استغفر الله فرارا من غضب الله إلي رضا الله
استغفر الله فرارا من سخط الله إلي عفوه
استغفره من التقصير في العبادة كلها
استغفر الله من عدم القيام بحق الله وخلق الله
استغفر الله من عقوق الوالدين
استغفر الله من رؤية النفس بعين التعظيم
استغفر الله من قطيعة الرحم , ومن قيل وقال ومن كثرة السؤال , ونهر السائل , ومن الحسد , والكذب , والنميمة , والغيبة , والرياء والسمعة , وطول اللسان , ومن ساءر الأخلاق الذميمة
استغفر الله من سائر الذنوب الخفية , والعلنية
أستغفر الله من كل ذنب يدعو إلي غضبه
أستغفر الله من كل ذنب يصرف عني رحمتك , ورضاك , أو تحل بي نقمتك ,أو يحرمني نعمتك
استغفر الله الذي لا إلاه إلا هو الحي القيوم وأتوب إليه استغفار يزيد في كل طرفة عين
استغفر الله لي وللمسلمين , وللمذنبين وللخلق أجمعين
استغفر الله غفار الذنوب ستار العيوب
استغفر الله حتي نقلع عن المعاصي , ونتوب
استغفر الله حياء من الله
استغفر الله ولا حول ولا قوة إلا بالله