لما تجيك الدوره وعليك صلوات ماصليتيهن

بنات جتيني الدوره وانا ماصليت كنت نايمه عن صلاه الظهر والعصر
وصحيت قبل المغرب علشان اصلي وافطر وكنت صايمه بس ماقدرت
انا دائما احتاط قبل لاتجيني اني اصلي الصلاه يوقتها بس قدمت ب3 ايام
احاول اعدل نومي علشان اصلي الصلاه بوقتها بس اعاني من اضطرابات بالنوم ونومي
ثقيل ثقييل جدااااا
الان ضايق صدري ضايق كيف ابضل اسبوع وانا علي صلاتين ماصليتهن
ودائما اذا صار لي كذا اعطل اموري واشغالي الين مااخلص واصلي
مثلا عندي روحه لااي مكان مااروح اخاف يصير حادث واموت وانا ماصليت
ابروح للسوق مااروح ابدا ااجل الروحه لبعدين اخاف اروح ومااتوفق اشتري ملابس
واغراض ماتعجبني واتخسر
المره اللي طافت برمضان كنت ابطلب من موقع وحاطه الملابس بالسله
ولما جتني الدوره وكانت صلاه فايتتني اجلتها لبعد اسبوع لين مااخلص واصلي
ولما جيت اطلب الملابس وجدت الكميه نفذت وكثير حزنت وماوفرو بعدين الاغراض
خفت اني اطلب الملابس وتطلع المقاسات والاقمشه غلط واقعد الوم نفسي
واليوم فيه اغراض ابطلبهن خاصه ان الحظر انفك واخاف يجون ضيوف بالاشهر الجايه
وماعندي ملابس بس مااقدر الان اطلبهن لازم انتظر لبعد اسبوع
واليوم ابكلم قريبه لي ابعايدها علاقتي معها موتمام خفت اتصل وتصير مشكله
اتصل علي المحل بيجيبون ستاره لغرفتي رفضت لااستقبلهم وقلت لهم انا مسافره لبعد اسبوع جيبوها
على الاقل اذا انا ماتوفقت وكنت مصليه ابقول قضاء الله وقدره
بس اذا ماتوفقت وعلي صلواتي ماقضيتهن ابلوم نفسي واحاسبها وانقهر ان هذه عقوبه لي
من الله مااصابكم مصيبه فمن انفسكم
جدا جدا بعاني من هذه المشكله واموري معطله بشكل حتى مواعيد المستشفى مااروح لها
اخاف تصير مشكله مع الاستقبال ا مع الدكتور او الصيدلي او اني مااستفيد
من العلاج واقول هذه عقوبه من الله
انتم مثلي بنات ام لا ؟؟

برأيكم اللي اعمله صح ولا غلط اني اعطل اموري لااكثر من اسبوع الى ان اصلي
وادعوا لي بالهدايه جزاكم الله خيرا