كوبونات الراقية تسجيل الدخول

... غ ...
... غ ... •
زيت اللوز مو مضر

لكن زيت اللوز المر ما ينفع للشر لأنه ينشفه

الممتاز للشعر والجسم كدهن هوا زيت اللوز الحلو

أما بالنسبة لواقي الشمس فأنا استخدم واقي شمس من عالم زين الاتات

طبيعي 100% ودرجة حمايته 70%

وبالنسبة للبس قبل الخلطات فأنا من النوع لما استحمى الملابس حقت البيت اللي كنت لابستها

على طول احطها في سلة عندي للملابس الوصخة وأخليها تتغسل

فنفس الملابس اللي اكون لابستها لأنه كدا كدا بإذن الله حتتغسل فما تفرق عندي

وغير كدا ملابس بيت يعني مافيها مشكلة بإذن الله


وبالنسبة لزيت الخروع فعلى حسب الغرض اللي تبغيه

لو كان كعلاج من أمراض نسأل الله السلامة

فخدي اللي للشرب ... لكن لو خلطات وحاجات خارجية كالشعر والجسم

فخدي زيت الشعر واتوكلي على ربك


وانتي لما تحطي الخلطة مو على طول تلبسي ملابسك

خليها مدة ما تقل عن 5 دقايق قبل ما تلبسي

عشان عالأقل شوية منها يمتصها الجلد

واتمنى أكون قدرت أخدمكم

وأي حاجة تحتاجوها أنا في الخدمة بإذن الله لو أٌقدر

تحياتي

... غ ...