الله يرزقك الزوج الصالح القريب من عندكم
مو لازم اللي تتزوج تبعد
ادعي الله يرزقك زوج يسكنك قريب من امك وتزورينها مرتين بالاسبوع اغلب البنات كذا عادي
نفس الشي الوظيفه مو لازم الوظيفه بعيده
الله يرزقك وظيفه قريبه من البيت تروحين لوظيفتك وترجعين للبيت
والخدامه حطوا خدامه وفي البدايه قولوا لها احنا محتاجينها للبيت وتنظف غرفنا وكذا
ع شوي شوي هي بتتعود ع وجودها وتبدا تتعلق فيها وتفك عنك
لكن اهم شي يكون كل شي بالمسايس ومو بالغصب كل شي بالاقناع وبالاسلوب يعني سددوا وقاربوا ..

عموما حقوقك لازم تاخذينها بس بالطيب وبالمسايس وبالاسلوب وبالانسحاب التدريجي يعني زوج في نفس منطقتكم وتزورينهم دايم ومافي بأس اذا بيسافر مثلا تنومين عندهم نهاية اسبوع وهكذا
نفس الشي الوظيفه تكون في نفس منطقتكم لا تتوظفين بعيد ولا تتزوجين بعيد اهم شي خلي نيتك زينه وربي يعطيك على نيتك الله ييسر امرك

الله يكتب أجرك ويجعلك مباركه
حسسيها بالامان قوليلها يأمي انا ماراح اتركك حتى اذ تزوجت راح ازورك وقت ماتبي انتي على عيني وراسي والوظيفه استخيري وقدمي اذ لك خير بتتوفقي ان شاءالله
ماراح تبعدك عنهاقولي لها برجع واقعد معك بس ابغى اغير جو ياأمي
لان رضاها عليك بيخليك اسعد انسانه بإذن الله

اصبري واحتسبي الاجر وادعي الله ان يرزقك اللي تتمنيه ويشغل امك بطاعته 💕

حبيبتي حطي في بالك وخليك مقتنعه ١٠٠٪؜ مافيه شخص بر في امه وماتوفق ! صدقيني بيجيك رزق وتوفيق ماتدرين كيف وليش
بس امانه لا تكونين كأنك مغصوبه على البر وتتذمرين من برها حتى لا تفقدين اجر البر
وانا عارفه ان شي يقهر تتحملين المسؤوليه وخواتك لا بس بالنهايه يوم الحساب بيتحاسب كل شخص لحاله محد راح يجي يوم القيامه يقول طيب اختي ماتسوي وش معنى انا ومن هالكلام
وانتي ماعليك منهم عليك من نفسك
لكن معليش موضوع مستقبلك هذا موضوع خاص فيك "انتي فقط" زواجك وظيفتك انتي تختارين وين تبين تسكنين انتي مو ملك لأحد
وضحي لاهلك بكل صراحه واصرار مثلاً جاك زوج ساكن بعيد وانتي مقتنعه فيه وضحي لاهلك ان ماعندك مشكله تسكنين بعيد وان الجوالات تقرب البعيد وجيبي امثله لبنات سكنو بعيد عن اهلهم وماضرهم شي ومن هالكلام
واهم شي الدعاء ادعي ان الله يسخرهم لك

اول شي يازينك وزين تفكيرك 😂😂ياليت الحياه بيدنا نديرها على كفينا نقول شي ويصير لنا يااختي الحياه ورزق وزوج بيد ربي يدبرنا كيف ياشاء انتي جالسه تكتبين قدرك بنفسك هذا الكلام كله مراح يصير وربي ماكتبه لك اذا مكتوب لك زواج راح تتزوجين باي مدينه لا تقولين امي راح تمنع مراح احد يقدر يمنع شي ربيً كتبه لك وظيفه بعد هذا شيطان جالس يخرب عليك كل حسناتك وحب امك لك وتعلقها فيك وتقولين اذا كبرة تدرين من بموت فيكم انتي ولا هي بعد عمر طويل تعوذي من بليس ولا تخربين كل الي سويتيه طول عمرك بسبب وسواس شيطان لك امورنا بيد الله تعالي وعلى الله فاليتوكل. المؤمنون