لما تطلقت من زوجي راااااااااااااااااااح كله..!

السلام عليكم ورحمة الله وبركاته
اتمنى يكون الجميع بخير
اول مرة احكي لكم هالامور مااعرف ليش مع اني مااعيرها اهتمام كبير في وقتها استغرب لكن من كثر مامر علي اصبح طبيعي
1- كنت جالسة انا وولدي في البيت
وابوه كان في الاستراحة ومعاي جريدة اقراها وولدي جالس ع التلفزيون..
شوي يوم سمعت صوت بسه ممداني اوخر الجريدة الا ولدي ناط عندي ماما بسه تنحت
لان صوتها طالع من غرفة عيالي وغرفتهم بزاوية ومالها باب الا باب ع الصالة اللي انا فيها
نزلت الجريدة ودخلت غرفتهم مافيه شي سبحان الله صوتها شفتوا البسس الكبيرة تحسين صوتها ثخين
المهم طلعت وجلست في مكاني وقلت لولدي ماما مافيه شي والصوت جاي من الشارع
نام ولدي عند اخوانه في غرفتي
وانا جلست في مكاني وترددت لااكلم ابوهم لايقولون هه زوجته تدق عليه الخ تعرفون كلام اللي في الاستراحات المهم جلست وتركت الجريدة شوي بنات الا نفس قوي عند وجهي لحظتها مافكرت
دقيت على ابوهم تعااااااااااااااااااااال خايفة ..
2- كان يوم الجمعة راحوا عيالي وابوهم للمسجد مابقى الا انا وبنتي وجالسة ارتب شوي يوم عدا قدامي واحد لابس ثوب ابيض وطاقيه بنات اقسم بالله من كبر الصدمة تبلد احساسي
تعوذت من الشيطان وجلست اقرا ...
3- كنت منسدحة ومغمضة عيوني بس ماني نايمة والا صوت رجال يتكلم عند اذني
4- ولدي الصغير جاني يركض ماما ماما بابا عرفنا انه شاف شي ايش فيك كان صغير يادوب ينطق كم كلمة اشر تحت سرير غرفتنا ويقول بسينه انا بس طالعت لابوه وهو كمان ...
5- ولدي الكبير كان رايح لقسم الرجال وفجأة يوم جا يركض وش فيك قال لما قربت لباب قسم الرجال ويقول احد سكره وبعد مااتسكر دفه ...
غير عن انه دائما احس بصداع واحد يمشي وراي وغير احلام الجن والعقارب والثعابين والصراصير
وكلاب سود ورجال لونهم اسود كان زوجي يموت فيني وكنت احبه بس بعدين ماعرفت ايش اللي صار اذا جلس يتغزل فيني احس بنفجر واحسسه اني متضايقة من كلامه
واحيانا اذا قرب لي احس بخفقان ويالله بيالله اتنفس وبدوخة
مع اني تمام معاه في كل شي اقوم فيه وفي عيالي والبيت ولله الحمد الكل يغبطة على حياتنا ولمتنا
كنت دائما اقرا وعلى طول المسجل شغال على صورة البقرة حتى واحنا مو موجودين في البيت
واحصن عيالي وكنت دائما يدي على قلبي خوفا على عيالي

وماانتهى هالشي كله الا لما تطلقت من زوجي راااااااااااااااااااح كله..!

دمتم بأفضل حال إن شاء الله