لما تفضفضين لشخص وبعدها تندمين ...... 😖

بسم الله الرحمن الرحيم
السلام عليكم ورحمة الله وبركاته وبعد
كيف حالكم اخواتي الغاليات 💚
قبل يومين زارتني وحده من قرايب زوجي وبعد السلام والضيافه وأخذ العلوم سألتني عن أهل زوجي قلت لها بخير الحمد لله في البدايه تحفظت وصرت رسميه ما اعطيها جواب لكن بعدها تقول راديو 📻 مبطل ما سكت جبت الأولى وتالي وسردت الحقائق ودافعت عن نفسي.. وهيه الصراحة كانت متعاطفه معي ونصحتني نصايح جزاها الله خير.. وللعلم هذي الحرمه معروفه بطيبها ودينها وانا ما أشك فيها أبدا..
لكن بعدها حسيت بندم فضيع وصارحت زوجي وزوجي الصراحه عاتبني عتاب خفيف لما شاف اني تأزمت نفسيا رجع وقالي يا ام سالم الله يلوم الي يلومك انت تحملتي كثير وسكتي كثير وهذي ردة فعل طبيعيه بعد التجريح الي جاك هذا اقل شي تسويه انك تتكلمي وتطلعي الي في قلبك وانسى الموضوع وخلاص الي صار صار وهذي الحرمه انا اعرفها من النوع الكتوم ما راح تتكلم عنك انا قلت له لا بس انا اخاف هيه تاخذ فكره غلط عني وفي الاخير هيه تقربلك واكيد مراح ترضى قال لا هيه تعرف اختي زين وراح تتفهم وضعك..
انا بعد هذا الموقف كرهت نفسي لاني وعدت نفسي انه خلاص الموضوع انتها وراح اعيش حياتي وما التفت للخلف وأبدأ حياه جديده لكن للأسف اكتشفت ان الماضي ما زال موجود بداخلي ومازال يؤلمني
وانا ودي أتجاوز هذي المشكله واتعايش عادي بدون اي تأثر.. احيانا في تراكمات سلبيه داخلنا نود التخلص منها حتى لا تؤثر على مستقبلنا ولا حاظرنا..
....... 😔