والله اني انقهرت مرررة على بنتك المسكينة
انت وش اللي عجلك تدخلينها وعندها صعوبة في النطق
لأنها حتى لو كانت فائقة الذكاء رح تتعرض لمواقف منها ضحك الطالبات عليها
وكذلك المعلمة من كثر ما تحاول معها تنطق الحرف البنت بتحس انها تعبانة وانها غير
عن صحباتها ويخليها تضطر تسكت وتسوي نفسها ما تفهم


بقولك بنت اختي دخلت بسن مدرسة اللي هو بعد ست سنوات
ومسكينة اصلا هي نطقت متأخر ومثل بنتك بالضبط ,, مع انها ذكية ماشاء الله
بس مع الاسف النطق مخرب عليها
واغلب الحروف نطقها غلط

مثلاً : كتابك ,, تقول : كتابت
يعني الكاف في نهاية الكلمة تحطه : ت

الذال تنطقه : د
مثلا : منذ تقول : مند

اللي قهرني ان المعلمة تحطم فيها مرررة مع انها شاطرة وتحل بسم الله عليها
لدرجة صارت تخاصمها وتقول لا تخلين احد يحل عنك , والبنت تقول انا اللي احل
ما تصدقها المعلمة , ولما راحت امها قالت المعلمة : انا ابغى مصلحتها

يعني حطمت البنت لأنها تشوف ان النطق عندها غلط وتشوف كتابة البنت ماشاء الله كويسة
فصارت تحطم فيها لأنها مو مستوعبة انها تفهم اصلا

وصراحة البنت صارت معد تشارك ولا تتكلم كثير لأن المعلمة تقعد تخليها تنطق الكلمة
مليون مرة والبنت مو قادرة تنقطها بالشكل الصحيح
والطالبات يضحكون عليها ويعلقون على كلامها

البنت الحين تحسنت الحمدلله ماشاء الله صارت بثالث ابتدائي ,, بس والله مازال فيه شيء بسيط
بالنطق

لذلك انصحك تطلعينها الحين وتحطينها بتمهيدي وتكثفين السماع عندها باللغة العربية
يعني كلمات فصحى وتتكلمين معها بوضوح وتخلينها تعيد معك وصدقيني مع الوقت
بتتحسن ,,

وان شاء الله تدخل السنة الجاية وهي مستعدة جسدياً ونفسياً

مازيد ع كلام اللبنات بس ضروري ترجعينها تمهيدي

واصلا صغيرة والدراسة صارت صعبة والله لغتي شوي

جامد وبنتك صغيره ع ايش مستعجله عليها خليها ع مهلها

احسن من انها تتعقد ...

الله يخليها لك  نصيحه اختي اول شي اكشفي على اذنها لااااااااازم ضروري يمكن البنت تبي تتكلم بس لسانها ثقيل من اذنها  ترا الاذن السبب الرئيسي وان شاء الله ما يطلع فيها شي  والشي الثاني تكلمي معها كثير وحاولي اذا تكلمتي معها  تحركين لسانك وشفايك عشان تفهم كيف نطق الحروف وتغيرين نبره صوتك لا تكلمينها عادي تكلمي  ع مستوا عمرها  عشان تتحمس  واي شي تسوينه قدامها تكلمي فيه لا تسوينه على الصامت مثلن تبي تشرب ماء قولي هاذا كوب نصب فيه الماء ونشرب الماء  زي كذا تكلمي كثير عشان تتعود طبعاً هاذا نصايح اخذتها من دكتور نطق وتخاطب    الكلام لك وللبنات اللي عندهم اطفال ونصيحه ابعدو اطفالكم التلفزيون تراه  شررررر للاطفال واعرف وحده ولدها بشهور ع التلفزيون ولمى ككبررر صار توحد فيه وهاذ شي اكيدد ومركز الابحاث سوو دراسه على قنوات الاطفال خاص طيور الجنه وغيرها  اكبررر سبب لتوحد بسبب رسوماتها  وطريقه تحركها نصيحه اطفالكم انتي اللي تأسسوهم صح. والله يخليهم لنا ويحفظهم من كل  مكروه  
اسفه ع الاطاله ...  

المفروض ما دخلتيها بدري ،،


بس لا تقلقي


انا كان ابني كدة و ربي كنت أبكي عليه
خلص تمهيدي و نطقه ضعيف
حتى اخوه اصغر منه بتلات سنوات كان نطقه افضل منه بكتير


بس الحمد لله الان يتكلم طبيعي جدا ،،لا يمكن يجي بالك انه كان متأخر بالنطق
هو الا بصف ثاني ..


بس برضو انتي راجعي فيها عند اخصائي ،،يمكن تكون مشكلة عضوية مثلا ..


و ادعيلها بكل صلاة


انا لاحظت ابني تحسنه كان سريع ما شاء الله
و هالتحسن ما لاحظته الا بعد الدعاء ،،كنت انتظر المطر و ادعي وانا أبكي عليه
والحمد لله ربي يفرجها




لي قريبات لغاية صف رابع و نطقهم لبعض الحروف كان غير صحيح
والان اعمارهم بالثلاثينات وفصيحات ما شاء الله

انتبهي بعد الاطفال بيتريقون عليها ويضايقونها وهدا الي بياثر فيها
راجعي اخصاىي تخاطب