لما صدقت النيه ... الله رزقني

السلام عليكم
رجاء اللي تبغا تكتب رد مو كويس توفره لها ولا ترمي علي كلمة تجرحني وتاخذ ذنبي ولا ترجع عليها الشماته
.
الموضوع / لما صدقت النيه مع الله ربي رزقني ...
كيف
الله بلاني بحب مو صح لكن كنت محترمه حدودي ما وصلت للمكالمات لكن امنيتي بس الارتباط فيه رغم اني عارفه اني ما استاهل هاالانسان يستاهل وحده افضل
كنت بالجامعه و كنت استحقر قناعات صديقاتي في الارتباط برجال ما تعرفه قبل او يكون قريب لها .. يمكن يكون قرايبها افضل من قرايبي اللي اعرفهم علشان كذا كانت نضرتي
انخطبت ايام الجامعه لكن رفضت لأسباب اني ابغا هذا الرجال و لسبب انه قدامي اخوات ثنتين كبار بالعمر و غير متزوجات
كان يحز بنفسي ليش صديقاتي بالجامعه صغار و يتزوجون وانا متى افرح ب اخواتي بعدها يجي دوري
اختي تزوجت خلال شهرين لكن علطول تطلقت و خلعته ... بنفس الفترة الرجال اللي انا كنت ابيه طلع تزوج وانا ماادري و الصدمه طلع مذهبه غير عن مذهبي
دخلت بفترة اضطراب لا توصف
و بدات الغيره تدخل قلبي و القهر من كل بنت تتزوج ليش مو انا و ليش مو اخواتي
صرت ادعي و ادعي لكن الله مو موفقني في اني استمر بشي
لان اولا واخيرا ... لاسباب انا عرفتها بعد فترة و حليتها و لما صححت اغلاطي تيسر الموضوع بشكل فضيع
اولها ... سمعت عن اليقين و حسن الضن بالله .... و عرفت ليش انا تتأخر دعواتي ولي ثلاث سنين ادعي و لا صار شي الا بعد ما صححت هالغلطات
لاني كنت ادعي و متخيله ان الدعاء يحتاااااااااااااج وقت علبال ما يصير يعني لازم ادعي سنه مثلا ولا لازم اقوم الليل شهر وانا وحد ما استمر على القيام
دعيت لاختي رغم مواقفها اللي توجع القلب معاي لما انخطبت مره كيف خربت الموضوع .... بعدها وقفت قلت هالانسانه ما تستاهل قلبي الصافي معها
كنت اسووووووووووووي جدااااااااااااااااااول و برامج مكثفه في العبادات لاني حاطه في بالي ذنوبي يا كثرها و اني لازم اسوي كل هذا علشان تمحي ذنوبي وعلشان يستجاب لي
مثلا اختم كل اسبوع و اقرر اني استمر عشر اسابيع علشان تجي دعوتي مستجابه ولا مية يووووووووووووووم
هنا يعني ما كان في قلبي ذرة يقين وحسن ضن بالله
اليقين انك تكوني موقنه ان الله قادر على كل شي وانه قارد على تبديل حالك في يوم و ساعه
حسن الضن بالله كنت ادعي وقلبي يقول اخاف و اخاف ما يصير لي كذا ويصير كذا ( و فعلا كل متوقع اتي )
قعدت ابحث عن اليقين و حبه حبه بديت اتغير
قمت شهر ..اقرا كل يوم جزء و ادعي و ادعي لاختي لانها بصراحه سببت لي هم من كثر مشاكلها معاي صارت عتبه بحياتي
و فعلا في اليوم ال 28 انخطبت و افتكيت منها ههههههههههههه
بعد كذا جاء دوري مع نغفسي بالبدايه ضليت ادعي وش كان دعائي زي وجهي ( يارب انخطب وارفض ليش علشان الناس يقولون انخطبت وبس )
وبالاخير ولا احد ست سنوات ماحد تقدم ....
اللي رفضتهم ايام الجامعه قبل كان كلام عادي مو رسمي
لكن حزة نفسي كبرت ووصلت ال 29 سنه ولا في مخلوقه دخلت بيتنا تخطبني ليش يا ترى
كانت لاسباب البدايه االناس يقولون عندها اخوات اكبر ما يعطون
ثانيا انا علاقتي مع القرايب متوتره ومع الجماعه ما اختلط نهائي
و علاقاتي الاجتماعيه الباقيه ( يقولون نبيها وما يجون ) بس وحده قالت لامي احجزيها لي
لما كنت اختم القران كثير كثير حلمت احلام كلها تفسر عند الشيوخ حسد تعطيل و عليك برقية نفسك
عرفت اللي حسدتني و بصراحه امرها غريب ما اعرف هي صدق تبغاني و متردده ولا حاسده صدق ولا ايش بالضبط
بدات احط نقاط على حروف بين قوسين ( لازم القى حل )
عرفت اني ما عندي رغبه وميول للزواج حقيقي لان نفسي تعلقت بواحد و خذلني بعدها نفسي انسدت ( وو كل دعائي بالزواج علشان كلام الناس ابي خطوبه وبس اسم اني انخطب زي البنات وما كنت انخطب )
قلت انا لازم انضف قلبي من هذا الانسان وبديت ادعي ان الله يخلصني من التفكير فيه
والله العظيم يا بنات كنت مسافره ... و دعيت ليلة جمعه ان الله يخلصني من التفكير فيه
و الدعوه استجابت ب اسرع ما يكون .... بديت اشوف عيوب ما كنت اشوفها
و من بعدها رجعت من السفر ...... و فكرت بالموضوع من جد ...... قلت انا لازم اصدق النيه في الزواج ....
ليش البنات يدعن و يتزوجن ( صديقاتي كلهم ) لان نيتهم صادقه بالزواج يبون التحصين و تكوين اسره
بعد كذا توكلت على الله و صدقت النيه
حطيت رغباتي في الزواج كان اولها ان يكون ملتزم علشان يكون خير زوج في الدنيا والاخره و يساعدني على نفسي
لان قبل ما كنت التزم مرات اشد ومرات ارخي .....
ومع الايام الحمد لله في اشياء كثير تغيرت في شخصيتي في يقيني بالله في حسن الضن و صححت غلطات كثير كنت اسويها
اخترت ملتزم وليس شخص محدد لان جربت اعلق تفكيري برجال محدد كنت متردده ولا استمريت بالدعاء لان عقلي مشغول لو صار كذا كيف اتقبل اهله و كيف وكيف
ولان لقيت نفسي مايله لهذي الرغبه .... شدتني لها بالبدايه جارتنا قبل سنتين ونص وكنت اقول مستحيل يجي متشدد و يكبت حياتي
لكن انا لما حبه حبه .. اتقرب الى ربي حسيت فعلا ان الدين سعاده وراحه
..................................................................
بعدها انطلقت بالدعاء
ب يقيني و حسن ضني بالله و بصدق نيتي في الزواج اللي هو اعفاف النفس
كان دعائي الوحيد ربي اني لما انزلت الي من خير
ربنا هب لنا من أزواجنا وذرياتنا قرة أعين واجعلنا للمتقين إماما
كنت اتدبر كل يوم جزء من القران .و كل ايه فيها نهي او امر او دعاء استفيد منها في انه اوقف عند هذا النهي واتركه لله و اسوي الاوامر وكذا
مثل اترك الغيبه و النميمه ................... و الاوامر مثل الصدقه ,,,,,,,,,,,,,,,
. اصلي الصلوات بوقتها .. السنن ... الضحى .... الوتر اصلي الشفع عشر ركعات بجزئين 29 و 30 من الملك الى سورة الناس لان فيها الف ايه
كان وردي اليومي .. كالتالي
الصلاة الابراهيمية مية مره
استغفر مية مره
دعاء ذي النون مية مره
حسبي الله ونعم الوكيل مية مره
لا حول ولا قوة الا بالله مية مره
و ما اوقف عند تكرار هذا الجدول مية مره وبس لااااااا .... اكرره طول اليوم .... كنت مسويه جدول مية خانه عشره طول وعشره عرض وكل ماخصلت احط صح الين ما كررت الجدول مية مره ... اخلصه في خمس او ست او سبع ايام ... واعيد ,,,,,,,,,, سويت خلال شهر خمس جداول وخلصتها يعني عدت الورد كلها خمس مية مره والحمد لله ..... حسبتها طلع لي كل صيغة كررتها خمسين الف ومو مصدقه والحمد لله
يعني مثال الاستغفار في كل جدول ابو مية خانه عشر الاف وكلهم كذا
لما اجي بالوتر بالذات احاول بالوتر اني اكسب اعضم الاجر ...........
يَا أَيُّهَا الْمُزَّمِّلُ (1) قُمِ اللَّيْلَ إِلَّا قَلِيلًا (2) نِّصْفَهُ أَوِ انقُصْ مِنْهُ قَلِيلًا (3) أَوْ زِدْ عَلَيْهِ وَرَتِّلِ الْقُرْآنَ تَرْتِيلًا (4)
نِّصْفَهُ أَوِ انقُصْ مِنْهُ قَلِيلًا (3) نصف الليل احسبيه من صلاة المغرب الى الفجر عدد الساعات تقسيم اثنين
او انقص منه قليلا يعني عدد الساعات اقسميه على ثلاث ... ثلث الليل الاخير
أَوْ زِدْ عَلَيْهِ وَرَتِّلِ الْقُرْآنَ تَرْتِيلًا .... او زد على النصف ليصبح ثلثين من الليل يعني من بعد العشاء تبدا وترك ....
اجي عند الاستغفار بالوتر ........ ( والمستغفرين بالاسحار )
االاستغفار معناه ,ان اعتذر الى الله على فعل ذنب فعلته وقررت ان اتركه
واكتب الغيبه ... اللهم اغفر لي الغيبه ...
اللهم اغفر لي تأخيري لصلاتي
اللهم اغفر لي كذا وككذا
و تذكري انك لما تدبري القران راح تعرفي ذنوب انتي كنتي تسوويها حرام
وخلاص هنا بديت احسسس فعلا بمعنى الاستغفار لما اجي اغتاب اتذكر اني استغفرت واعتذرت لله عن هذا الذنب كيف ارجع و اغتاب ..
لكم ان تتخيلوا شعوري لما سويت كل هذااااا
اسوي العبادات من اجل رضى الله وليس من اجل شيئ من الدنيا
ادعي بصدق اني ابغا كذا من اجل اعفاف النفس .. والاستقرار النفسي .. لاني فعلا كنت اعاني تعب نفسيتي من التفكير بالماضي ..
وقبل الدعاء ,, لازم تعرفي انك خلاص انتي تبغي الحلال يعني تتركي عنك النضر بالشباب و التفكير بالحب والخرابيط وخصوصا و بدون حياء اقولها اللي تشبع رغباتها ب النضر الحرام والعاده السريه
.... العاده السريه تخلصي منها كيف
اذا جتك صلي ركعتين وادعي
اللهم اكفني بحلالك عن حرامك
وغيره من الادعيه
ولاني ما كنت اصدق النيه ما كان يجيني شي ......
و سبحان الله لما عرفت معنى اليقين وحسن الضن بالله صارت تستجاب لي دعوات اكثر من قبل
تخيلووووووووووووو بحياتي كلها ما تقدم لي احد وجو حريم لحد البيت الا بعد هذا صارت لي 3 خطوبات
اولها بعد اسبوع
والثانيه بعد ثلاث اسابيع من بدايتي
والثالثه بعد الاسبوع الرابع
والحمد لله
لو كنت على ايام زمان لما كان يقيني ضعيف لو كنت ادري بيوم اني راح اسوي الاشياء البسيطه هذي و راح تستجاب بالسرعه ذي و بالعدد هذا ثلاث في شهر ما ااصدق
والحمد لله وقع اختياري على الثاني كان نفس الصفات و افضل من الباقيين
رجل ملتزم و اسلوب و علم و لم يسبق له الزواج من قبل اكبر مني بثلاث سنوات و عزابي و شخصيته غير عن الشباب بالزمن هذا
ومن اول ما شفنا بعض بالنضره الشرعيه ارتحنا لبعض
و زواجي بشهر 5 الجاي بالسرعه هذي و يكون عائلي والحمد لله ما احب التكلف وجاء الطلب على هواي
وفي شي نسيت اقوله بالنسبه لموضوع الحسد اللي معاي
سويت رقية ابن جبرين طوال الشهرر وما وقفت على ثلاث ايام وكانت على موية زمزم و الحمد لله حتى احلامي كانت حلوه و مبشره والاعراض بانت بالغثيان وكذا
.........................
ما تتخيلوا كيف نفسيتي قبل وبعد
و الحمد لله رب العالمين
ولا تنسوا الاذكار قبل الشروق وقبل الغروب
يكفيك تقولي حسبي الله لا له الا هو عليه توكلت وهو رب العرش العظيم سبع مرات تكفيك هم الدنيا والاخره
...........................
وقبل ذا كله ( حسن الضن بالله ) اذا انتي احسنتي الضن وكان يقينك بالله انه راح يجي الفرج تلاحضي انك مستمره وواثقه ما توقفي ولا تتكاسلي وربنا يعطيك على قد نيتك البشاير تأتي في نهاية العبادات
...............................
انا مجرد ما صدقت النيه بديت فعلا اصحح في نفسي عيوب واستعد لهذا الموضوع من جد
وقبل لا تتكلفي بالعباده حطي في بالك ** صلاة توبه ركعتين تمسح كل اللي فااااااااااات
الطريقة كذا
صلاة توبه اذا حاسه ذنوبك واقفه بطريقك
صدق النيه في الدعاء ( و نحن اقرب اليه من حبل الوريد .... وعلى نياتكم ترزقون )
حسن الضن بالله و اليقين
الصلاة بوقتها و السنن و النوافل
الضحى صدقه عن مفاصل الجسد
الوتر بالف ايه اواقل ( من قام بألف ايه كتب من المقنطرين )
ختم القران في شهر مع تدبر الايات ( افلا يتدبرون القران ) و ليس قراءه سريعه خاليه من التقدير للقران
الاستغفار عن الذنوب مية مره لكل ذنب في الوتر
وردك اليومي الخمس صيغ
اذكار الصباح و المساء و الرقيه
الدعاء في السجود و الوتر و بين الاذان والاقامه بصدق النيه ( رب اني لما انزلت الي من خير فقير )