لما طفل خمس سنوات اولى روضة، السنة الجاية يخلوه يكمل الروضة ام لازم ابتدائي ؟

اختي الغالية طفلج السنة القادمة بيكون عمره 6 سنوات وهو عمر من يدخل الابتدائي وينتقل للمدرسة ومن خبرتي في رياض الاطفال انصحج انه يروح المدرسة ويكون عمره من عمر اقرانه في المدرسة لانك لو تركتيه يكمل سنتين في الروضة مع انه من المرجح ما يوافقون على ذلك بيدخل المدرسة وعمره سبع سنوات ويكون اكبر عن زملاءه وبيتعب نفسيا في المراحل اللاحقة
توكلي على الله الاشياء اللي بياخذها في الروضة في سنة وحدة تقريبا مثل السنتين لان السنة الاولى تمهيدي والسنة الثانية هي السنة اللي الطفل يكتسب فيها اكثر الاشياء

شوفي زي ما قالت الاخت صدى بس اذا وصل 6 وحبيتي تخلينة في الروضة المدارس الاهلية راح تقبلة وماعندها اي مانع بس الافضل انك تخلينة يعيش سنة ويدخل الابتدائي وهذا رايي وبالتوفيق

بس اختي شو وجهة نظرك بالموضوع ؟؟؟
بعرف بأن الناس بتحب تدخل ولادها بدري ( بكير ) من وقت مش متاخرين . فهل لك وجهة نظر خاصة ؟؟ ام ماذا ؟؟؟


لن ابني دخل الأول الابتدائي وعمره خمس سنين بالضبط ولكن هذا مرهق قليلا.
والطفل اللي بعده بيروح وهو ست سنين و4 شهور لأننا تعلمنا ولا يلدغ المؤمن من جحر مرتين .

فهل مررت بتجربة معينة مثلا ؟؟؟

هلا اختى

اظن مايكون لهم اى دخل ولدك وانتى حرة فيه وتبغى تاخريه سنه

انا عن نفسى عندى ولد يارب يسلمة ويحفظة عندة تاخر بالكلام وعمرة خمس سنوات ونص وهو الان بالروضة والسنه الجاية مفروض مدرسة بس انا راح ااخرة ...........انا امه وابخص فيه

اعرف وحده السنه هذى المفروض ولدها يدخل المدرسه
بس مادخلته وهو له سنتين في الروضه عادي ....

طيب ليه الاخوات معارضات تأخير الطفل سنه؟؟؟
بالعكس هذا افضل بكثير ...

وقد لوحظ ان الطفل الأكبر سنا يتكيف سريعا مع جو المدرسة
بالاضافة الى سرعة استيعاب الطفل الأكبر سنا للمعلومات بصورة اسهل واسرع من زميله الأصغر
لان الطفل يكون عقله اكبر من اقرانه وبتالى يتفوق عليهم

وهذا شىء لاحظته في ولد وحده من قريباتى ولدها المفروض انه في صف سادس بس هو خامس وماشالله عليه متفوق ومن الاوائل على المدرسه


اما كلام الاخت صدى الأشجان
انه بيكون اكبر من زملاءه ويتعب نفسيا انا اخالفها الراىء
هذا اذا كان الفرق سنتين اوثلاث
اما سنه وحده فى رائى لا تؤثر بالمرررره على نفسيه الطفل
لا نهم اطفااال والله مايدرون اذا اتاخروا ولا لا
اذا حنا اذا جلسنا مع وحده اصغر مننا بسنه بتحسين في فرق ؟؟؟
طبعا لا


نصيحه منى لاحد يستعجل على اولاده ويدخلهم صغار
لاحقين على الدراسه وهمها..