تعرفون وش كبر صدمتي بزوجي ؟
تعرفون كبر المسافة بين السماء والارض ؟ قدها كانت ثقتي فيه
تعرفون قرب المسافة بين الجفن والعين ؟؟ كذا كان قربه مني
تعرفون حب الام لولدها وخوفها عليه ورحمتها ؟؟ كذا كنت احبه وارحمه واخاف عليه
تعرفون معنى التضحية ؟؟ ضحيت معاه بكل ماتحمله هالكلمة من معنى ....
تعرفون كيف تكون ثقتك بنفسك وحبك لها ؟؟؟ كنت اثق فيه اكبر من ثقتي بنفسي واحبه اكثر منها مليون مرة
لو جا وقالي يافلانه تراني سويت قلت لا والله واجلس احلف انه ماسوا ..
لو جا وقالي كلام ماصار وكذب من هنا لبكرة .. اصدقه ولا افكر اكذبه لو قالي انا كذاب
تزوجته وخلااااااص كأي بريئة وغلطانه سلمته كل شي بحياتي
حبيته وقدرت ظروفه وتعاملت معاه كني اتعامل مع طفل مايعرف حتى يغير ملابسه
احترمت مشاعره حتى في اقسى الظروف واقواها
غلط علي وبكيت بكيت بكيت لكن كنت حريصة مايشوف دموعي مو كبرياء ..... لا لأجل مايتضايق
قال انه .. عرف قميتي بعد هالغلطة واعتذر وبكى وقال يمين الله لا اعوظك عن كل ماساة عاملتك اياها بحياتك
يمين الله لاتشوفين حياة العالم كلها تحسدك
يمين الله كل ماتسوينه معي محفوظ برصيدك ...
كأي غبية .. _ مع احترامي لنفسي البريئة ولكل وحدة مثلي - صدقت !!!!
ياليتني ماصدقت ... ياليتني صقعت بجدار عشان انتبه واستوعب
ياليتني انتبهت لكن ....... قدر الله وماشاء فعل
(( لاتحسبوني امدح نفسي ع الفاضي ماراح استفيد شي لاني اللحين محطمة الى ابعد درجة وجالسة اكتب هالكلام واحس اني مااحكي عن نفسي بس هو اللي قاله لي كله ))
يغلط ويقهرني ويجرحني واقول حرااااااااااااام مضغوط
يمكن عنده مشاكل ... بالعمل او مع الاهل
يمكن متوتر وفيه شي يعوره
ويجي بعد كل غلط ويقول والله انك اجودية .. والله لااعوظك
ان ربي احيانا لا ارد لك كل جمايلك علي
وانا ( الغبية ) اقول لا لا لا
لاتقول جمايل هذا وااجبي
انت تستاهل
ويتمادى ويتمادى بتجريحي
ما الومه لقى وحدة مسوية انها مثالية ... وهي اكبر غبية
سنتيييييييييييييين وانا رصيدي عنده يكبر ويكبر ويكبر
وكل يوم يعيد الموال ... انك انسانة ماتوقعت بلقى مثلها
انسانه بقمة الذكاء والحكمة والصبر
( صعب يابنات يجيك زوج يتكلم ويعبر طول الوقت الصدمة تكون اكبر من اللي ماعمره سمعها حكي ولا عمره عشمها بشي ))
اسمع وافرح ولا عمري شكيت انه يكذب او حسيت انه يواعد ويخلف
لااااااااااااااااااااااااااااااااااااااااااااا
كان بنظري الشخص الوحيد الذي لايكذب ....
توالت الايام وقلبي ماعاد يقوى لا اغلاط ولا اسف ..
وتوالت الايام وكثرت اغلاطه وطفش هو من الاعتذار
وصار يغلط ويطنش
يغلط ويستفز ويعصب علي بلا ادنى سبب
بس ماالومه تعود يلقى وحدة ساكتة وخايفه على بيتها وبنتها
تعود على وحدة تربت صح وقالو لها ترى بيتك جنتك
تراه مملكتك
ترا رجلك بيمر بضغوط ومشاكل تحمليه ولاتطلعين سره لاي احد
وكنت انفذ هالوصية بحذافيرها وفرحانة واحس بالانتصار
...
الرجل هذا يابنات .. جازاني برصيدي وماقصر
قالي بجلس معك جلسة مصارحة
انتي انسانة رائعة طيبة كريمة محافظة على بيتك واسرتك
انتي رايتك بيضاء
انتي تعبتي
وتستاهلين كل خير
وانا اليوم جاي بقولك ... جا اليوم اللي بريحك ...
انا بطلقك .... !!!!!!!!!!!!!!!!!!!!!!
روحي انتي وبنتك لااهلك واجلسي عندهم احسن لك مني
تلقين واحد احسن
انا احبك حب جنوني ولا زلت مااقدر افارقك ولا دقيقة
بس احس اني قاهرك فااحسن اطلقك
انا حياتي بتكون تعيسة بدونك
انا الخسران الاول والاخير بمفارقك
انا اللي بتعب
بس بطلقك
بهدم مملكتك اللي تعبتي ببناهيتها بثواني
بجرح قلبك اللي حبني وصدقني وضحكت عليه كل هالمدة
انتي تستاهلين حياة اكرم من الحياة معي ...
..
وبس ؟؟؟
كذا وبكل سهولة ارجع لاهلي مطلقه
كذا وبكل سهولة تهدم ثقتي بنفسي وفيك بلحظة ؟؟
ليه وش سويت
ليه اتطلق
ليه اغادر بيت حبيته واستقريت فيه
ليه اجرح ابوي وامي برجعتي
هذا رصيدي ؟؟؟؟
هذي المفاجات اللي واعدتني فيها
هذا جزا صبري وتعبي معك ؟؟؟
طيب وكلامك وحبك ؟؟؟
طيب عادي اتطلق واجلس ببيت اهلي بلا اي ذنب جنيته ..
طيب يوم انت منت قد المسؤؤلية ليه تزوجت
طيب العالم الي تحبك بدنيتي اهلي وقرايبي وش اقولهم
اقول طلع كذاب ؟؟
اقول طلع اناني ؟؟
اقول جا يقول بطلقك لاني ماعندي استعداد اعيشك حياة كريمة ؟؟
اقول يقول ابي ارجع للعزوبية ؟؟؟؟
وش اقول ....
اسأل الله العظيم ان يجعله يعزف عن قراره ويغير تفكيره ويصلحه قبل يطلقني
يارب ياكريم رجعه لي
مب حب فيه ...
بس كرامتي اللي ماتت وشلون ارجعها ؟؟
جدعني عند اهلي لي شهر بالضبط سأل يومين وبعدها لا دق ولا اتصل
عرفت انه سافر وكشت وانبسط وتمشى
عرفت انه مبسوووووووووووووووووووووط .. ومغير جو ..
تخيلتو صدمتي ... وش كبرها ؟؟؟
الغلا 123 @alghla_123
عضوة فعالة
يلزم عليك تسجيل الدخول أولًا لكتابة تعليق.
واااااااااااااااي اسال الله العلي القدير ان يرزقك الصبر والاحتساب ويبرد ع قلبك ويفرج همك ويسخر زوجك ويسعدك دنياواخره وويكتبلك الخير ويغفر دنبك ويفرح قلبك ويجعلك اسعد انسااااااااااااااانه
وربي انك كفو وبنت اجواد بس ياحبيبتي مالك الاصلاة الليل والاستغفااااااااااااااااااااااااااااااااااار
الله يفرج همك وطمنيني عليك ووش باقي يصير
يارب افرج همها ويسر كربها وفرح قلبها انك القوي والقادر ع ذالك
وربي انك كفو وبنت اجواد بس ياحبيبتي مالك الاصلاة الليل والاستغفااااااااااااااااااااااااااااااااااار
الله يفرج همك وطمنيني عليك ووش باقي يصير
يارب افرج همها ويسر كربها وفرح قلبها انك القوي والقادر ع ذالك
امين يارب العالمين مشكورات ع الردود .. احتاج لبعض الكلام اللي يقويني احس اني انكسرت الله يجبر كسري
الصفحة الأخيرة
يارب يحنن عليك زوجك ويسخره لك
كررى اللهم اجرنى فى مصيبتى واخلفنى خيرا منها
ولاتنسي الاستغفار والتقرب من رب العالمين والله انه افضل دواء لاكبر داء