لما قالت السعر جاني مغص

السلام عليكم و رحمه الله و بركاته
كيف حالكم حبيباتي شخباركم
الله يجعلكم في خير و من تحبون




لعب علي الشيطان في يوم ما
و قال اشتركي في قروب استشارات و محاضرات لانه مجاني

القروب اللي فيه من دول خليجية و هم تابعين لمؤسسة او شركة صاحبها امريكي اعتقد او بريطاني

طبعا القروب كان عن الثراء و كيف اكوني ايجابية و كيف اجذب المال


ما أخفيكم بعد كذا محاضرة ما كان عاجبني كفكرة و بعض المعتقدات اللي عندهم لكن قلت بأخذ اللي اشوفه ما يتعارض مع الدين و يناسبني و سبحان الله يمكن عشان ما أنكرت اللي يسوونه صار لي مقلب بقولكم في نهاية السالفة (احمسكم) هههههه لا و الله بس عشان في احداث قبل المهم ....


بدأنا و كانت محاضرة في الزوم
و ما كنت اعرف له حملته زمان بس ما عرفت له
و لكن ضبط الحمدلله و اشوف المدربة فاتحه الكام و ترحب و تسولف
و انا انخرش و اخاااف احسب اني طالعة عندهم و كنت اكل لبان (علك)
من الخرشة طالعت حولي ابي شى اغطي الكاميرا ورقة او شى بس تصرفت و طلعت اللبان و الصقه في الكاميرا الاماميه
(مدري ليه ما جاء في بالي اغطي الكاميرا بأصبعي)
الحمدلله انه علك لبان و لا كان حوست الدنيا




نرجع للمحاضرة
المدربة عسولة و كلامها حلو و حبيبة
و كان عندهم افكار مغلوطة لان المنهج اجنبي
انه مثلا استدعي قوى الكون حتى تجذبي الثراء و الوفرة




بعدين تقولك باذن الله و ان شاء الله ما أظلمها كانت تقول الاساس هو توكلك على الله اولا (لكن حتى لو بس اشارك معاهم اعتبر ما أنكرت الخرافات ذي)
و خلصنا اسبوعين
طبعا خلال الأسبوعين كان في اتصالات بالزوم و تتكلمين وش تبين تغيرين مثلا في اسلوبك او تفكيرك و الأخطاء اللي تبين تعدلينها
ما أنكر استفدت
لكن كنت استغرب منهم الاهتمام (اثاري الاهتمام هو الطُعم اللي ينحط في السنارة هههههه)
مهتمين لدرجة يقولون متى الوقت المناسب لك عشان تسوي مكالمة يعني تخيلوا تاخذ من وقتها عشان تعلمني


سويت مكالمة و بعدين قالوا نبي نسوي مكالمة ثانية نتناقش
هنا استغربت (ماعليكم انا كذا استغرب بعدين اتفاعل 😂)
هذا الاتصال كان مختلف كان من المدربة نفسها مو من مساعدينها


و المهم جلست تقول وش تشوفين ام آدم بعد سنة
قلت ببراءة و فهاوة اكمل الثانوي و قلتلها كذا حلم بعد


😂😂😂😂الان الحلقة الاخيرة استعدوا


قالت طيب و اللي يساعدك و يعلمك و تكونين في قروب استشاريين قلت حلو و جلست تشرح شرح طووووووووويل
و تفصله بعدين كنت بسألها هل ببلاش؟ بس قلت ما بستعجل بتبان الحقيقة


قالت وسط الكلام و تدفعين ٣٠٠٠٠ ريال و كملت كلام و انا سويت نفسي عادي متعودة على الأرقام ذي 😂


الان المهمه اني اقول لها لا مابي
لانها كانت تقنعني
قلتلها ما اقدر عندي دراسة و انا (اصلا غياب اغلب دوامي هههههه و ربي العالم )
لكن تأبى العروبة و الكرامة اني اقول ما عندي
قلت طيب اقدر اقسطها؟
قالت ايوة ١٢٠٠٠
قلت بيني و بين نفسي بلا كبرياء صارحيها
قلت ما عندي المبلغ
قالت انتي تستحقين
أم آدم تستحق و لا شرايك؟
قلت ايوة أستحق بس منين؟
قالت تسلفي من اخوك (لاني سولفت لها عنه ان وضعه المادي ماشاء الله حلو)
قلت طيب ان شاء الله (تسلييك )بس عشان اقفل منها بأدب
قالت طيب استنى منك رد بعد يومين قلت ان شاء الله
و بنفس اليوم قلتلها ما رضي يعطيني (و انا اساسا ما كلمته)
قالت ليه قولي له ابي اغير من ام آدم الى الافضل
و انتي بترجعين له الفلوس بالدروس اللي تعلمتيها و انك تجذبين المال و تزيدين الاستحقاق هههههههه
قلت ان شاء الله و اسوي لها بلوك


قالت٣٠٠٠٠ و الله ما اعطيك لو ١٠٠٠ على الاستدعاء و نداء و التخيلات


و انا اقول ليه الاسلوب الحلو و يطلبون مكالمتي هههههه
طلع فخ الله يكفينا شرهم