لما لقيت عباتي القديمه شوفوا اشصار ... اشتقت لها الله يرحمها

السلام عليكم ورحمة الله وبركاته

قبل ستة شهور كتبت ان صديقتي توفت فجأه و طلبت منكم انكم تدعولها انا اول اسبوع من وفاتها جتلي مثل الصدمه و تميت ما ابكي اسبوع بعد بكائي عند سمعت خبر وفاتها بحاله الي ان افجرت و بديت في البكي لساعات و ما قدرة اقوم من فراشي

انا عارفه ان الله كاتب عليها من قبل لا تنولد

بس انا طول هالشهور كان الوضع عادي لدرجه كنت اطلع ملابسي القديمه لقيت عباة لي قديمه كانت امي شاريتها لي حق الكليه تذكرتها
كانت تقول عباتك حيل حلوه وكانت حيل عاجبتها الله يرحمها

تدرون اشسويت لبستها و حسيت بفرح ما ادري ليش تذكرتها حبيبيتي .. رحت السوبرماكت فيها ما ادري كنت حيل فرحانه

احسه تصرف مو طبيعي


اذكر ابتسامتها وضحكتها رغم الحرمان الي تمر فيه تيتمت من و هي صغيره انحرمت من وايد اشياء تعتبرمن ابسط حقوقها

ما عمري سمعتها تغتاب او تتكلم بسوء عن احد او اي شي

لما نقعد مع بعض بس ضحك و سوالف و انبسط من سوالفها و لا كانت تجيب سيرة احد على السانها

اذكرايام ما كانت معاي بالكليه

ايام التسجيل تخيلوا كانت تقعد مده طويله وياي تساعدني مثل اخت كبيره لي الله يرحمها

قبل وفاتها بيوم كنا نتكلم مع بعض

و حسيت بشي غريب

حسيتها مو اهي الي اعرفها كانت تكثر من قول الحمد لله على كل حال

كاتبه رساه تودع استغربت عليها

يوم جاني خبر وفاتها اهتز كياني انصدمت لما سمعت الخبر بكيت شوي وبس انصدمت
كل الناس ما راعت شعوري وبكل برود و عدم مراعاة يسألوني اشلون ماتت هذي البنت الي انقلبت السياره فيها سامعبين خبر انه بنت بعمرها توفت و حاشهم الفضول الا يعرفوا ومن مين مني باول يوم من وفاتها ؟؟؟ عوذ باله من قسوت القلب
لما قلت بس تكفون راعوا مشاعري صديقتي توفت وانوا تسألوني هالاسئله
انا ين وانتوا وين

بدلما تسألون كيف ماتت ترحموا عليها


الله يرحمها سبحان الله الطيب الله ياخذ امانته بسرعه

6 شهور و انا ما اتكلم بالهموضوع هذا ابد


بس تدرون ايش الي خلاني اكتب الموضوع انا تقريبا من وفاتها الله يرحمها وقفت ادخل على الماسنجر اليوم ويعد تقريبا 6 اشهور لما فتحته ما قدرت امسك نفسي

الله يرحمك حبيبة قلبي رحمه واسعه و الله العظيم لا في يوم اذتني او كدرتني في كلمه
انا الي يحز في نفسي انه في ناس تملك كل شي بس تبخل حتى بمشاعرها عليك و في ناس تملك ولا شي و تحسس انها تملك كل شي ولا تبخل عليك بحاجه

سامحوني ادري افكاري مو مترتبه والله ابكي واكتب

بس ابيكم تدعون لها بالرحمه والمغفره وان الله يعوضها بجنة الفردوس

نصيحه من اختكم : قدروا الي يقدركم وحطوه فوق راسكم ... و الطيبه ثم الطيبه الدنيا ما تسوى شي وما يبقى من الانسان بالدنيا الا الناس تذكره بالخير من حسن خلقه

ادري ان الموضوع مو مرتب بس سامحوني :(